______________________________________________
★"ဗုဒ္ဓ မြတ်စွာဘုရားရှင် ကို စုံစမ်း ထောက်လှမ်းခြင်း" ★
_______________________________________________
ဗုဒ္ဓဘာသာဝင် မဟုတ်သေးသော ပညာတတ် လုလင်ငယ်တစ်ဦး သည် "ဗုဒ္ဓမြတ်စွာဘုရားရှင်" ကို (၇)လ ကြာ ထောက်လှမ်း၍ သူ၏ ဆရာ့ထံ သို့ အစီရင်ခံခဲ့ဖူးပါသည်။
ထို လုလင်၏အမည်မှာ"ဥတ္တရလုလင်" ဖြစ်ပြီး သူ၏ ဆရာ မှာ "ဗြဟ္မာယု ပုဏ္ဏား"ဖြစ်ပါ၏။ အသက်(၁၂၀) ခန့်ရှိပြီဖြစ်သည့် ထို ပုဏ္ဏားကြီး သည် "မိထိလာပြည်"၌ နေထိုင်၍ လောကီပညာ တစ်ဖက်ကမ်းခတ် တတ်မြောက်သူဖြစ်ပြီး ပညာဆည်းပူးလာသူ တပည့်များအား သင်ကြားပေးသဖြင့် ကျော်ကြားသော ဆရာ တစ်ဆူ ဖြစ်ပါ၏။
"ဗုဒ္ဓမြတ်စွာဘုရား" သည် "၀ိဒေဟတိုင်း"သို့ ဒေသစာရီကြွချီ လာသောအခါ "ဗုဒ္ဓမြတ်စွာဘုရားရှင်"၏ ဂုဏ်သတင်းကျော်စောခြင်းကို ကြားရပါသည်။ "အရဟံ" အစ "ဘဂ၀ါ" အဆုံး (၉)ပါးဂုဏ်တော်တို့နှင့် ပြည့်စုံသော ဗုဒ္ဓမြတ်စွာဘုရား၏ ဂုဏ်သတင်းမှာ ပြန့်နှံ့ကာ ကျော်ကြားလျက်ရှိပါသည်။
ပညာတတ် ပုဂ္ဂိုလ်ဖြစ်သော "ဗြဟ္မာယုပုဏ္ဏား" သည် ပြောသံကြားဖြင့်လက်မခံတတ်ပါ။ ထို့ကြောင့် ပညာတတ်၍ မွန်မွန်ရည်ရည်ရှိပြီး ဆရာ့စကားကို မြေ၀ယ်မကျ နားထောင်လိုက်နာသူ ၊ ယုံကြည်စိတ်ချရသည့် "ဥတ္တရ လုလင်" ကိုတာဝန်ပေးပါ၏။ ကျော်စောသည့်သတင်းအတိုင်း မှန်၊မမှန် စုံစမ်းစေပါ၏။ "ဝေဒကျမ်း"တို့၌ လာသော "ယောက်ျားမြတ်လက္ခဏာတို့နှင့် ပြည့်စုံခြင်း" ရှိ၊ မရှိ စိစစ်ရန် ၊စုံစမ်းရန် အဓိက တာဝန်ဖြစ်ပါ၏။
"ဝေဒကျမ်း" တွင်ဆိုထားသည့်အတိုင်း "ယောက်ျားမြတ် လက္ခဏာ နှင့် ပြည့်စုံသူ" မှာ "လူ" ဖြစ်လျှင် "စကြ၀တေးမင်း" ဖြစ်၍ "ရဟန်း" ဖြစ်ခဲ့သော် "အလုံးစုံသော တရားကိုသိသော, ကိလေသာအဖုံးကို ဖွင့်လှစ်နိုင်သော, ဘုရား ဖြစ်သည်" ဟု ကျန်းဂန်၌ ဆိုထားသဖြင့် ဟုတ် ၊မဟုတ် လေ့လာစိစစ်ရန် မှာကြားလိုက်ပါ၏။
ထို့ကြောင့် "ဥတ္တရလုလင်" သည် "ဗုဒ္ဓမြတ်စွာဘုရားရှင်" ရှိရာသို့သွား၍ စုံစမ်းထောက်လှမ်းပါသည်။ "(၃၂)ပါးသော လက္ခဏာတော်များ" ကို "ခြေဖ၀ါး" မှ စ၍ "ဦးခေါင်းတော်"တိုင်အောင် အစဉ်အတိုင်းလေ့လာဆန်းစစ်ပါသည်။
"(၃၀) သော လက္ခဏာများ" ကို တွေ့မြင်ရသော်လည်း "အအိမ်"ဖြင့် ဖုံးလွှမ်းသော "ပုရိသနိမိတ်" နှင့် "လျှာတော်" တို့ကို မမြင်ရသဖြင့် တိတိကျကျ မလေ့လာနိုင်ဖြစ်နေသည်။
ထို အချက် ကို "ဗုဒ္ဓမြတ်စွာဘုရားရှင်" သိတော်မူ၍ "ဥတ္တရလုလင်" ၏ သံသယ ကိုပယ်ဖျောက်နိုင်ရန် "ပုရိသနိမိတ်" ကို ဖန်ဆင်းပြတော်မူသည်။ ရှည်လျားသော "လျှာတော်" ရှိသည်ကိုသိသာရန် "လျှာတော်" ကို ထုတ်၍ "နား"တွင်း (၂) ဖက်၊ "နှာခေါင်းပေါက်" (၂) ဖက် တို့ကို သုံးသပ်ပြတော်မူပါသည်။ "နဖူးပြင်" ကိုလည်း "လျှာ" ဖြင့်ဖုံးအုပ်ပြတော်မူပါသည်။ထို့ကြောင့်ပင် "ဥတ္တရလုလင်" သည် သံသယများကင်းပျောက်သွားခဲ့ရပါလေ၏။
ဤ နေရာတွင် အလျဉ်းသင့် သဖြင့် "ဗုဒ္ဓမြတ်စွာဘုရားရှင် ၏ မဟာပုရိသလက္ခဏာတော်ကြီး (၃၂) ပါး" ကို ဗဟုသုတ အလို့ငှာ တင်ပြလိုက်ပါသည်။
"ဗုဒ္ဓမြတ်စွာဘုရားရှင် ၏ မဟာပုရိသလက္ခဏာတော်ကြီး (၃၂) ပါး"
************************************************
(၁) သုပ္ပတိဋ္ဌိတ ပါဒ = ရွှေခြေနင်းအပြင်ကဲ့သို့ ညီညွှတ်သော ခြေဖ၀ါးတော်။
(၂) စက္ကပူရိတ ပါဒ = တစ်ထောင်သော အကန့်အကွက် နှင့်တကွ လက္ခဏာတော်အပေါင်းအပြည့်ရှိသော ခြေဖ၀ါးတော်။
(၃) အာယတပဏှိ = ခြေ ကို လေးပုံ ပုံ၍ တစ်ပုံ မျှလောက်သော၊ ရှည်သွယ်ပြည့်ဖြိုးသော ဖနောင့်တော်။
(၄) ဒီဃင်္ဂုလိ = မျောက်မင်း၏ ခြေချောင်း၊လက်ချောင်း ကဲ့သို့ အရင်း မှ အဖျား တိုင်အောင် သွယ်ပျောင်းလျက် တင့်တယ် ရှည်သွယ်သော လက်ချောင်းတော်။
(၅) မုဒုတလုဏဟတ္ထပါဒ= ၀ါဂွမ်းစိုင် ကဲ့သို့ တစ်သားတည်းတူမျှစွာ နှုးညံ့သော ခြေဖ၀ါးတော်၊ လက်ဖ၀ါးတော် ရှိခြင်း။
(၆) ဇာလဟတ္ထ ပါဒ = ခြေချောင်းတော် ၊လက်မ တော် မှတစ်ပါး လက်ချောင်းတော်လေးခုစီ တစ်ညီတစ်ညွှတ်တည်းရှိပြီး အံ့သြဖွယ် တင့်တယ်သော ခြေချောင်း၊လက်ချောင်း ရှိတော်မူခြင်း။
(၇) ဥဿင်္ခ ပါဒ = ဖမိုးတော် မှ အထက် သို့ လက်လေးသစ်တက်၍ မြင့်သော ဖမျက်တော်။
(၈) ဧဏီဇင်္ဃ = ဧဏီ မည်သော သားကောင်၏ မြင်းခေါင်းကဲ့သို့ ချောပြည့် လုံးလျောင်းသော သလုံးမြင်းခေါင်း ရှိတော်မူခြင်း။
(၉) ဒီဃဟတ္ထ = ကိုယ်တော် ကို မကိုင်းမညွှတ်မူ၍ ပုဆစ်ဒူး နှစ်ဖက်ရောက်သော လက်တော် နှစ်ဖက် ရှိတော်မူခြင်း။
(၁၀) ကောသောဟိတ၀တ္ထဂုယှ = အအိမ် ဖြင့် ဖုံးလွှမ်းအပ်သော ယောက်ျားမြတ် နိမိတ် ရှိတော်မူခြင်း။
(၁၁) သုဝဏ္ဏ ၀ဏ္ဏ = ဇမ္ဗူရာဇ် ရွှေစင် ကဲ့သို့ ပြေပြစ် ၀ါဝင်းသော အဆင်းအရေ မြတ် နှင့်ပြည့်စုံခြင်း။
(၁၂) သုခုမစ္ဆ၀ိ = ပွေး,ညှင်း,တင်းတိတ်,၀က်ခြံ,မှည့်မည်း စသော အညစ်အကြေးမရှိ သန့်ရှင်းစင်ကြယ်သော အသားအရေ ရှိခြင်း။
(၁၃) ဧကေကလောမ = မွေးညင်းတွင်း တစ်တွင်း၌ မွေးညင်းတော် တစ်ပင်စီသာ ပေါက်ရောက်ခြင်း ။
(၁၄) ဥဒ္ဓဂ္ဂလောမ = သုံးကြိမ် လက်ယာရစ်လည်သည်၏အဆုံး၌တင့်တယ်တော်မူသော ရွှေမျက်နှာတော် ကို ရှုမျှော်ဘိသကဲ့သို့ အထက် ညွှတ်သော မွေးညင်းတော်။
(၁၅) ဗြဟ္မုဇုဂတ္ထ = ဗြဟ္မာမင်း ကိုယ် ကဲ့သို့ ခါး၊ပုဆစ်၊ဒူး (၃)ပါးသော အရပ်တို့၌ မကိုင်း မညွှတ် ဖြောင့်မတ်သော ကိုယ်တော်။
(၁၆) သတ္တုဿဒ = လည်ကုပ်၊လက်ဖမိုး နှစ်ဖက်၊ပုခုံးစွန်း နှစ်ဖက် ၊ခြေဖမိုး နှစ်ဖက်၊(၇)ပါးသော အရပ်တို့၌ ပြည့်ဖြိုးသော အသားတော် ရှိခြင်း ။
(၁၇) သီဟပုဗ္ဗဍ္ဎကာယ = ခြင်္သေ့မင်း ၏ ရှေ့ထက်ဝက်သော ကိုယ်ကဲ့သို့ ပြည့်ဖြိုး ကြီးမား ခံ့ညားသော ကိုယ်တော်။
(၁၈) စိတန္တရံသ = လက်ပြင်တော် နှစ်ဖက်နောက် အလယ် ကျောပြင် သည် ချိုင့်နိမ့်ခြင်း မရှိ ပကတိ ညီညွှတ်စွာ တည်သော အသားအလွှာ သည် ခါးတော် မှစ၍ လည်ကုတ်တော် တိုင် ဖုံးလွှမ်းခြင်း ။
(၁၉) နိဂြောဓပရိမဏ္ဍလ= အရပ်တော် နှင့် အလံတော် ညီမျှသဖြင့် ပညောင်ပင်အ၀န်းကဲ့သို့ ၀ိုင်းဝန်းတော်မူသော ရူပကာယတော် ။
(၂၀) သမ၀ဋ္ဋက္ခန္ဓ = ရွှေမုရိုးစည် ကို ထောင်၍ထားသကဲ့သို့ တစ်ပြေးတည်း စည်းလုံးညီညွှတ်သော လည်တော် ရှိခြင်း ။
(၂၁) ရသဂ္ဂသဂ္ဂိ = အနည်းငယ် ခန့် နှမ်းစေ့ မျှ အရသာ ကို သုံးဆောင်မှီဝဲသော အခါ တစ်ကိုယ်လုံးပျံ့နှံ့တည်နိုင်အောင်ဆောင်နိုင်သော အကြောများရှိခြင်း ။
(၂၂) သီဟဟနု = ခြင်္သေ့မင်း၏ မေး ကဲ့သို့ မေးတော် ရှိခြင်း။
(၂၃) စတ္တာလီသဒန္တ = သွားတော် လေးဆယ် အစေ့အင ရှိတော်မူခြင်း ။
(၂၄) သမဒန္တ = ညီညွှတ်သော သွားတော် ရှိတော်မူခြင်း ။
(၂၅) အ၀ိရဠဒန္တ = မကြဲ မကွာ စေ့စပ်သော သွားတော် ရှိခြင်း ။
(၂၆) သုသုက္ကဒါဌ = ဖြူစင်သော စွယ်တော်လေးခု ရှိခြင်း ။
(၂၇) ပဟူတဇိဝှာ = ရှည်လျား ကျယ်ပြန့်သော လျှာတော် ရှိခြင်း ။
(၂၈) ဗြဟ္မဿရ = ဗြဟ္မာမင်း ၏ အသံကဲ့သို့ သော အသံတော်ရှိခြင်း ။
(၂၉) အဘိနီလနေတ္တ = အလွန် ညိုဝင်းသည့် မျက်လုံးတော် ရှိခြင်း ။
(၃၀) ဂေါပခုမ = မွေးစ နွားသူငယ်၏ မျက်တောင်မွေးကဲ့သို့ အလွန် နှုးညံ့သော မျက်တောင် မွေးတော် ရှိခြင်း ။
(၃၁) ဥဏ္ဏာဇာတ = မျက်မှောင်တော် နှစ်ခုအကြား၌ ဥဏ္ဏလုံ မွေးရှင်တော် ပေါက်ခြင်း ။
(၃၂) ဥဏှီသသီသ = လက်ယာတော် နားပန်စွန်းမှ လက်ဝဲတော် နားပန်စွန်း အထိ တက်သော နဖူးသင်းကျစ်တော်ရှိခြင်း။
စသည် တို့ဖြစ်ပါသည်။
"ဥတ္တရလုလင်" ကိစ္စ ဆက်လက်တင်ပြပါမည်။
"ဥတ္တရလုလင်" သည် သံသယကင်းပျောက်သွားသော်လည်း ဆရာ့ထံ မပြန်သေးဘဲ "ဗုဒ္ဓမြတ်စွာဘုရား"၏ "သွားလာ,နေထိုင်,စားသောက်မှု" တို့ကို လေ့လာ စုံစမ်းလိုသေးသဖြင့် "ဗုဒ္ဓမြတ်စွာဘုရား" ၏ နောက်သို့ (၇)လပတ်လုံး အရိပ်ပမာ လိုက်၍ စုံစမ်းထောက်လှမ်း ပြန်ပါ၏။ (၇)လ ပြည့်သောအခါ "မိထိလာပြည်" သို့ ပြန်၍ ဆရာ့ထံ အစီရင်ခံပါ၏။
"ဥတ္တရလုလင်" ၏ အစီရင်ခံချက် တွင် "သုံးဆယ့် နှစ်ပါးသော ယောက်ျားမြတ်တို့၏လက္ခဏာတော်" နှင့် ပြည့်စုံခြင်း ရှိပုံ သာမက "ဗုဒ္ဓမြတ်စွာဘုရားရှင်" ၏ သွားလာ ၊ နေထိုင် ၊ စားသောက် ပုံ တို့ကို ထည့်သွင်း၍ အစီရင်ခံထားသည်ကို တွေ့ရပါ၏။
"ဥတ္တရလုလင်"သည် "ဗုဒ္ဓမြတ်စွာဘုရားရှင်"၏ "ခြေလှမ်းပုံ" က အစ အသေးစိတ် လေ့လာပါ၏။
သူသူ ငါငါ သွားကြသည်မှာ စည်းစနစ် မရှိပါ။
ဆိုပါစို့ရဲ့။
"ဘယ်ခြေ" က စ ထွက်ချင် ထွက်မည်။ "ညာ ခြေ" က စ ထွက်ချင်ထွက်မည်။
"ဗုဒ္ဓမြတ်စွာဘုရားရှင်" သည် ကြွတော်မူတိုင်း "လက်ယာ ခြေတော်" ဖြင့် သာ စ၍ ကြွချီတော်မူသည် ကို "ဥတ္တရလုလင်"ကသူ၏ အစီရင်ခံစာတွင် မှတ်တမ်းတင်ထားပါသည်။
"ဗုဒ္ဓမြတ်စွာဘုရားရှင်" သည် ခြေလှမ်း ကို မစိတ်မကျဲ ကြွတော်မူပါ၏။ မမြန်လွန်း မနှေးလွန်း ကြွတော်မူပါ၏။ ပုဆစ်ဒူး အချင်းချင်း မထိခိုက်ဘဲ ကြွတော်မူပါ၏။ ဖမျက် အချင်းချင်း မထိခိုက်စေဘဲ ကြွတော်မူပါ၏။ ပေါင် ကို မြှောက်တော်မမူ ၊ ညွှတ် တော် မမူ၊ တောင့် ထားတော် မမူ၊ ခါ တော် မမူ ပါ။
"ဗုဒ္ဓမြတ်စွာဘုရားရှင်" ကြွတော်မူသည်ရှိသော် အောက်ပိုင်း ကိုယ်သာ လှုပ်ပါ၏။ ကိုယ်အားယူ၍ ကြွတော်မူမဟုတ်။ နောက်သို့ပြန်ကြည့်တော်မူလျှင် တစ်ကိုယ်လုံးလှည့်၍ ပြန်ကြည့်ပါ၏။ အထက် ကိုလည်း မော့ မကြည့်။ အောက် ကိုလည်း ငုံ့ မကြည့်ပေ။ ထိုထို ဤဤ ကြည့်လျက် သွားတော်မူသည် မဟုတ်။"ထမ်းပိုး တစ်ပြန်"မျှ ကိုသာကြည့်တော်မူပါ၏။ သို့ရာတွင် ထမ်းပိုးတစ်ပြန် ထက်ကျော်လွန်၍ ဉာဏ် အမြင်ရှိသည်သာဖြစ်ပါ၏။
"ဗုဒ္ဓမြတ်စွာဘုရားရှင်"သည် ရွာ တွင်းသို့ ၀င်တော် မူသည်ရှိသော် ကိုယ်ကို မြှောက်တော်မမူ၊ ညွှတ်တော်မမူ၊တောင့်တော် မမူ၊ခါတော် မမူ ။ နေရာ ၏ မဝေးလွန်း၊မနီးလွန်း၌ ကိုယ် ကိုလှည့်တော်မူ၏။ လက်ဖြင့်ထောက်၍ နေရာ၌ ထိုင်တော်မမူ။ နေရာ ၌ ကိုယ် ကိုပစ်ချတော်မမူ။ ဒူးဆစ် ချင်းချင်း တင်၍ ထိုင်တော်မမူ။ "ဗုဒ္ဓမြတ်စွာဘုရားရှင်"သည် ရွာ တွင်း၌ မကြောက်မရွံ့၊မတွန့် မဆုတ်၊ မတုန်မလှုပ်၊ မချောက်မချား ၊ကြက်သီးမွေးညင်းထမှု ကင်းလျက် ငြိမ်းအေးသော အာရုံ ရှိသည်ဖြစ်၍ နေတော်မူပါ၏။
"ဗုဒ္ဓမြတ်စွာဘုရားရှင်"သည် သပိတ်ဆေးရေ ကို ယူသည်ရှိသော် သပိတ် ကို မြှောက်တော်မမူ၊ညွှတ်တော် မမူ၊တောင့်ထားတော်မမူ၊ခါတော်မမူ။ မနည်းလွန်း မများလွန်းသော လက်ဆေးရေ ကို ခံတော်မူပါ၏။"ခလောက်,ခလောက်" ဟူသော အသံကိုပြု၍ သပိတ် ကိုဆေးတော် မမူ။မှောက်လှန်၍ ဆေးတော်မမူ။ သပိတ် ကိုမြေချ၍ လက်ဆေးတော် မမူ။ လက်ဆေး လျှင် သပိတ် ဆေးပြီးဖြစ်ပါ၏။ သပိတ် ဆေး လျှင် လက် ဆေးပြီးဖြစ်ပါ၏။ သပိတ်ဆေးရေ ကို မနီးလွန်း၊မဝေးလွန်း၌ စွန့်တော်မူပါ၏။ ဖရိုဖရဲ ကျဲဖြန့်၍ စွန့်တော်မမူပါ။
"ဗုဒ္ဓမြတ်စွာဘုရားရှင်"ဆွမ်းခံသောအခါ သပိတ် ကို မြှောက်တော်မမူ၊ညွှတ်တော် မမူ၊တောင့်ထားတော်မမူ၊ခါတော်မမူ။ မနည်းလွန်း မများလွန်းသော ဆွမ်း ကို ခံတော်မူပါ၏။ဟင်း ကို ဆွမ်း၏ လေးပုံတစ်ပုံသာ သုံးဆောင်တော်မူပါသည်။ခံတွင်း ၌ ဆွမ်းလုတ် ကို နှစ်ကြိမ်၊သုံးကြိမ် လွေး၍ မျိုချ တော်မူပါ၏။ ထမင်း ၀ါးဖတ် မကြေညက်ဘဲ ကိုယ်ထဲသို့ မ၀င်။ ခံတွင်း ၌ ထမင်းဖတ်၊၀ါးဖတ် မကြွင်းကျန်။ အရသာ ကိုသိသည်ဖြစ်၍ အာဟာရ ကိုသုံးဆောင်တော်မူပါ၏။ အရသာ ကို တပ်မက်သော အားဖြင့် သိ၍ သုံးဆောင်တော်မူသည် မဟုတ်ပေ။
"ဗုဒ္ဓမြတ်စွာဘုရားရှင်"သည် မြူးထူးရန်၊မာရ်ရစ်ရန်၊တန်ဆာဆင်ရန်၊အသားအရေဖွံ့ဖြိုးတိုးပွားရန် သုံးဆောင်တော်မူသည် မဟုတ်ပါ။ ကိုယ်တည်တံ့ရန်သာ၊ မျှတ ရန်သာ၊ ပင်ပန်းမှုငြိမ်းရုံမျှသာ၊မြတ်သော အကျင့်ကို ချီးမြှောက်ရန်သာ သုံးဆောင်တော်မူခြင်းဖြစ်ပါ၏။ ဝေဒနာဟောင်းပယ်ဖျောက်ရန်။ ဝေဒနာ သစ် မဖြစ်စေရန်။ မျှတ စေရန်သာ အာဟာရ ကို သုံးဆောင်တော်မူပါ၏။ အရသာ ကို တပ်မက်သော အားဖြင့် သုံးဆောင်တော်မူသည် မဟုတ်။
"ဗုဒ္ဓမြတ်စွာဘုရားရှင်"သည် ဆွမ်းစားပြီးသည့်အခါ သပိတ် ကို မြေ၌ချတော်မမူ။ မနီးလွန်း၊မဝေးလွန်းထားတော်မူပါ၏။ သပိတ် ကိုအလိုမရှိသည် လည်းမဟုတ်၊သပိတ်၌ အခါလေးမြင့် စောင့်ရှောက်သည်လည်းမဟုတ်ပေ။ "ဗုဒ္ဓမြတ်စွာဘုရားရှင်" သည် ဆွမ်းစားပြီးနောက် တစ်ခဏမျှ ဆိတ်ဆိတ် နေတော်မူသည်။အနုမောဒနာ ပြုမည့်အချိန် ကို လွန်တော် မမူ။ အနုမောဒနာ ပြုတော်မူ၏။ ဆွမ်း ကို ကဲ့ရဲ့တော် မမူ။ အခြား ဆွမ်း ကို မတောင့်တ ။ အမှန်အားဖြင့် ပရိတ်သတ် ကို တရားဖြင့် ချီးမြှောက်တော်မူပါ၏။ "ဗုဒ္ဓမြတ်စွာဘုရားရှင်"သည် ပရိတ်သတ် တို့အား တရားချီးမြှောက်ပြီးနောက် ပြန်ကြွတော်မူပါ၏။
"ဥတ္တရလုလင်"သည် "ဗုဒ္ဓမြတ်စွာဘုရားရှင်"ပြန်ကြွတော်မူသည့်အခါတွင်လည်း လေ့လာမှတ်သားထားပါ၏။ "ဗုဒ္ဓမြတ်စွာဘုရားရှင်" ကိုယ်တော်၌ ရုံ ထားသော သင်္ကန်းမှာ အလွန်လည်း မြင့်တက်သည် မဟုတ်။ အလွန်လည်း မလျှောကျပေ။ ကိုယ်၌ ကပ်ငြိ၍လည်း မနေ။ ကိုယ်မှ ကွာကျနေသည်လည်း မဟုတ်။ သင်္ကန်းတော် ကို လေတိုက်လွှင့်ခြင်း မရှိ။ "ဗုဒ္ဓမြတ်စွာဘုရားရှင်" ၏ ကိုယ်တော်၌ မြူ အညစ်အကြေးလည်း မကပ်ငြိပေ။ ကျောင်းသို့ ရောက်သည့်အခါ ခင်း ထားသော နေရာ၌ ထိုင်တော်မူပါ၏။ ထို့နောက် ခြေဆေး တော်မူပါ၏။ ခြေ ကို ပြုပြင် တန်ဆာဆင်ခြင်းမရှိပါပေ။ ခြေ ဆေးပြီးနောက် ထက်ဝယ် ဖွဲ့ခွေ၍ ကိုယ်ကို ဖြောင့်စွာထားလျက် ကမ္မဋ္ဌာန်း ရှေးရှု ထိုင်နေတော်မူပါ၏။
"ဗုဒ္ဓမြတ်စွာဘုရားရှင်" သည် မိမိ ကိုယ်ကို ဆင်းရဲစေရန် လည်းအားမထုတ်၊သူတစ်ပါး ကို ဆင်းရဲစေရန်လည်း အားမထုတ်၊နှစ်ဦးစလုံး ဆင်းရဲစေရန်လည်းအားမထုတ်ပေ။ ကိုယ်ကျိုး၊သူကျိုး နှစ်ပါးစုံ လောကသား အားလုံး၏ အကျိုးစီးပွားကိုသာ ကြံစည်စဉ်းစား၍နေတော် မူပါ၏။"ဗုဒ္ဓမြတ်စွာဘုရားရှင်" သည် အာရာမ် သို့ရောက်သည့်အခါ ပရိတ်သတ်ကို တရားဟောတော်မူပါ၏။ ပရိတ်သတ် ကို မမြှောက်ပင့်၊ ပရိတ်သတ် ကို မနှိမ့်ချ ပေ။
"ဗုဒ္ဓမြတ်စွာဘုရားရှင်" ၏ ခံတွင်းတော်မှ ထွက်လာသော အသံတော် သည် သန့်ရှင်းသည်။ သိလွယ်သည်။ သာယာသည်။ နာပျော်ဖွယ် ကောင်းပါသည်။ အသံတော် သည် အင်္ဂါ (၈)ပါး နှင့် ပြည့်စုံပါသည်။ "ဗုဒ္ဓမြတ်စွာဘုရားရှင်" သည် ပရိသတ် ရှိသလောက် ကို အသံတော် ဖြင့် ကြားသိစေနိုင်သည်။ အသံတော် သည် ပရိတ်သတ် ၏ အပြင်ပ သို့ မထွက်ပေ။ တရားပွဲ ပြီးသော အခါ တရားနာ ပရိတ်သတ်သည် "ဗုဒ္ဓမြတ်စွာဘုရားရှင်" အားဖူးမြော်လျက်သာလျှင် ပြန်ကြလေ၏။
ဖော်ပြခဲ့သည်မှာ ဆရာ "ဗြဟ္မာယုပုဏ္ဏား" အားတင်ပြသည့် "ဥတ္တရလုလင်" ၏ အစီရင်ခံစာမှ ကောက်နှုတ်ချက်ဖြစ်ပါ၏။ ဤ အစီရင်ခံစာထက် ပိုလွန်သေးကြောင်း ကိုလည်း ရှင်လင်းတင်ပြ အစီရင်ခံလိုက်ပါသည်။
"ဗြဟ္မာယုပုဏ္ဏား"ကြီး သည် တပည့်ဖြစ်သူ"ဥတ္တရလုလင်"၏ အစီရင်ခံခြင်းကို သေချာစွာ နားထောင်ရသောအခါ အားရကျေနပ်မှု အပြည့်အ၀ ရရှိခံစားရသဖြင့် "ဥတ္တရလုလင်"အား မည်သို့မျှ မပြောသေးဘဲ လက်ဝဲ တစ်ဖက် ပုခုံးထက်မှာ ကိုယ်ဝတ် ကို စံပယ်တင် လျက် "ဗုဒ္ဓမြတ်စွာဘုရားရှင်" ရှိရာ သို့ လက်အုပ်ချီကာ"နမောတဿ" သုံးကြိမ်ရွတ်ဆိုကာ ဥဒါန်း ကျူးရင့်လေပါတော့၏။
ဤသည် မှာ "ဗုဒ္ဓမြတ်စွာဘုရားရှင်" ကို တစ်ကြိမ်၊တစ်ခါမျှ မမြင်ဖူး၊မတွေ့ဖူးသေးသော ပညာတတ်ပုဂ္ဂိုလ်ကြီးတစ်ဦး၏ ကျူးရင့်သံ ပင်ဖြစ်ပါ၏။
တပည့်ဖြစ်သူ "ဥတ္တရလုလင်" မှာလည်း မိမိ တတ်ထားသည့်ပညာ ကိုအခြေခံ၍ အသေးစိတ် လေ့လာမှတ်သား အစီရင်ခံထားခြင်းမျှသာ ဖြစ်ပါ၏။
ဆိုလိုသည်က"ဗုဒ္ဓမြတ်စွာဘုရားရှင်" ၏ လက္ခဏာတော် နှင့် သွား၊လာ၊နေထိုင် မှု ဟုဆိုအပ်သော အပြင်အပမျှ လောက်ကိုသာ လေ့လာနိုင်ခဲ့ခြင်းဖြစ်ပါ၏။"ဗုဒ္ဓမြတ်စွာဘုရားရှင်"၏ သီလ၊ သမာဓိ၊ ပညာ ဂုဏ်ကျေးဇူး အနှစ်များ ကို လေ့လာ တင်ပြနိုင်စွမ်းရှိသည် မဟုတ်သေးပေ။
သို့ရာတွင် သူ၏ ထောက်လှမ်းလေ့လာမှုမှတ်တမ်း ကို လေ့လာ၍"ဗုဒ္ဓမြတ်စွာဘုရားရှင်"၏ ဂုဏ်တော်ကို အာရုံပြုနိုင်မည်သာ ဖြစ်ပါ၏။
ဤဆောင်းပါးတွင် တင်ပြလိုသည်မှာ ဗုဒ္ဓဘာသာ ၀င်မဟုတ်သော တိုင်းတစ်ပါးသား ပညာတတ်ပုဂ္ဂိုလ် အမြောက်အများသည် ထေရ၀ါဒဗုဒ္ဓသာသနာတော် ထွန်းကားရာ မြန်မာနိုင်ငံ သို့ ရောက်ရှိလာသည့်အခါ သီလ၊သမာဓိ၊ပညာ ဟုဆိုအပ်သော အနှစ်သာရ ဓမ္မဂုဏ်တော် များ ကို အများအားဖြင့် လေ့လာနိုင်ကြမည်မဟုတ်ပါ။
သံဃာတော်များ ၏ အသွား၊အလာ၊အနေ၊အထိုင် စသည့် ပြင်ပဂုဏ် အရည်အသွေးများကိုသာ များသောအားဖြင့် မြင်တွေ့ လေ့လာနိုင်ကြမည်ဖြစ်၍ ကြည်ညိုဖွယ်ရာ ပါသာဒိက ဂုဏ်ဆောင် နိုင်မည့် သံဃာတော်များ ရှိရာ ကျောင်းတိုက်ကြီးများ၌ လေ့လာခွင့်ရကြပါစေဟု ဆန္ဒပြုမိပါ၏။
၁၃၇၆ခုနှစ်၊၊၀ါခေါင် လဆန်း၊ (၂)ရက်နေ့၊(၂၈-၇-၂၀၁၄)ရက်နေ့၊တနင်္လာနေ့-(နေ့လည်-၁း ၂၆) တွင် ရေးသားပူဇော်သည်။
ရေးသားပြီးစီး။ ။ ၁၃၇၆ခုနှစ်၊၊၀ါခေါင် လဆန်း၊ (၂)ရက်နေ့၊(၂၈-၇-၂၀၁၄)ရက်နေ့၊တနင်္လာနေ့-(နေ့လည်-၁း ၂၆)
ချမ်းသာပါကြစေ၊အေးငြိမ်းကြပါစေ၊
သံသရာဝဋ်ဆင်းရဲမှ..လွတ်မြောက်နိုင်ကြပါစေ။
ဘ၀တုသဗ္ဗမင်္ဂလံ
သင့်
ကလျာဏ မိတ္တ
(ကိုညီညီတင်)
(09-445108754)
No comments:
Post a Comment