မင်္ဂလာညချမ်းပါအရှင်ဘုရား အရှင်ဘုရား ကျန်းမာချမ်းသာပြီးလိုအင်ဆန္ဒပြည့်ဝပါစေဘုရား
တပည့်တော်လက်ဆယ်ဖြာထိပ်မှာမိုးပြီးရှိခိုးကန်တော့အပ်ပါသည်ဘုရား
တပည့်တော်ကို မေးခွန်းလေးတစ်ခုမေးမြန်းခွင့်ပြုပါအရှင်ဘုရား
ရဟန်းတော်များသည် မည်သည့်အကြောင်းကြောင့်သင်္ကန်းအရောင်များမှာ တစ်သားတည်းမဟုတ်ပဲ အရောင်ကွဲပြားနေရပါသလဲဘုရား
မြတ်စွာဘုရားလက်ထက်တော်အခါ၌ဤကဲ့သို့ ပင် သင်္ကန်းအရောင်ကွဲပြားပါသလား အရှင်ဘုရား
တပည့်တော်ကဲ့သို့မသိသေးသောသူများရှိကောင်းရှိနိုင်ပါ၏ဘုရား သနားသောအားဖြင့် အချိန်ရလျှင် ဖြေကြားပေးပါ အရှင်ဘုရား
တပည့်တော် စာသားများ၌အမှားပါ ခဲ့ပါက တပည့်ဒကာအားခွင့်လွှတ်ပေးပါဘုရား အရှင်ဘုရား ကျန်းမာချမ်းသာသာသနာအကျိုး အများအကျိုးဆထက်တပိုးသယ်ပိုးနိုင်ပါစေ ဘုရား
မေးခွန်းအတွက် ကျေးဇူးတင်ပါတယ်ဒကာ၊ သင်္ကန်းနဲ့ပတ်သတ်လို့ မြတ်စွာဘုရားရှင် ခွင့်ပြုတော်မမူသည့် အရောင်၊ ဆိုးခွင့်မပေးမပေးသည့် အရည်ဟု ရှေးဦးစွာခွဲခြားရပါမည်။ မြတ်စွာဘုရားရှင် ခွင့်ပြုတော် မမူသည့်သင်္ကန်းအရောင်ကား အလုံးစုံညိုသောသင်္ကန်း၊ အလုံးစုံဝါသောအရောင်၊ အလုံးစုံ နီသောအရောင်၊ အလုံးစုံပြာသောအရောင်၊ အလုံးစုံမည်းသောအရောင်၊ အလုံးစုံ ကင်းခြေများ ကျောက်ကုန်းအဆင်းနှင့်တူသောအရောင်၊ အလုံးစုံဖက်ရွက်လျော်အဆင်းနှင့်တူသောအရောင်တို့ ဖြစ်ပါတယ်။ ထိုအရောင်များရှိတဲ့ သင်္ကန်းကို ခွင့်ပြုတော်မမူပါဘူး။
နောက်ပြီးတော့ နွားချေးဖြင့်လည်းကောင်း၊ မြေနီဖြင့်လည်းကောင်း သင်္ကန်းကို ဆိုးခွင့် မပြုပါ။ အဆင်းအနေအားဖြင့် မတင့်တည်သောကြောင့်ဖြစ်သည်။ ပိန္တွဲ၊ ညောင်တို့၏ အမြစ်ဆိုးရည်၊ ပင်စည်ဆိုးရည်၊ အခေါက်ဆိုးရည်၊ အရွတ်ဆိုးရည်၊ အပွင့်ဆိုးရည်၊ အသီးဆိုးရည် များဖြင့်သာ ဆိုးခွင့်ပြုတော်မူပါတယ်။ ထိုသို့ဆိုးထားသော မနီလွန်း မညိုလွန်း မဝါလွန်းသော အရောင်များသာ အပ်စပ်တာဖြစ်ပါတယ်။ အရောင်တွေ ဘာကြောင့်ကွဲပြားသလဲဆိုတော့ ပိန္တွဲ၊ ညောင်စသည်ဖြင့် ဆိုးရည်မတူခြင်း၊ ဆိုးရည်နည်းခြင်း၊ ဆိုးများခြင်းကြောင့်သာ ကွဲပြာတာ ဖြစ်ပါတယ်။ ပိန္တွဲခေါက်ကိုကျိုပြီးဆိုးမည်ဆိုပါက မဝါလွန်းသောအရောင် ဖြစ်နိုင်ပြီး၊ ညောင်ခေါက်ဖြင့်ဆိုးမည် ဆိုပါက မညိုလွန်းသော အရောင်ဖြစ်နိုင်ပါတယ်။ ထိုကဲ့သို့ ပိန္တွဲ၊ ညောင်စသည်ဖြင့် ဆိုးရည်ကွဲပြားမှုကြောင့် လည်းကောင်း၊ ဆိုးရည်များသွားခြင်း၊ ဆိုးရည်နည်းသွားခြင်းများကြောင့် သင်္ကန်းရောင်များ ကွဲပြားသွားသည်ဟု မှတ်ရမည်ဖြစ်ပါတယ်။ ယခုအခါရဟန်းတော်များ ဝတ်ရုံတော်မူကြသည့် သင်္ကန်းအရောင်များမှာ
မြတ်စွာဘုရားဘုရားရှင် ပညတ် တော်မူခဲ့သည့် မဝတ်ရုံသင့်သည့်အရောင်ခြောက်ပါးမှ ကင်းလွတ်သည့် မညိုလွန်း၊ မနီလွန်း၊ မဝါလွန်းသော အရောင်များဝတ်ရုံသုံးဆောင်နေသောကြောင့် အရောင်ကွဲပြားနေ ပေမယ့် အပ်စပ်သော အရောင်များသာ ဖြစ်ပါသည်ဟု ဖြေကြားလိုက်ပါသည်။
အရှင်ဝိမလဝံသ(နာလန္ဒာတက္ကသိုလ်)
No comments:
Post a Comment