ကုန်ဆုံးသွားပေမယ့် အကောင်းဆုံးပါ။

        လောကမှာ ကုန်အောင် လုပ်စရာတွေ အများကြီးရှိပါတယ်။ အဲဒီ ကုန်အောင်လုပ်တဲ့
အထဲမယ် မြတ်စွာဘုရားက တဏှာကို ကုန်အောင်လုပ်ရမယ်လို့ တဏှာသင်္ခယ သုတ္တန်ဆိုတာ
ဟောထားပါတယ်။ လူတွေမလိုချင်တာက   ဒုက္ခ၊ အဲဒီ မလိုချင်တဲ့ ဒုက္ခကို ထုတ်လုပ်နေတာ 

တဏှာ၊  လောကမှာ ပစ္စည်းဥစ္စာတွေ ကုန်သွားတာရှိတယ်၊ စားစရာ သောက်စရာတွေ ကုန်သွား
တာရှိတယ်၊ ကုန်တာတွေ အကုန်လုံး ကုန်ကြတာတွေ ရှိတာပါပဲ။ အဲဒီ ကုန်ဆုံးသွားတဲ့ အထဲမယ်
တဏှာကုန်တာ အကောင်းဆုံးကုန်ခြင်းပါ။
         မြတ်စွာဘုရားက "တဏှာက္ခယော သဗ္ဗဒုက္ခံ ဇိနာတိ"။  'တဏှာက္ခယော'-  တွယ်တာမှု
ဆိုတဲ့တဏှာ ကုန်ခမ်းသွားခြင်းသည် (တဏှာက္ခယဆိုတာ တခြားကိုပြောတာမဟုတ်ဘူး၊ အရ
ဟတ္တမဂ်နှင့် အရဟတ္တဖိုလ်ကို ပြောတာ) တဏှာက ဘယ်မှာ ကုန်သလဲ၊ ဘာနဲ့မှ ကုန်သလဲဆိုရင်
အရဟတ္တမဂ် အရဟတ္တဖိုလ်ရမှကုန်မယ်၊ အရဟတ္တမဂ်ကသာလျှင် တဏှာကို အားလုံး ဖယ်ရှား
ပစ်နိုင်ပါတယ်။ ဒါ့ကြောင့်မို့ အရဟတ္တမဂ်ရယ် အရဟတ္တဖိုလ်ရယ်ဆိုတဲ့ အမြင့်ဆုံးဓမ္မ ဒီနှစ်ခုကို
'တဏှာက္ခယ' လို့ ခေါ်ပါတယ်။
         အဲဒီ တဏှာက္ခယ လို့ဆိုတဲ့ တဏှာကုန်ဆုံးမှု၊ အတွယ်အတာကုန်ဆုံးမှုဟာ ဘာကြောင့်
အကောင်းဆုံးလို့ ပြောရသလဲဆိုရင် မြတ်စွာဘုရားက 'သဗ္ဗဒုက္ခံဇိနာတိ' တဲ့။ ဒုက္ခတွေ အားလုံး
ကို အနိုင်ရလိုက်လို့ ပါတဲ့။ တို့တစ်တွေက တဏှာကို မပယ်နိုင်ဘဲနဲ့ ဒုက္ခက လွတ်မြောက်ချင်နေ
တာ၊ တဏှာကို မပယ်ဘဲနဲ့ ဒုက္ခကလွတ်မြောက်ဖို့ဆိုတာ လုံးဝမဖြစ်နိုင်ပါ။ တဏှာ မပယ်ဘဲနဲ့
ဒုက္ခကလွတ်တယ်ဆိုတာ လုံးဝမရှိပါ။
         ဒါ့ကြောင့်မို့ အားလုံးမကြိုက်မနှစ်သက်တဲ့ ဒီဒုက္ခကြီးက လွတ်ဖို့ဆိုလို့ရှိရင် ဒုက္ခကို ကုန်
အောင် လုပ်ရမှာလား၊ တဏှာကို ကုန်အောင်လုပ်ရမှာလား၊ဘာကို ကုန်အောင် လုပ်ရမလဲဆိုတာ
သိဖို့ လိုပါတယ်။  ဒုက္ခကို ကုန်အောင်လုပ်လို့ မရပါ။ ဒုက္ခကို ကုန်စေချင်လို့ရှိရင် တဏှာကို ကုန်
အောင်လုပ်ရပါမယ်။ အတွယ်အတာကို မလျော့ဘဲနဲ့ ဒုက္ခက လွတ်ချင်တယ်ဆိုရင်ကတော့ လုံးဝ
မဖြစ်နိုင်ပါ။
         ဒါ့ကြောင့် "တဏှာက္ခယော သဗ္ဗဒုက္ခံ ဇိနာတိ"။ 'တဏှာက္ခယော' - တဏှာကို ကုန်စေ
တတ်တဲ့ အရဟတ္တမဂ် အရဟတ္တဖိုလ်ဆိုတဲ့ သဘာဝတရားဟာ၊ သဗ္ဗဒုကံ္ခ  - ဒုက္ခမှန်သမျှကို၊
ဇိနာတိ - အနိုင်ရတယ် လို့ပြောပါတယ်။ ဒုက္ခခပ်သိမ်းက လွတ်မြောက်ချင်လို့ရှိရင် တဏှာကုန်
အောင် လုပ်ရပါမယ်။
         မြတ်စွာဘုရားသခင် ကိုယ်တော်မြတ် ဘုရားအဖြစ်သို့ ရောက်တဲ့အချိန်မှာ ဥဒါန်းကျူးတဲ့
စကားကိုကြည့်ပါ။ အနေကဇာတိ သံသာရံဆိုတဲ့ ဒီဂါထာကို ဖြတ်ပြီးတော့ အနေကဇာတင်တယ်လို့
ပြောနေကြတာ၊ အနေကဇာ ဆိုတာ ပါဠိစကားကို ဖြတ်ခေါ်တာပါ။ ဥဒါန်းကျူးခဲ့တာက ““ငါ့ရဲ့
ခန္ဓာဒုက္ခကြီးကို ထပ်တလဲလဲဖြစ်စေတာ၊ ထပ်တလဲလဲ ဆောက်လုပ်နေတာ ဘယ်သူလဲဆိုတာ
ငါရှာတာ မတွေ့ရလို့ ဘ၀ပေါင်းများစွာ သံသရာလည်ခဲ့ရတယ်”” လို့ ပြောပါတယ်။ အနေကဇာတိ
သံသာရံ သန္ဓာဝိဿံ-    ဘ၀တွေမြောက်များစွာ သံသရာထဲမှာ ပြေးခဲ့ရတယ်၊   လည်ခဲ့ရတယ်၊
ကျင်လည်ခဲ့ရတယ်၊ ဟိုဘ၀ကနေ ဒီဘ၀ရောက်ခဲ့ရတယ်၊ ဘယ်သူက လုပ်နေတာလဲဆိုတာ
ရှာမတွေ့လို့ပါ။
         တို့တစ်တွေဟာ နောက်ဆုံးမှာ တို့တစ်တွေရဲ့ ဦးတည်ချက်ပန်းတိုင်က ဘာလဲဆိုရင် တဏှာ
ကုန်ဖို့ပါပဲ။ အဲဒီတဏှာ မကုန်သေးသမျှ သံသရာထဲမှာ တို့တစ်တွေ လည်နေကြဦးမှာပါပဲ။  တဏှာ
ဆိုတာ ကုန်သွားမှ ဟောဒီ ဒီဘ၀ကနေ ဟိုဘ၀၊ ဒုက္ခမျိုးစုံထဲမှာ ကျင်လည်ရတဲ့ဘ၀၊ သံသရာက
လွတ်မြောက်ပြီး နောက်ဆုံး နိဗ္ဗာန်ဆိုတဲ့ အငြိမ်းဓာတ်ကို ရကြမှာ ဖြစ်တယ်။ အဲဒါကြောင့် တဏှာ
ကုန်အောင် တို့တစ်တွေ ကြိုးစားအားထုတ်ကြရမယ်လို့ ကိုယ်စီကိုယ်ငှ သဘောကျပြီး ကြိုးစားအား
ထုတ်နိုင်ကြပါစေ ကုန်သတည်း။
 {ကောဇာသက္ကရာဇ် ၁၃၇၁ ခုနှစ်၊ တော်သလင်းလဆန်း ၁၄ ရက်နေ့ မန္တလေးမြို့၊ မဟာအောင်
မြေမြို့နယ်၌ ဒေါက်တာ အရှင်နန္ဒာမာလာဘိဝံသ ဟောကြားတော်မူသော
 “ ၁၂  နှစ်ကြာ အဖြေရှာခဲ့ရသော မေးခွန်းများ ” မှ ကောက်နုတ်ရေးသားပူဇော်ပါသည်။ }
  (မှားယွင်းမှုများရှိသော် အစဉ်သနားသောအားဖြင့် သည်းခံခွင့်လွှတ်ပေးပါရန်
                    ဦးခိုက်လျှောက်ထားပါသည် ဆရာတော်အရှင်သူမြတ်ဘုရား)
 “ဆုတောင်းပတ္တနာ”
ဓမ္မဒါန၊ ဤပုညကြောင့်၊
ဘ၀သံသရာ၊ နောင်ဖြစ်ရာ၌၊
ပညာထူးချွန်၊ မြင့်ကဲလွန်လျက်၊
အမွန်ချမ်းသာ၊ နိဗ္ဗူတာကို၊
လျင်စွာရစေ၊ တောင်းဆုခြွေသည်၊
မသွေပြည့်ဝပါစေသော်။ ။
     ဦးသိန်းဝေ။
           http://www.facebook.com/damanadi.tk
          http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။
(ပိုမိုပြည့်စုံကောင်းမွန်အောင် အဆင်ပြေသလို ဖြည့်စွက်ရေးသားပြုပြင်ပြီး Share နိုင်ပါသည်။)