ဘာသာ/သာသနာ အတွက် အသိပညာပေး ဆောင်ပုဒ်များ(၅)

ကန်ပေါင်ပရိယတ်၊ ပဋိပတ် ကန်ရေ
ပဋိဝေ ကြာ ဟု၊ သုံးခုသာသနာ
မိန့်ဆိုရာ၌၊ ....
ကန်ပေါင်ရှိမှ၊ ရေတည်ရ၏။

ရေမှတစ်ဆင့်၊ ကြာပန်းပွင့်၏။
ကြာပန်းနှင့်ရေ၊ တည်ရှိနေအောင်
ကန်ပေါင်ရိုးက၊ ပဓာနတည်း။ ။
ပဓာနကျလတ်၊ ပရိယတ်ကို
တတ်အပ်သမျှ၊ သင်ပို့ချလော့။ ။
ကန်ပေါင်ပရိယတ်၊ ကျိုးမပြတ်အောင်
တတ်အပ်သမျှ၊ ဆည်ဖို့ကြလော့။ ။
ပေးဆက်ပြုလာ၊ သာသနာကို
ငါတို့တာဝန်၊ စိတ်ရင်းခံ၍
ဇွဲသန်လုံလ၊ ပြုနိုင်မှလျှင်
ရှေးကအမွေ၊ နောင်ဝယ်မပျက်
ရွှေလက်ဆက်မည်။ တည်တံ့မည်။ ။
------------------------------------------
လူ့ဘုံဌာန၊ လူ့လောကကား
အိုရ နာရ၊ သေရဦးမည်
မှန်ပေသည်တည်း။ ။
သို့တပြီကား........
သင်သေသွားသော်၊.
သင်ဖွားသည့်မြေ၊ သင်တို့ပြည်သည်
အခြေတိုးမြင့်၊ ကျန်ကောင်းသင့်၏။ ။
သင်၏ဘိုးဘွား၊ စာ စကားလည်း
ကြီးပွားတိုးမြင့်၊ ကျန်ကောင်းသင့်၏။ ။
သင်တို့ဦးချ၊ အမျှဝေရာ
စေတီသာနှင့်.......
သစ္စာအရောင်၊ ဉာဏ်တန်ဆောင်လည်း
ထွန်းပြောင်ဝင်းတင့်၊ ရှိစေသင့်၏။ ။
အကယ်၍သာ.........
ကမ္မဿကာ၊ လူဗိုလ်ပါတို့
ငါနှင့်မဆိုင်၊ မတတ်နိုင်ဟု
မပြိုင်ခင်ရှုံး၊ စိတ်နှလုံးကို
တုံးတုံးကြီးချ၊ ရှိချေကမူ
ဗုဒ္ဓသာသနာ၊ ကွယ်ပျောက်ရာ၏။ ။
သို့တပြီးကား..........
ဒို့များဖြစ်ရ၊ ဤလောက၀ယ်
ဘ၀သမိုင်း၊ မရိုင်းစေရန်
စိတ်မာန်မချ၊ ဒေါသမပါ
ဒို့စွမ်းရာဖြင့်၊ ဒို့သာသနာ
ဒို့ပြည်ရွာကို၊ သာယာစေမှု
လုံ့လပြုစို့ .............။ ။
----------------------------------
မြတ်သောအကျင့်၊ မြတ်အောင်ကျင့်မှ
မြတ်ရှင့်သာသနာ၊ မြတ်အောင်သာတည်း။ ။
မြတ်စွာဗုဒ္ဓ၊ ဟောမိန့်ဟသည့်
ဓမ္မဒေသနာ၊ အဖြာဖြာကို
လိုက်နာကျင့်မှ၊ ချမ်းသာရ၏။ ။
ချမ်းသာလိုငြား၊ သူငါများတို့
ဘုရားသာသနာ၊ ကြုံကြိုက်ခါဝယ်
သဒ္ဒါ သီလ၊ စာဂ ပညာ
အဖြာဖြာကို၊ ကောင်းစွာကြိုးကုတ်
ကျင့်အားထုတ်လော့။ ။
{ အောင်ဇေကမ္ဘာ ကုမ္ပဏီ လက်ကမ်းစာစောင်မှ မှတ်ယူရေးသားပါသည်။ }
  ဦးသိန်းဝေ။
   http://www.facebook.com/damanadi.tk
   http://www.damanadi.tk/ (ဓမ္မနဒီ)တွင်လည်း ဖတ်ရှုနိုင်ပါသည်။
======================
“ များလှ ကျေးဇူးတွေ ”
==============
ဘုရားရှင်တော်၊ မပွင့်ပေါ်လျှင်
လူတော်အများ၊ စိတ်ကောင်းထားလည်း
ဤကားကုသိုလ်၊ အကုသိုလ်နှင့်
ထိုထိုဘုံဘ၀၊ မသိရ
များလှ အပြစ်တွေ။ ။
ဘုရားရှင်တော်၊ ပွင့်ထွန်းပေါ်၍
ဟောဖော်ညွှန်ကြား၊ မြတ်တရားကြောင့်
ဤကားကုသိုလ်၊ အကုသိုလ်နှင့်
ထိုထိုဘုံဘ၀၊ သိကြရ
များလှကျေးဇူးတွေ။ ။
(အရှင်ဇနကာဘိဝံသ)