ရဟန်းဝတ်ပြီး သုံးဝါလောက်အရမှာ မဟာစည်နည်းနဲ့ ပြတဲ့ ရိပ်သာတစ်ခုဝင်ဖြစ်တယ်။
မိမိကဖောင်းပိန်ကို ရှု့လို့မရဘူး။ ဆရာတော်ကိုခွင့်တောင်းပြီး နှာသီးဖျားပဲပြန်ရှု့တယ်။ ဆ ရာတော်ကြီးကလည်းခွင့်ပြုတယ်။
သုံးရက်မြောက်နေ့ကျတော့ ဆရာတော်ကြီးက ခေါ်စစ်တယ်။ ``ဦးဇင်းလေးနည်းနဲ့ဘာကွာသလဲ´´တဲ့။
မိမိကလည်းဖြေခဲ့တယ်။ ``ပညတ်တွေပဲကွာပါတယ်ဘုရား´´လို့။
ဆရာတော်ကြီးကဘယ်လိုပညတ်တွေပဲကွာတာပါလဲတဲ့။
မိမိကလည်း ``ဆရာတော်တို့ ကဝမ်းဗိုက်ကိုစဦးတည်တယ်။ တချို့ကနှာသီးဖျား၊တချို့က ငယ်ထိပ်၊တချို့က နှလုံးအိမ် စသည်ညွှန်ပြကြပါတယ်။ဒါတွေဟာ နေရာဆိုတဲ့ ပညတ်တွေပါ။ တကယ်တမ်းတွေ့ကြတာမှာတော့ ဖောက်ပြန်မှု့သဘော၊ဖောက်ပြန်တတ်တဲ့သဘောရုပ်ကလေးတွေဟာတော့အတူတူပါဘုရား´´ဆိုတော့.ဆရာတော်ကြီးက--
သြ ..ဦးဇင်းလေးအတော်လေ့လာထားပြီပဲ။ဟုတ်ပါတယ်။ရုပ်မှာတော့အတူတူပါပဲ။ ဘုန်းကြီးတို့က စအားထုတ်မဲ့ယောဂီစိတ်ဘယ်လိုထားရမလဲမသိသေးခင် ချည်တိုင်ကမ္မဋ္ဌာန်းအနေနဲ့ ဖောင်းပိန်ကိုညွှန်ပြကြတာပဲ။ သာဓုပါ။ဆက်အားထုတ်ပါ။´´
ဆိုပြီး သာဓုခေါ်ပါတယ်။
ူပြောလိုတာက ယောဂီတွေ သဘောပေါက်အောင်၊ မိမိအားထုတ်နေတာ ဘာလဲဆိုုတာသိအောင်ပါ။
ရိပ်သာဝင်တဲ့ယောဂီအချို့ နံနက်လေးနာရီဆိုထရတယ်။ အိပ်ရာနှိုးသံချောင်းခေါက်တာနဲ့ ကပျာကယာထ၊မျက်နှာသစ်၊အိမ်သာတက်၊ နောက်ကျသွားရင်အပြေးကလေးဓမ္မာရုံထဲကိုလာ၊ ပြီးတော့.ဟင်းကနဲသက်ပြင်းချပြီးတရားစထိုင်ပါတယ်။
အဲဒီမှာဘာကိုသတိထားမိလိုက်သလဲဆိုတော့ တရားဆိုတာ ဓမ္မာရုံထဲ ထိုင်ပြီးရှာမှရမယ်ဆိုတဲ့ အစွဲလေးတွေကိုသွားတွေ့တယ်။
တကယ်တမ်းက အိပ်ရာစထကတည်းက မျက်နှာသစ်တာ ၊ရေချိုးတာကအစ သတိနဲ့အားထုတ်နေရမှာ။ ဘုရားရှင်နောက်ဆုံးအဆင့် အိမ်သာတက်ရင်းတောင်းရှု့ဖို့ညွှန်ကြားထားပါတယ်။
တကယ်တော့ ရှု့ရမဲအာရုံဟာသတိသာရှိရင် တွေ့ပါတယ်။ ဓမ္မာရုံထဲမှာ စိတ်ကိုနှာသီးဖျားထားမှ၊ငယ်ထိပ်မှာထားမှ၊နှလုံးအိမ်မှာထားမှတွေ့မှာမဟုတ်ပါဘူး။ အဲဒီနည်းတွေနဲ့မရှု့ရဘူးလို့ဆိုလိုနေတာမဟုတ်ဘူးနော်။
ဘုရားက ဝိပဿနာရဲ့အာရုံဟာ ဒုက္ခသစ္စာဖြစ်တဲ့ ပရမတ် ရုပ်နာမ်တဲ့။ ဒီတော့ ကိုယ်ရှု့ရမဲ့အာရုံဟာဘာလဲ၊သူ့သဘာဝဟာဘယ်လိုလဲဆိုတာတော့သိဖို့လိုလာပြီ။ ဒါကသင်ယူရမဲ့ကိစ္စ၊သင်ယူရင်းရှု့သွားရမှာ။
အရာဝတ္ထုကို သိတယ်ဆိုတာ လက္ခဏာဆိုတဲ့အမှတ်အသားကိုသိမှဖြစ်တာ။
မောင်မောင်ကိုပွဲခင်းထဲမှာသွားခေါ်စမ်းကွာဆိုရင်မောင်မောင်ကိုမမြင်ဘူးပဲနဲ့ ဘယ်လိုခေါ်မလဲ။ဒီတော့မှာလိုက်ရမယ်။ အကျီင်္အနီရောင်ဝတ်ထားပြီး အသားဖြူဖြူ၊ဝဝလူဟာမောင်မောင်ပဲလို့သင်ပေးလိုက်ရမယ်။ ဒီအမှတ်သားကိုကြည့်ပြီးရှာမှမောင်မောင်ကိုတွေ့မှာ။ အသားဖြူတာတွေ၊ဝတာတွေဟာ မောင်မောင်လို့သိကြောင်းအမှတ်သားလက္ခဏာတွေပဲ။
ဒီသဘောပဲ။ရုပ်ကိုရှာရှု့ဖို့ဘုရားကညွှန်ထားတဲ့အတွက် ရုပ်ကိုဘယ်လိုရှာမလဲ။ အမှတ်အသားလက္ခဏာနဲ့ပဲရှာရမယ်လေ။
သာမာန်လူတွေသိသလို ရုပ်ဆိုတာ မသိတတ်တဲ့ ဒီခန္ဓာတုံးကြီးပဲဆ်ိုရင်တော့ မိုးကုတ်ဆရာတော်ဘုရားကြီးဟောသလို ဒါကခွေးဟောင်တဲ့ခန္ဓာကွ။လို့ပဲပြောရမယ်။တရားရှု့ရမဲ့ရုပ်ခန္ဓာမဟုတ်ဘူး။
တရားရှု့ရမဲ့ရုပ်ကဖောက်ပြန်တတ်တဲ့သဘောလေးပဲ။ ``သဘောတရားဆိုတာ ဒါကိုပြောတာ။ သဘောသည်လည်းတရား၊တရားသည်လည်းသဘော၊´´ပဲ။
ရုပ်လို့သိကြောင်းအမှတ်သားကိုပြောပါမယ်။ သင်နေပူထဲကိုထွက်လိုက်ပါ။ပူကနဲတွေ့မယ်။ဒီအပူဟာဘယ်လိုဖြစ်လာသလဲ။ နဂိုကသက်တောင့်သက်သာဖြစ်နေတဲ့ရုပ်လေးဟာ နေပူကြောင့်ပူရုပ်အဖြစ်ဖောက်ပြန်လာပြီ။
နေရိပ်ထဲပြန်ဝင်လိုက်။ပူရုပ်အစားအေးရုပ်အဖြစ်ဖောက်ပြန်သွားပြီ။
ခြင်ကိုက်ရင် ယားရုပ်အဖြစ်ထောက်ပြန်လာတယ်။
ဗိုက်ဆရာရင် ဆာရုပ်အဖြစ်ဖောက်ပြန်လာတယ်။
အဲဒီလိုတသမတ်ထဲမရှိပဲ အမျိုးမျိုးဖောက်ပြန်တတ်လို့ ရုပ် လို့ခေါ်တာ။ အဲဒီလို ပူရုပ်၊ အေးရုပ်၊ယားရုပ် ၊ဆာရုပ်တွေကို အကောင်အထည်အဖြစ်မြင်ရသလား။ မမြင်ရပါဘူး။မမြင်ရပေမဲ့ရှိမှန်းကောမသိလား။သိတာပေါ့။စိတ်နဲ့တိုက်ရိုက်တွေ့နေရပြီလေ။ အဲဒီလိုမမြင်ပဲ အကောင်ထည်မရှိပဲ ဖောက်ပြန်တတ်တဲ့သဘောတရားလေးကိုသာ ရုပ်လို့ ခေါ်တာပါ။
ဒါသဘာဝလက္ခဏာဆိုတဲ့ ရှု့ထောင့်ကပြောတာ။ ဝိပဿနာမှာအဲဒါအရေးကြီးဆုံးပဲ။သဘာဝလက္ခဏာဆိုတာကိုမသိသေးပဲ ဖြစ်ပျက်ဆိုတဲ့ သာမညလက္ခကိုတက်ရှု့ရင် ဝိပဿနာအတုပဲဖြစ်နေပါတယ်။
ဒါဆိုရင်အဲဒီလိုအမျိုးမျိုးပြောင်းလဲနေမှု့ကို ထိုင်ပြီး စိုက်ရှူ့မှတွေ့မှာလား။ သင်အခုဖုန်းကိုကိုင်ထားရင် ပူနေတာ။မာနေတာကိုတွေ့ပါတယ်။ ဒါရုပ်တွေလေ။ သတိထားကြည့်လိုက်ရင်မတွေ့ဘူးလား။
ဖုန်းပူနေတယ်။ လက်ပူနေတယ်ဆိုတာမှာ ဖုန်းဆိုတာ ပညတ်၊ ပူနေတာက ဖောက်ပြန်တတ်တဲ့ ပရမတ်။ အဲဒီပူနေတဲ့သဘောကိုဘာကြောင့်ဖောက်ပြန်တတ်တဲ့ ပရမတ်လို့ပြောရတာလဲဆိုတော့ ဖုန်းပိတ်ပြီးထားလိုက် ပူနေတာကနေပြန်မအေးသွားဘူးလား။ အေးသွားတယ်။ အဲဒီတော့ပူမှု့သဘောလေးဟာ အမြဲမနေနိုင်ပဲဖောက်ပြန်ပြရတာပေါ့။
တကယ်တန်းအသေးစိတ် ဝိပဿနာသတိဉာဏ်နဲ့ကြည့်ရင် ပူနေတဲ့အချိန်တွင်းမှာကိုက အပူတွေတရိပ်တရိပ်နဲ့ဖောက်ပြန်နေတာပါ။
အခုကသဘာဝလက္ခဏာရှု့ထောင့်ကအကြမ်းစားသဘောပဲပြောနေတာရှိပါသေးတယ်။
ဒီတော့ ခန္ဓာကိုယ်မှာဖြစ်လာသမျှလေးတွေကို သတိနဲ့ ဖောက်ပြန်တတ်တဲ့သဘောလေးတွေဖြစ်လာတာပါလား။ ပုဂ္ဂိုလ်သတ္တဝါမဟုတ်ပါလား။ အရှိတရားဆိုတာ သဘောလေးမျှသာပါလား။ လူ၊နတ် ဆိုတာ တကယ်တော့မရှိတရားပါလား။ဆိုတဲ့ ဉာဏ်ဝင်အောင်လေ့ကျင့်ရမှာ။
ခန္ဓာဟာအချိန်တမ်းဖောက်ပြန်ပြနေတာပဲ။ သတိထားကြည့်တာနဲတွေ့ပါတယ်။ ဒီအဆင့်မှာဖြစ်ပျက်မရှု့သေးပါဘူး။
ဝိသုဒ္ဓိမဂ်မှာ အတိလင်းဆိုထားပါတယ်။ သဘာဝလက္ခဏာကိုစမရှု့ပဲ သာမညလက္ခဏာဆိုတဲ့ ဖြစ်ပျက်ကိုမသိနိုင်ပါဘူး။ သိတယ်ဆိုရင်အတုပါ။
မြင်းမီးဆွဲမောင်ဆန် ဖြစ်ပျက်ရှု့နေပြီး တရားမရတာဟာ အဲဒီလိုအခြေခံကစမရှု့လို့ ဝိပဿနာအတုဖြစ်နေကြောင်း ဝိနစ္ဆယ မှာဆုံးဖြတ်ထားပါတယ်။
ဒီနေ့တော့ သဘာဝလက္ခဏာသဘောပဲပြောခဲ့ပါတယ်။နောက်နေ့မှသာမညလက္ခဏာကိုဆက်တက်ကြတာပေါ့။
တွေးပြီးဖတ်ကြပါ။ ဆွေးနွေးကြပါ။
အရှင်ပညာသီရိ(ရမ္မာကျွန်း)
ုMS
No comments:
Post a Comment