“သတိတမံ ဉာဏ်မြေကတုတ်”
==================
ကိလေရေလျဉ်၊ စီးလာလျှင်
သင့်တွင်ဘာနှင့် တားမည်နည်း။
ကိလေရေလျဉ်၊ စီးလာလျှင်
အစဉ်သတိ တားပါမည်။
မျက်စိ နား နှုာ၊ လျှာ ကိုယ် မန
ခြောက်ဒွါရ၌၊ ရောက်ကျလာတုံ
ခြောက်အာရုံကို၊ အကုန်ရှုလျှင်
ရေအလျဉ်၊ မ၀င်လာဘဲ တန့်ပါသည်။ ။
ကိလေရေလျဉ်၊ စီးလာလျှင်
သင့်တွင်ဘာနှင့် ပိတ်မည်နည်း။
ကိလေရေလျဉ်၊ စီးလာလျှင်
အစဉ်ဉာဏ်နှင့် ပိတ်ပါမည်။
မဂ်ဉာဏ်လေးထွေ၊ တာခိုင်ပေမူ
ကိလေရေလျဉ်၊ စီးမ၀င်
အစဉ် ပိတ်တော့သည်။ ။
-----------------------------------------------------------------------
“ ဆင်းရဲဘယ်မှာ ချုပ်သနည်း”
=================
သတိနှင့်ဉာဏ်၊ ရုပ်နှင့်နာမ်
ဘယ်ဌာန် ဘယ်ရပ်၊ ချုပ်သနည်း။
ကမ္မ၀ိဉာဏ်၊ ချုပ်သည့်ဌာန်
ရုပ်နာမ်လုံးဝ၊ ချုပ်လေသည်။ ။
{၁၉၈၃ ခု အောက်တိုဘာလ။ ချမ်းမြေ့ဆရာတော် အရှင် ဦးဇနကာဘိဝံသ၏
ဆင်းရဲငြိမ်းအေး ချမ်းသာရေး တရားတော်မှ ကူးယူရေးသားပါသည်။}
ဦးသိန်းဝေ။
-----------------------------------------------------------------------------------------
** ငရဲမီး နှင့် အဆိပ်သီး **
===============
၁ ။ ဘုရားပစ္စည်း၊ ငရဲမီး
သုံးနည်း အလွန်ခက်။
၂ ။ သံဃာ့ပစ္စည်း၊ အဆိပ်သီး
စားနည်း အလွန်ခက်။
၃ ။ စားသုံးမိလျှင်၊ တနင်နင်
သေလျှင် အလွန်ခက်။
၎ ။ ငရဲသို့ကျ၊ ၀ဋ်ဒုက္ခ
လွတ်ပြန် ရဖို့ခက်။
၅ ။ ငရဲဘ၀၊ လွတ်ပြန်က
ပြိတ္တာ ဘုံသို့ဆက်။
၆ ။ ပြိတ္တာဘ၀၊ လွတ်ပြန်က
လူ့ဘုံ ရောက်ဖို့ခက်။
၇ ။ လူ့ဘုံရောက်လာ၊ သာသနာ
ကြုံရ ပြန်ဖို့ခက်။
၈ ။ သာသနာတွင်း၊ ကြုံကြိုက်လျင်း
ကျင့်ခြင်း သာလို့ခက်။
၉ ။ ဘုရားသခင်၊ ဉာဏ်တော်ရှင်
ဖူးမြင် ရဖို့ခက်။
၁၀။ အရိယာသံဃာ၊ ပေါ်သောအခါ
လှူဒါန်း ရဖို့ခက်။ ။
(ပေတ၀တ္ထု၊ တိရောကဋသုတ်၊)
No comments:
Post a Comment