မသေခင်ခုနှစ်ရက်အလိုမှာ။

        လူ့ဘ၀ကြီးတစ်ခုဟာ မိခင်ဝမ်းထဲအရည်ကြည်လေးကစပြီး နောက်ဆုံးမြေကြီးမှာ အဆုံးသတ်
ပါတယ်။ နှစ် ၆၀၊ ၇၀၊ ၈၀၊ ၉၀ စသည့် အတိုင်းအတာလေးကို လူ့ဘ၀တစ်ခုလို့ သတ်မှတ်နေကြပါ
တယ်။ ဒို့တွေအားလုံးက မခေါ်ဘဲနဲ့ လာခဲ့တဲ့ (ဘ၀တစ်ခု) လူ့ဘ၀ရလာကြပြီး တစ်နေ့နေ့ တစ်ချိန်ချိန်
မှာ မနင်ဘဲနဲ့လဲ လူ့ဘ၀ကိုစွန့်ခွါပြီး ပြန်ကြရဦးမှာပါ။ လူ့ဘ၀ကို စွန့်ခွါမသွားခင် အတောအတွင်းမှာ
သံသရာခရီးကို
လောဘ၊ ဒေါသ၊ မောဟ၊  မာန၊  ဣဿာ၊  မစ္ဆရိယ၊ ကုက္ကုစ္စ အစရှိတဲ့ မကောင်းတဲ့စိတ်တွေနဲ့ မိုက်မဲ
ပြီးတော့ အကုသိုလ်ဝန်ထုတ်ကြီးကို သယ်ယူသွားမယ်ဆိုရင် ရခဲလှတဲ့ လူ့ဘ၀ရခိုက် အရှုံးကြီးရှုံးပါ
လိမ့်မယ်။ ဒါကြောင့် “ မခေါ်ပဲနဲ့ လာခဲ့တယ်၊ မနင်ပဲနဲ့ ပြန်ဦးမယ်၊ မပြန်ခင်မှာ ကုသိုလ်ရှာ ငါတို့အတွက်
ပါ။ ” ဥပမာ ဓမ္မမိတ်ဆွေတို့မှာ သားသမီး (၁၀)ယောက်ရှိတယ်ဆိုပါစို့၊ သားသမီးအားလုံး လိမ္မာကြပြီး
သူဌေးကြီး၊ အရာရှိကြီး၊ ဗိုလ်ချုပ်ကြီးတွေဆိုပါတော့... လောကအမြင်မှာ ပြည့်စုံနေပြီပေါ့။
          ငါ့မှာ သားသမီးတွေက ပြည့်စုံပြီးသားဆိုပြီး ကိုယ်ကျန်းမာတုန်း မာန်မာနထောင်လွှားလို့
ရကောင်း ရနိုင်ပေမယ့် ကိုယ်ကိုတိုင် ကုတင်ပေါ်လဲလျောင်းပြီး သေမယ့်ဘေးကြုံလာပြီဆိုရင် ပြည့်စုံ
နေတဲ့ သားသမီး (၁၀)ယောက်က ငါရဲ့သေခြင်းတရားကို ဘယ်သူက လွှဲပြောင်းယူနိုင်မှာလဲ?။ ကယ်တင်
နိုင်မှာလဲ ?။ မသေပါနဲ့လို့ တားပေးနိုင်မှာလဲ ?။ မင်းတို့က ငါ့ကိုချစ်တယ်ဆို .. မင်းတို့ရှာဖွေစု
ဆောင်းထားတဲ့ တိုက်တွေ၊ ကားတွေ၊ ရွှေတွေ၊ ငွေတွေ၊ ကျောက်သံပတ္တမြားတွေနဲ့ ငါ့ကိုမကယ်နိုင်ကြ
ဘူးလားလို့ မေးကြည့်ပါ။ ဘယ်သူမှ ကယ်တင်လို့ မရနိုင်ပါ။ ဒါကြောင့် ကုသိုလ်သည်သာ အားကိုးရာပါ။
          ဓမ္မမိတ်ဆွေတို့ နိဗ္ဗာန်သို့ မရောက်မချင်း သံသရာခရီးသည်ပါ။ လက်ရှိဘ၀မှာ ပစ္စည်းဥစ္စာဓန
ပြည့်စုံမှုမရှိသော်လည်း ကုသိုလ်တရားကိုသာအားကိုးပါ။ ဆင်းရဲရင်ဒီတစ်ဘ၀ပါပဲ၊ အဲဒီလို မဟုတ်ပဲ
ကြွယ်ဝချမ်းသာဖို့ပဲရွေးပြီး အကုသိုလ် ၀န်ထုပ်ဝန်ပိုးကြီးကို သယ်သွားကြမယ်ဆိုရင် နောက်သံသရာ
တစ်လျောက်လုံး ဆင်းရဲဒုက္ခတွေနဲ့ပဲ ကြုံရမှာပါ။ ဒါကြောင့် မြတ်စွာဘုရားက “အိုချစ်သားတို့ ငါ့မှာ
သားသမီးတွေရှိတယ်၊ ပစ္စည်းဥစ္စာတွေရှိတယ်၊ ဤသို့တွေးတော၍နေသော် အသိဉာဏ်မကြွယ်ကြသေး
တဲ့အတွက် သားစိတ်၊ သမီးစိတ်၊ ပစ္စည်းဥစ္စာစိတ်တို့ဖြင့် ပင်ပန်းဆင်းရဲ၍နေကြကုန်၏” ။ သားစိတ်၊
သမီးစိတ်၊ ပစ္စည်းဥစ္စာစိတ်နဲ့သေရင် ဒုက္ခတိပြိတ္တာဘုံသို့ ကျရောက်ပါမယ်။
         တစ်နေ့သ၌ သာဝတ္ထိမြို့ ဇေတ၀န်ရွှေကျောင်းတော်မှာ သီတင်းသုံးနေထိုင်တော်မူတဲ့ ဘုရားရှင်
က  ဉာဏ်တော်ဖြင့် မဟာဓနကုန်သည်ကြီးကို မြင်ပါတယ်။ အော်  ရှင်မယ့်အသက်ကလေးက ခုနှစ်ရက်
ပဲ ကျန်တော့တယ်။ သူ သေမယ့်အချိန်ကို မသိဘဲ ရည်မှန်းချက်ကြီးကြီးနဲ့ လုပ်နေပါလား ?။ ငါဘုရားမှ
တရားသွားမဟောရင်
ဒုက္ခရောက်တော့မယ်လို့   ညီတော်အာနန္ဒာကိုခေါ်ပြီး မဟာဓနကုန်သည်ဆီကြွတော်မူပါတယ်။
          အဲဒီမှာ မဟာဓနကုန်သည်ဟာ ဗာရာဏသီမှ ရောင်းကုန်ပစ္စည်းများကို လှည်းငါးရာအပြည့်တင်
လာပြီး သာဝတ္ထိသို့ မြစ်မကူးခင် မြစ်ကမ်းနား၌ လှည်းများဖြုတ်ပြီး ညအိပ်ရပ်နားနေချိန် မိုးကြီးသည်း
ထန်ရွာသွန်းသဖြင့် ခုနှစ်ရက်တိုင်တိုင် မြစ်ရေကြီးနေတဲ့အတွက် နက္ခတ်သဘင်ပွဲမှာ ရောင်းချမယ့်ကုန်
ပစ္စည်းများ မပြီးမပြတ်ဘဲ နက္ခတ်သဘင်ပွဲပြီးဆုံးသွားပါတယ်။ မဟာဓနကုန်သည်က ဒီတစ်ခေါက်
တော့ အရှုံးကြီးရှုံးပါပြီ၊ သေချင်စိတ်ပေါက်ပါပြီဆိုပြီး ကုန်ရှုံးလို့ ရူးမတတ်ခံစားနေချိန်... ဘုရားရှင်က
ညီတော်အာနန္ဒာ.. ဟိုမှာကြည့်စမ်း.. မဟာဓနကုန်သည် ခုနှစ်ရက်ကြာလျှင် သေမင်းခံတွင်းသို့ သက်ဆင်း
လတ္တံ့ဟု မိန့်ကြားတော်မူပါတယ်။ အာနန္ဒာက ဤအကြောင်းကို မဟာဓနကုန်သည်အားပြောပြကာ
ဒကာကြီး လူ့ဘ၀ဆိုတာက သေခြင်းတရားနဲ့ချုပ်ဆိုထားတာမရှိဘူး။ ကွေးသောလက် မဆန့်ခင်၊ ဆန့်
သောလက် မကွေးခင် သေနိုင်တယ်။ ဒါကြောင့် ကုသိုလ်ပြုမယ်ဆိုရင် မြန်မြန်သာ ကုသိုလ်ပြုပါလို့
ပြောလိုက်တော့ မဟာဓနကုန်သည်က စဉ်းစားတယ်။ မြတ်စွာဘုရားနဲ့ ညီတော်အာနန္ဒာဆိုတာ မဟုတ်
မမှန်သောစကားကို မပြောဘူး။ ကိုယ့်တစ်သက်တာကိုပြန်ကြည့်တော့ ကုန်သည်လုပ်ရင်း ကုသိုလ်ပြုမှု
မရှိဘဲ နေခဲ့တာ အခု အသက် (၇၀) ရှိနေပြီ။ နေမယ့်ရက်က ခုနှစ်ရက်သာကျန်တော့တယ်ဟုတွေးကာ
ကြောက်ရွံ့လှသဖြင့် ဘုရားရှင်နှင့်တကွ သံဃာတော်များအား ခုနှစ်ရက်တိုင်တိုင် ပင့်ဖိတ်၍ အလှူကြီး
ပေးလှူရာ ဘုရားရှင်ကဒေသနာတော် ဟောကြားတော်မူရာ မဟာဓနကုန်သည် သောတာပန်ဖြစ်လေပါတယ်။
မဟာဓနကုန်သည်ဟာ ခေါင်းခဲသကဲ့သို့ဖြစ်ပြီး အိပ်နေစဉ်မှာပင်သေဆုံးကာ တုဿီတာနတ်ပြည်၌ ဖြစ်လေပါတယ်။
         ဒါကြောင့် ဓမ္မမိတ်ဆွေအပေါင်းတို့ကလည်း ကုသိုလ်ပြုမယ်ဆိုရင် မြန်မြန်သာ ကုသိုလ်ပြုပါလို့
တိုက်တွန်းရေးသားလိုက်ပါတယ်။
{  ၂၀၁၃ ခုနှစ်၊ ဖေဖေါ်ဝါရီလ ၄ ရက်၊ ရန်ကုန်တိုင်းဒေသကြီး၊ ဒဂုံမြို့သစ်အရှေ့ပိုင်းမြို့နယ်၌
လယ်တီစံဆရာတော် အရှင်ဇောတိဝံသ ဟောကြားတော်မူသော “ မသေခင် တစ်ရက်အလိုမှာ ”
တရားတော်မှ ကောက်နုတ်ရေးသားပူဇော်ပါသည်။ }
 (တရားတော်ကို အသံမှနာယူရေးသားပါသည်၊ မှားယွင်းမှုများရှိသော် အစဉ်သနားသောအားဖြင့်
   သည်းခံခွင့်လွှတ်ပေးပါရန် ဦးခိုက်လျှောက်ထားပါသည် ဆရာတော်အရှင်သူမြတ်ဘုရား)
 ဦးသိန်းဝေ။
           http://www.facebook.com/damanadi.tk
          http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။