ကုသိုလ်ဂုဏ်သိရ်၊ လူ့အရှိန်။

  လူ့ဘ၀မှာ အမြဲစုနေရမှာက ကုသိုလ်တစ်ခုတည်းပါ။ ဘာပဲလုပ်လုပ် လူ့လက်ထဲမှာ ကုသိုလ်တစ်ခု
တော့ ကျန်နေခဲ့ရမယ်။ ကုသိုလ်ဟာ လူ့ဘ၀ရဲ့ လုပ်ခရလဒ်ပဲ။ လူရဲ့ အဓိကစွမ်းအားကလည်း ကုသိုလ်ပါပဲ။
လူဟာ ဒီလူ့ဘ၀ကိုရောက်လာတုန်းက ကုသိုလ်အရှိန်နဲ့လာခဲ့တာပါ။ ကုသိုလ်အရှိန်မပါပဲ ဘယ်နည်းနဲ့မှ
လူ့ဘ၀ကို ရောက်မလာနိုင်ပါဘူး။ ဖန်ဆင်းရှင်လို့ခေါ်တဲ့ ပုဂ္ဂိုလ်တစ်ယောက်ယောက်က ပရွက်ဆိတ်ငယ်
တစ်ကောင်ကို ဖမ်းယူပြီး " ဟဲ့ ပရွက်ဆိတ်ကလေး၊ သင်ဟာ လူဖြစ်စေသတည်း" လို့ မန်းမှုတ်ဖန်ဆင်း
ပေးလို့ လူဖြစ်နိုင်တာ မဟုတ်ပါဘူး။ လူဖြစ်နိုင်လောက်တဲ့အကြောင်း ပြည့်စုံလို့သာ လူဖြစ်လာခဲ့ကြတာပဲ။
         အချိန်မတန်သေးလို့ မပြန်သေးခင်လည်း လူဟာ ကုသိုလ်အရှိန်နဲ့ပဲ နေရပါတယ်။ ပုထုဇဉ်ဆိုတာ
ဆေးအရှိန်နဲ့ အသက်ရှင်နေရတဲ့ လူမမာလိုပါပဲ။ ကိလေသာနူနာယားနာတွေနဲ့ မချိမဆန့်နေရတော့ ကု
သိုလ်ဆိုတဲ့ တရားဆေးအရှိန်နဲ့ ထိန်းထားနိုင်မှ နေသာထိုင်သာရှိတာပါ။ ကုသိုလ်အရှိန်ကို လျော့ထား
လိုက်တာနဲ့ အနာတွေ သဲသဲမဲမဲ ပြန်ထလာတာပဲ။ ကိုယ့်ခန္ဓာ ကိုယ့်ပစ္စည်းတွေနဲ့ လောကအာရုံမျိုးစုံတွေ
ဟာ ကိလေသာနဲ့ပူးပေါင်းပြီး ကိုယ့်ကို ၀ိုင်းနှိပ်စက်ကြတော့တာပဲ။ နေ့စဉ် လူရဲ့အားတက်စရာ အရေအ
တွက်က ကုသိုလ်တစ်ခုတည်းသာရှိတာဖြစ်သလို ကုသိုလ်အရှိန်ရှိနေမှပဲ လူ့ဘ၀မှာ နေလို့ဖြစ်တာပါ။
         အချိန်စေ့လို့ ပြန်သွားရင်လည်း ကုသိုလ်တွေများများယူသွားမှ အပြန်လှပါလိမ့်မယ်။ ကုသိုလ်က
လွဲလို့ ချမ်းသာအောင် ဆောင်ရွက်ပေးနိုင်မယ့် ယူစရာမရှိပါဘူး။ အကုသိုလ်ဟာ ယူလို့လွယ်ပေမယ့်
ယူသွားမိရင်တော့ မရှုမလှဒုက္ခပေးမှာပဲ။ ကုသိုလ်ဆိုတာ အရှိန်သိပ်ပြင်းတဲ့ ကိလေသာတွေကို အနိုင်ယူ
ပြီးမှ ရလာတာဖြစ်လို့ အရှိန်သိပ်ကြီးပါတယ်။ အကုသိုလ်ကို ကုသိုလ်နဲ့ပဲ ပယ်ရတာပါ။ မီးလောင်ရင် ရေနဲ့
ငြိမ်းသတ်ရသလိုပေါ့။ ဒါပေမယ့် မီးလက်ဦးရင် မီးက ရေကိုနိုင်တတ်သလို အကုသိုလ်ကလက်ဦးရင်လည်း
ကုသိုလ်ကို နိုင်တတ်ပါတယ်။ သတိမြဲမှပဲ ကုသိုလ်လက်ဦးခွင့်ရမှာပါ။
         အကုသိုလ်ဆိုတာ သူကကိုယ့်ကို နိုင်သွားတာကိုပြောတာ။ သူကနိုင်သွားပြီဆိုတော့ သူခိုင်းသမျှ
လုပ်ရုံပေါ့။ သူပေးတာ ယူရုံပေါ့။ သူပို့တဲ့နေရာ သွားရုံပေါ့။ အကုသိုလ်ကိုနိုင်တဲ့ ကုသိုလ်ကိုမှ မလုပ်ျင်ရင်
တော့ ခံရမှာပေါ့။
         ကုသိုလ်ဆိုတာ ကိုယ်က သူ့ကိုနိုင်သွားတာပါ။ ကိုယ်ကနိုင်ရင်တော့ ကြိုက်တာခိုင်း၊ လိုတာတောင်း၊
သွားလိုရာ အပို့ခိုင်းရုံပေါ့။ နိုင်တဲ့ကြောင်းပဲ ကုသိုလ်လုပ်ပြီး ဆုတောင်းကြတာပါ။ ကုသိုလ်တစ်ခုပါသွားရင်
ကိစ္စခပ်သိမ်းပြီးတယ်။ နိဗ္ဗာန်ထိဦးတည်ဖို့တော့ သတိဉာဏ်ရှိရမယ်။  ။
{ တိပိဋကယောဆရာတော်ကြီး၏ တိပိဋကဓမ္မလက်ဆောင်(၃၆)မှ ကောက်နုတ်ရေးသားပူဇော်ပါသည်။ }
 (မှားယွင်းမှုများရှိသော် အစဉ်သနားသောအားဖြင့် သည်းခံခွင့်လွှတ်ပေးပါရန်
                    ဦးခိုက်လျှောက်ထားပါသည် ဆရာတော်အရှင်သူမြတ်ဘုရား)
     ဦးသိန်းဝေ။
           http://www.facebook.com/damanadi.tk
          http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။