လယ်တီဆရာတော်ဘုရားကြီး ။( ဦးပညာသာမိ)

         မြန်မာသက္ကရာဇ် ၁၂၄၇ -ခုတွင်၊ သီပေါမင်း ပါတော်မူပြီးနောက် မြန်မာနိုင်ငံကို ဗြိတိ
သျှတို့ အနှစ် ၆၀ ကျော် အုပ်စိုးသွားပါသည်။ ဗြိတိသျှတို့ အုပ်စိုးသည့်ကာလအတွင်း လောကီ
လောကုတ္တရာ စာဆိုတော်ကြီးများ အသီးသီး ပေါ်ထွန်းခဲ့တဲ့အနက် လယ်တီဆရာတော်ဘုရား

 ကြီးမှာ ဘာသာ၊ သာသနာအတွက် ထူးထူးခြားခြား စွမ်းစွမ်းတမံ ဆောင်ရွက်လမ်းညွှန်သွားတဲ့
ဓမ္မစာဆိုတော်ကြီးတစ်ပါး ဖြစ်ပါတယ်။
         လယ်တီဆရာတော်ကြီးကို ၁၂၀၈ -ခုနှစ်၊ နတ်တော်လဆန်း ၁၃ ရက်၊ အင်္ဂါနေ့တွင်
စစ်ကိုင်းတိုင်း၊ ရွှေဘိုခရိုင်၊ ဒီပဲရင်းမြို့၊ စိုင်ပြင်ကြီးရွာ၌ မွေးဖွားခဲ့ပါတယ်။ လယ်တီဆရာတော်
ကြီးဟာ အရေးကောင်း၊ အဟောကောင်း၊ အကျင့်ကောင်း၊ စာတတ်ပေတတ် ပိဋကတ်ပါရဂူ
ပုဂ္ဂိုလ်ကျော်ကြီးတစ်ပါး ဖြစ်ပါတယ်။ မြန်မာတစ်ပြည်လုံး နွားသားရှောင်ကြည်ရေးကို လှုံ့
ဆော်ဟောကြားသွားတဲ့ ကရုဏာရှင် ပုဂ္ဂိုလ်ကြီး  ဖြစ်ပါတယ်။
         သံခိပ်အသင်းတော် တည်ထောင်ပြီး အဘိဓမ္မာ သာသနာပြန့်ပွားအောင် ဆောင်ရွက်
သွားတဲ့ ဓမ္မစာဆိုတော်ကြီးလည်း ဖြစ်ပါတယ်။ ဒီပနီအမျိုးမျိုး၊ ကျမ်းစာအမျိုးမျိုး၊ မေတ္တာစာ
အမျိုးမျိုး၊  ဆုံးမစာအမျိုးမျိုး  ရေးသားပြုစုသွားတဲ့   ပရဟိတလမ်းညွှန်   ပုဂ္ဂိုလ်ကြီးလည်း
 ဖြစ်ပါတယ်။
         လယ်တီဆရာတော်ဘုရားကြီး သက်တော် (၇၇) နှစ်အရောက်၊ ၁၂၈၅ -ခုနှစ်၊ ပထမ
ဝါဆိုလဆန်း (၁၅) ရက်နေ့တွင် ပျဉ်းမနားမြို့၌ ပျံလွန်တော်မူပါတယ်။ လယ်တီဆရာတော်
ဘုရားကြီး ပျံလွန်တော်မူသွားသည်မှာ နှစ် (၉၀) ရှိသွားပြီ ဖြစ်သော်လည်း ဆရာတော်ကြီး၏
စာပေများက ရဟန်း၊ ရှင်လူတို့၏ နှုတ်ဖျားတွင် ယခုတိုင် ရွက်ဆဲ၊ ဖတ်ဆဲ၊ အသုံးပြုဆဲ ရှိနေ
ကြပါသေးတယ်။
         ဒါကြောင့် လယ်တီဆရာတော်ဘုရားကြီး၏ သီလ၊ သမာဓိ၊ ပညာကိုအစဉ်လေးစားကာ
မိမိဘ၀ မြင့်မြတ်သထက် မြင့်မြတ်အောင် ကျင်ကြံအားထုတ်လျက် မြတ်နိဗ္ဗာန်ကို ရရောက်နိုင်
ကြပါစေ ကုန်သတည်း။
 {နိုင်ငံတော် သံဃမဟာနာယကအဖွဲ့ သင်တန်းနည်းပြဆရာတော် ဦးပညာသာမိ(မာဂဓီ-
   သာစည်) ၏ အခါတော်နေ့များ မှ ကောက်နုတ်ရေးသားပါသည်။ }
      “ဆုတောင်းပတ္တနာ”
ဓမ္မဒါန၊ ဤပုညကြောင့်၊
ဘ၀သံသရာ၊ နောင်ဖြစ်ရာ၌၊
ပညာထူးချွန်၊ မြင့်ကဲလွန်လျက်၊
အမွန်ချမ်းသာ၊ နိဗ္ဗူတာကို၊
လျင်စွာရစေ၊ တောင်းဆုခြွေသည်၊
မသွေပြည့်ဝပါစေသော်။ ။
     ဦးသိန်းဝေ။
           http://www.facebook.com/damanadi.tk
          http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။
----------------------------------------------------------------
“ကိုယ်စီခပ်နှိပ်ကြ”
    ===========
အိုးမဖုတ်ခင်၊ အိုးလုပ်စဉ်ဝယ်၊
အိုးတွင်နှိပ်ခပ်၊ တံဆိပ်မှတ်ကား၊
မပြတ်မစဲ၊ အိုးပင်ကွဲလည်း၊
အမြဲတစေ၊ တည်ရှိနေသို့၊
ထိုထိုသွေးသား၊ ကလေးများ၌၊
ဘုရားတံဆိပ်၊ ဘာသာစိတ်ကို၊
ခပ်နှိပ်နိုင်မှ၊ သက်ဆုံးကျအောင်၊
ဗုဒ္ဓ၀ါဒီ၊ စွဲ၍ တည်မည်၊
ကိုယ်စီခပ်နှိပ်  ကြစေသတည်း။ ။
(တောင်မြို့-မဟာဂန္ဓာရုံဆရာတော်)