မေတ္တာသုတ် ဖြစ်ပေါ်လာချိန်က ဝါခေါင်လပြည့်နေပါ။မြတ်စွာဘုရားရှင်လက်ထက်က
ရဟန်းငါးရာဟာ ဘုရားရှင်ကိုယ်တော်မြတ်ထံက ကမ္မဋ္ဌာန်း သင်ယူပြီးတော့
သပ္ပာယဖြစ်ရာ အရပ်သွားပြီး တရားအားထုတ်ကြပါတယ်။အဲလိုတရားအားထုတ်နေကြတုန်း
သံဃာတော်တွေက အောက်မှာ တရားအားထုတ်နေတော့ သစ်ပင်ပေါ်မှာနေကြတဲ့ နတ်တွေက
ရဟန်းတော်များရဲ့ သီလတန်ခိုးကြောင့် သစ်ပင်ပေါ်မှာ
မနေနိုင်ကြဘူး။သူတို့သားသမီးတွေ လက်ဆွဲပြီးတော့ ဟိုသွား ဒီသွား
ဒီလိုနေကြရတယ်။သူတို့စိတ်ထဲမှာအရှင်မြတ်တွေ မကြာခင် ပြန်ကြလိမ့်မယ်ဆိုပြီးတော့ ဒီလိုပဲ စောင့်စားပြီးနေခဲ့ကြတယ်ဒါပေမယ့် တော်တော်ကြာပေမယ့် ပြန်မယ့်လက္ခဏာ မတွေ့ရတော့ သူတို့ကလဲ ရဟန်းတော်တွေပြန်ပြေးအောင် ခြောက်လန့်ကြတယ်။ဖောက်ပြန်တဲ့ ကြောက်မက်ဖွယ်ရာ အဆင်းတွေပြ အသံတွေပြုနဲ့ ခြောက်လှန့်ကြပါတယ်။
အဲဒီအသံတွေအကြောင်းပြုပြီးတော့ ရဟန်းတော်တွေ ကြောက်ကြ လန့်ကြတော့ သမာဓိမရကြဘူး၊စိတ်တည်ငြိမ်မှုမရကြဘူး၊တရားမတိုးတက်ဘူး၊အဲဒီအခါ တို့ဒီနေရာမှာ သပ္ပါယ မဖြစ်ဘူးဆိုပြီး ဘုရားရှင်ထံကို ပြန်ဖို့ တိုင်ပင်ကြပြီး ဝါတွင်းကြီးပဲ မြတ်စွာဘုရားရှင်ထံကို ပြန်လာကြပါတယ်။မြတ်စွာဘုရားရှင်ထံကိုရောက်တော့ မြတ်စွာဘုရားရှင်က ဘယ်နှယ်ကြောင့် ဝါတွင်းကြီးပြန်လာကြတုန်းလို့မေးတော်မူတော့ မိမိတို့ အဖြစ်အပျက်ကို ပြန်ပြီးတော့လျှောက်ထားပါတယ်။
အဲဒီအခါမှာ မြတ်စွာဘုရားရှင်က အဲဒီရဟန်းတော်များဟာ အဲဒီနေရာမှာ သူတို့အတွက် သပ္ပါယမျှတတဲ့နေရာ၊တရားထူးရဖို့ အကြောင်းထူးရှိတဲ့နေရာဆိုပြီးတော့ မေတ္တာသုတ်ပရိတ်တရားတော်မြတ်ကိုသင်ပေးတော်မူပါတယ်။အန္တရာယ်ကင်းတဲ့ပရိတ်အဖြစ်လည်းကောင်း၊အန္တ
ရယ်ကင်းဖို့ရာ အရံအတားပရိတ်အဖြစ်ဖြင့်လည်းကောင်း၊မေတ္တာဘာဝနာကမ္မဋ္ဌာန်းစီးဖြန်းဖို့ရာ ဘာဝနာအဖြစ်ဖြင့်လည်းကောင်း၊သင်ပေးတော်မူလိုက်ပါတယ်။
မြတ်စွာဘုရားရှင်ကိုယ်တော်မြတ်ကြီးဆီက သင်ကြားပြီးတော့ နောက်ဆုံးသူတို့ စောစောက သီးတင်းသုံးရာတောထဲကိုပြန်သွားကြပါတယ်။ပြီးတော့ မြတ်စွာဘုရားရှင်ညွှန်ကြားတော်မူလိုက်တဲ့အတိုင်းမေတ္တာတွေပွားကြ၊ဘာဝနာကမ္မဋ္ဌာန်းစီးဖြန်းကြ၊မေတ္တာသုတ်
ပရိတ်တွေ ရွတ်ကြနဲ့ အဲသလိုရွတ်လာကြတော့ နောက်ဆုံးနတ်များက ရဟန်းတော်များအပေါ်မှာ ချစ်မြတ်နိုးလာကြတယ်။ရဟန်းတော်များရဲ့ ဝတ်ကြီး ဝတ်ငယ်တွေကို နတ်များကပြုလုပ်ပေးကြပါတယ်။ရဟန်းတော်များကို စိတ်ချမ်းသာအောင် ဆောင်ရွတ်ပေးကြပါတယ်။
ရဟန်းတော်များလည်း အရင်ကလို အခြောက်အလှန့်မခံပဲ စိတ်ချမ်းချမ်းသာသာနဲ့ တရားအားထုတ်ခွင့်တွေရတော့ သမာဓိတွေတည်ကြည်လာပြီး ဈာန်တွေရလာ၊ထိုမှတစ်ဆင့် မဂ်၊ဖိုလ်တွေရလာပြီးတော့ နောက်ဆုံးရဟန္တာဖြစ်သွားကြပါတယ်။အဲဒီတုန်းက ရဟန်းတော်များရဲ့အဖြစ်ဟာ ဝါခေါင်လပဲ၊မြတ်စွာဘုရားရှင်ကိုယ်တော်မြတ်ထံမှာ မေတ္တာသုတ် ပရိတ်တရားကိုယူဆောင်ပြီးလာကြ၊မေတ္တာပွားတရားအားထုတ်ကြရာကနေ မေတ္တာအခါတော်နေ့ဆိုပြီး ဝါခေါင်လပြည့်နေ့ကိုသတ်မှတ်ခဲ့တာပါ။ဒါကမေတ္တာသုတ်ဖြစ်ပေါ်လာပုံပါ။(သပြေကန်ဆရာတော်တရားစာအုပ်မှ ကောက်နှုတ်ထားပါသည်)။
ရွတ်ဆိုကျိုး။ ။
၁။ချမ်းသာစွာအိပ်စက်ရခြင်း။
၂။ချမ်းသာစွာနိုးရခြင်း။
၃။အိပ်မက်ကောင်းမက်ခြင်း။
၎။လူအများချစ်ခင်ခြင်း။
၅။နတ် ဗြဟ္မာစသော တစ်ခြားသတ္တဝါများကလည်းချစ်ခင်ခြင်း။
၆။နတ်တို့စောင့်ရှောက်ခြင်း။
၇။လက်နက်၊အဆိပ်၊မီး စသည်တို့ကြောင့် မသေခြင်း။
၈။စိတ်တည်ကြည် ငြိမ်သက်ခြင်း။
၉။မျက်နှာ ကြည်လင် ရွှင်ပြခြင်း။
၁၀။မတွေ မဝေပဲ သတိရှိလျက် သေရခြင်း။
၁၁။သေသောအခါ ဗြဟ္မာ ဖြစ်ရခြင်း စတဲ့ အကျိုးတရား(၁၁)ပါးကိုရစေပါတယ်။ (အဂုင်္တ္တရဧကာဒသက)
အားလုံးကိုယ်စိတ်နှစ်ပါး ကျန်းမာချမ်းသာကြပါစေ။
အရှင်ဝိမလဝံသ(နာလန္ဒာတက္ကသိုလ်)
No comments:
Post a Comment