ဘယ်တရားက အိပ်ပြီး၊ ဘယ်တရားက နိုးပါသလဲ ?။

       သာဝတ္ထိပြည် ဇေတ၀န်ကျောင်း ညချမ်းမှာ နတ်သားတစ်ယောက်က ဘုရားရှင်အား
မေးမြန်းရာတွင် (၁) ဘယ်တရားက အိပ်နေပြီး၊ ဘယ်တရား နိုးသလဲ ?၊ (၂) ဘယ်တရား နိုးပြီး
ဘယ်တရား အိပ်သလဲ ?၊ ဘယ်တရားက ကိလေသာကို သိမ်းပိုက်မလဲ ?။

         ဘုရားရှင်က ငါးပါးသော တရားတွေ အိပ်နေတဲ့အချိန်မှာ ငါးပါးသောတရားတွေ နိုးနေပါ
တယ်။ ငါးပါးသော တရားတွေ နိုးနေချိန်မှာ၊ ငါးပါးသော တရားတွေ အိပ်နေပါတယ်လို့ ဘုရားက
ဖြေကြားပါတယ်။ နီဝရတရားငါးပါး အိပ်နေရင် ဣနြေ္ဒငါးပါးက နိုးနေပြီး၊ နီဝရတရားငါးပါး နိုးနေ
ရင် ဣနြေ္ဒငါးပါးက အိပ်နေပါတယ်။
         အဲဒီငါးပါးသော တရား ၂ မျိုးရဲ့ ရှင်းလင်းချက်ကတော့ နီဝရဏတရား ငါးပါးဆိုတာ ၁။
ကာမစ္ဆန္ဒ နီဝရဏ၊ ၂။ ဗျာပါဒ နီဝရဏ၊ ၃။ ထိနမိဒ္ဓ နီဝရဏ၊ ၄။ ဥဒ္ဓစ္စ ကုဣစ္စ နီဝရဏ၊ ၅။ ၀ိစိ
ကိစ္ဆာ နီဝရဏ၊ သတိကို အကြီးအမှူးထားပြီး အားထုတ်ရင် နှောက်ယှက်မဲ့ တရားပါ။ နိုးနေတဲ့ ဣနြေ္ဒငါးပါးဖြစ်တဲ့ ၁။ သဒ္ဓါ၊ ၂။ ၀ီရိယ၊ ၃။ သတိ၊ ၄။ သမာဓိ၊ ၅။ ပညာပဲ ဖြစ်တယ်။
         သူတော်ကောင်းတို့ကို သံသရာမှာအိပ်အောင် လုပ်စေတာ နီဝရဏတရားငါးပါး၊ သူတော်
ကောင်းတို့ကို သံသရာမှာနိုးအောင် လုပ်စေတာ ဣနြေ္ဒတရားငါးပါး၊ သူတော်ကောင်းတို့   တရား အလုပ် လုပ်ပြီဆိုရင် သဒ္ဓါနဲ့ နိုးနေရမယ်၊ သတိနဲ့ နိုးနေရမယ်၊ ပညာနဲ့ နိုးနေရမယ်၊ ၀ိရိယနဲ့ နိုးနေ
ရမယ်၊ သမာဓိနဲ့ နိုးနေရမယ်။ အဲဒီလို သဒ္ဓိဣနြေ္ဒတွေနဲ့ မနိုးရင် နီဝရဏက ဉာဏ်ပညာတွေကို ဖုံး
အုပ်လိုက်တယ်။ ဘုရား၊ တရား၊ သံဃာ အပြင် နောက်ထပ် ယုံကြည်စရာ ကိုးကွယ်စရာ မရှိတော့မှ
“ဉာဏ်” ဖြစ်မယ်။
         ကာမစ္ဆန္ဒဆိုတာ ကိုယ်သက်သာမှုရှာတာလည်း ကာမစ္ဆန္ဒပါပဲ။ တရားအားထုတ်တယ်ဆိုတာ
ကာမစ္ဆန္ဒကို နားလည်အောင် အရင်လုပ် နားလည်မှ အားထုတ်ပါ။ တရားအားထုတ်မှုမှာ သဒ္ဓါ၊ ၀ီရိ
ယ၊ သမာဓိ၊ သတိ၊ ပညာကို နိုးအောင် နှိုးနိုင်ရမယ်။ တရားအားထုတ်ရင် ကာမစ္ဆန္ဒကို မောင်းထုတ်
နိုင်ရမယ်။ ကာမစ္ဆန္ဒရှိတဲ့သူမှာ ဣနြေ္ဒငါးပါး လုံးဝအိပ်နေတယ်။ နီဝရဏဆိုတာ ဖုံးအုပ်ထားတာ။
အိပ်ပျော်နေတာနဲ့ တူတယ်။
         ကိလေသာတွေကို ဆွဲခေါ်တာ နီဝရဏ နိုးနေလို့ပါ။ ဆင်းရဲကို ပေးစေတာဟာလည်း နီဝရဏ
တရားကြောင့်ပါ။ သူတော်ကောင်းတို့ ရင်ထဲမှာ လောဘ၊ ဒေါသ၊ မောဟရှိနေရင် ဆင်းရဲမှုတွေ ရှိ
နေတယ်။ အဲဒီတရားတွေကို စင်ကြယ်စေချင်ရင် ဣနြေ္ဒငါးပါးကို အမြဲမပြတ် ရင်ထဲကိန်းဝပ်နိုးကြား
စေခြင်းဖြင့် အချိန်တိုင်း အချိန်တိုင်း ပညာတွေနိုး၊ သဒ္ဓါတွေနိုး၊ သတိတွေနိုး၊ သမာဓိတွေနိုး၊ ၀ီရိယ တွေနိုးနေနိုင်မှ တရားရမယ်။
         ငါဘုရားရဲ့ သာသနာမှာ ဘုရားရဲ့ အဆုံးအမတွေကို မှန်မှန်ကန်ကန် ဖြောင့်ဖြောင့်မတ်မတ်
လိုက်နာကျင့်သုံး နေကြသရွေ့ ရဟန္တာမဆိတ်သုဉ်းဟု သုဘဒ္ဒရဟန်းကို ပြောကြားခဲ့တယ်။ အဲဒီ
စကားတော်ကိုထောက်၍  နီဝရတရား၊ ကိလေသာတရားတွေကို ရှောင်ကွင်းပြီး ဣနြေ္ဒငါးပါးတို့ဖြင့်
မိမိတို့ရဲ့ စိတ်တွေကို နိုးကြားစေပြီး ကြိုးစားအားထုတ်နိုင်ရင် မဂ်ခရီးဟာ မဝေးပါဘူး။
         ဒါကြောင့် တရားချစ်ခင် သူတော်ကောင်းအပေါင်းတို့ကလည်း တရားနာချိန်မှာ ဣနြေ္ဒငါးပါး
နိုးကြားစေဖို့အတွက် မိမိတို့ရဲ့ သဒ္ဓါတရားကို ခိုင်မြဲသထက် ခိုင်မြဲစေဖို့ နှိုးရမယ်။ သတိ၊ ပညာ၊ ၀ီရိ
ယ၊  သမာဓိတွေ လုံလကြီးစွာ ထားပြီး နှိုးရမယ်ဆိုတာ သိရှိကာ ကျင့်ကြံအားထုတ်နိုင်ကြကာ မြတ်
နိဗ္ဗာန်ကို ရရောက်နိုင်ကြပါစေ ကုန်သတည်း။ ။
{ ၂၀၁၀ ခုနှစ်၊ စက်တင်ဘာလ ၁၀ ရက်နေ့ ၊ ကျိုက်ထို ဓမ္မရိပ်သာ အလုပ်ပေး တရားစခန်း၌
  မင်္ဂလာတိုက်ဆရာတော် ဥူးသုမင်္ဂလ ဟောကြားသော အိပ်သူနဲ့ နိုးသူ တရားတော်မှ ကောက်နုတ်
  ရေးသားပူဇော်ပါသည်။ }
     (မှားယွင်းမှုများရှိသော် အစဉ်သနားသောအားဖြင့် သည်းခံခွင့်လွှတ်ပေးပါရန်
                    ဦးခိုက်လျှောက်ထားပါသည် ဆရာတော်အရှင်သူမြတ်ဘုရား)

     ဦးသိန်းဝေ။
           http://www.facebook.com/damanadi.tk
          http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။