Thursday, February 12, 2015

ဝိသမလောဘဓာတ်။

* ခြံရိပ်မှောင်တွင်၊ ခေါင်းထောင်စွယ်ပြူး၊
    တရှူးရှူးနှင့်၊ ဟူးဟူးမာန်ထွက်၊
    ပါးပြင်းခွက်ကာ၊
    ငှက်ခတ်သမား၊ မုဆိုးသားကို၊
    တအားပေါက်ရန်၊ အသင့်ကြံသည်၊

    လူ့ရန်မြွေဆိုးတစ်ကောင်နှင့်။ ။
 * လေတွင်ပျံဝဲ၊ တရှဲရှဲလျှင်
    ကိုယ်မဲနှုတ်နီ၊ လက်သည်းရှည်နှင့်
    စွီစွီစူးစူး၊ ရဲတင်းကျူးကာ
    ဟူးဟူးမာန်ထွက်၊ မြွေဆိုးဇတ်ကို
    ထိုးလျှက်သုတ်ရန်၊ အသင့်ကြံသည်
    မြွေ့ရန် စွန်ရဲတစ်ကောင်နှင့်။ ။
 * လက်ဖျံကြောထောင်၊ လည်ကြောထောင်လျှက်
    မျက်မှောင်ကိုကြုတ်၊ အားမာန်ထုတ်ကာ
    မိုးကုတ်ပျံဝဲ၊ ငှက်စွန်ရဲကို
    မျှားစွဲနိုင်ရန်၊ အသင့်ကြံသည်
    စွန့်ရန် မုဆိုးတစ်ယောက်နှင့်။ ။
 * ဤမြင်ကွင်းကို
    ငါလျှင်ခဏ၊ မြင်လိုက်ရစဉ်
    ပတ်ဝန်းကျင်ဝယ်၊ နာကျင်သံတို့ လွှမ်းနေ၏။ ။ ။
                              ( မောင်စွမ်းရည် )
 {မေတ္တာရှင်(ရွှေပြည်သာ)၏ မေတ္တာဖြင့်စီးပွားရှာခြင်းမှ ကူးယူရေးသားပါသည်။ }

     ဦးသိန်းဝေ။
           http://www.facebook.com/damanadi.tk
          http://www.facebook.com/damanady.tk

No comments:

Post a Comment