_________________________________________
★"ရှိခိုးခြင်း နှင့်ပတ်သက်၍ လေ့လာမိသမျှ "★
__________________________________________
အချို့အချို့သော ဓမ္မမိတ်ဆွေ စာရေးသူများ က "ပဋိစ္စသမုပ္ပါဒ်"အကြောင်း၊ "အဘိဓမ္မာ"အကြောင်း၊ "၀ိပဿနာ"နှင့်စပ်၍ သိမှတ်ဖွယ်ရာအကြောင်း များ ကို အားကောင်းမောင်းသန် ရေးသားနေကြနေကြချိန်တွင် ကျွန်တော် က ထေရ၀ါဒ ဗုဒ္ဓစာပေကျမ်းဂန်ထဲမှ ရေးစရာအကြောင်းအရာလေးတစ်ခု ရေးလိုက်ချင်ပါသည်။ ထူးထူးခြားခြားကြီး မဟုတ်ပါ။ ယနေ့ ထေရ၀ါဒ ဗုဒ္ဓဘာသာဝင်များ မျက်စိလျှံနေသည့်"ရှိခိုးခြင်း" နှင့်ပတ်သက်၍ သိမှတ်ဖွယ်ရာလေးမျှသာဖြစ်ပါ၏။
"ရှိခိုးခြင်း"ဟူသည်ကား"လက်အုပ်ချီ၍ ဦးချခြင်း"ဟု အဓိပ္ပါယ်ရကြောင်း ထေရ၀ါဒဗုဒ္ဓဘာသာဝင်များသဘောပေါက်
နားလည်ပြီးဖြစ်ပါ၏။ နော့ပေတဲ့ "ရှိခိုး"ဟူသော ဝေါဟာရ၏ မူလအစ, ရင်းမြစ် သည်ကားအဘယ်နည်း။
"ဝေါဟာရတ္ထပကာသနီကျမ်း"၊ "ဝေါဟာရလိနတ္ထဒီပနီကျမ်း" တို့၌လည်း"ရှိခိုး"ဝေါဟာရ၏အနက်ဖွင့်ဆိုထားခြင်းမရှိ။
ထို့ကြောင့်"အနက်ရင်း"တိမ်မြှပ်နေသည် ဟုဆိုရပေမည်။ ထို့ကြောင့်ပင် မိမိ တို့အမြင်ဖြင့် ရှုထောင့်အမျိုးမျိုးမှ ဆင်ခြင်သုံးသပ် အဓိပ္ပါယ်ဖွင့်သော အယူအဆများပေါ်ပေါက်လာသည်ကိုလည်းမြင်တွေ့လေ့လာသိရှိ ရပါ၏။
"ကျောက်စာဝန် ဦးလူဖေ၀င်း" ၏ "ရှိခိုး"ဟူသော ဝေါဟာရသမိုင်းသရုပ်ဖော်ချက် ကိုဦးစွာတင်ပြလိုပါ၏။
ဤသို့ပါ။
"ယခုအခါ (ရှိ) ဟုရေးပြလိုက်လျှင် (ပြည့်စုံခြင်း) အနက် ကို ချက်ချင်းကောက်ယူကာ(ရွှေရှိ။လယ်ရှိ။အိမ် ရှိ။တိုက်ရှိ။ပစ္စည်းရှိ။) စသည့် စကားစပ်တို့ကိုသာ တွေးတောမိကြရာသည်။
(ခိုး) ဟုရေးပြ၊ရွတ်ဆို လိုက်လျှင် (ဥစ္စာရှင်မပေးပဲ ယူခြင်း၊ပစ္စည်းရှင် မသိအောင်ဆွဲယူခြင်း၊၀ှက်ယူခြင်း၊အဒိန္နာဒါနာသိက္ခာ
ပုဒ် ကို ကမ္မပထမြောက်အောင် ဆောင်ရွက်ခြင်း) ဟူ၍ နားလည်လိုက်ကြချေမည်။
(ရှိ) နှင့်(ခိုး) ကိုပေါင်းလိုက်လျှင် ဂါရ၀ပြုမှုဖြစ်ရမည် မဟုတ်ပါလေ။ ထို့ကြောင့် (ရှိ) နှင့်တကွ(ခိုး) ပါ စာလုံးနှစ်လုံးမူမမှန်ပါ။
မူလ က (ရှေ့) နှင့် (ခို) တို့ ဖြစ်ခဲ့ကြပါသည်။ ပုဂံရှေးဟောင်းကျောက်စာတို့ ၌(ရှေ့ခို) ဟုလာရှိ၏။
ထုတ်နှုတ်ဖော်ပြရပါမူ-
-ပုဂံပြတိုက်၊ကျောက်စာတိုင်နံပါတ်(၁၇)၊မြန်မာတိုင်းရင်းသားကျောက်စာ ပုံ(၄၀)၊စာကြောင်းရေ(၅) မှ (၇) အထိ သက္ကရာဇ်-၅၇၅ နှစ် ထိုး၌….။
[ငွယ်ပုရှာလေ{သဉ်}အရည်ကိုဝ် ရှိယ်ခိုဝ်စိယ်ဟူရုယ်ပိယ်လိုယ်ဧအ်]
{ငွေဘုရားလည်း သဉ် အရည်း တို့ ရှေ့ခိုစေဟူ၍ ပေးလိုက်၏}
-ပုဂံဖွားစောရွာ၊ဆုတောင်းပြည့် ဘုရားကြီး၊သက္ကရာဇ်-၅၉၁ ခုနှစ် ထိုး ပုံ(၉၈)၊ကျောက်စာကြောင်းရေ၊၂-၃ ၌….။
[သ္ခိင်ပ္လုသောပိတကတ်ငါရှိယ်ခိုအံ]
{သခင် ပြုသော ပိဋကတ် ငါ ရှေ့ခို အံ}။
ဘာသာဗေဒ စည်မျဉ်းအရတင်ပြဖော်ပြရလျှင် - ရှေးဟောင်းမူလ(ရှေ့ခို) မှ
(ရှေ့) သည်-ပါဠိ "၀ါရီ"မှ "ရီ" ။"ရီ" မှ "ရေ"ဟုပြောင်းလဲလာသကဲ့သို့လည်းကောင်း။ "မျက်စေ့မျက်ဆန်" ဟု ပုဂံခေတ်ကျောက်စာများ၌လာရှိသည်ကို ယခု "မျက်စိမျက်ဆန်"ဟု ခေါ်ဝေါ်ပြောဆိုရေးသားရွတ်ဖတ်ကြသကဲ့သို့လည်း
ကောင်း။(ရှေ့) မှ (ရှိ) ဖြစ်လာလေသည်။
(ခို) မှ (ခိုး) ဖြစ်လာရခြင်း၌ကား ၀ိသဇ်ပါလေ့မရှိသော ပုဂံကျောက်စာများကို ၀ိသဇ်ရှေ့ဆီး ၀စ္စပေါက်ထည့်၍ ဖတ်ရွတ်ရခြင်းမှာ ထုံးစံဖြစ်၍နေလေပြီ။"
ဦးလူဖေ၀င်းက-ရှေးဟောင်းကျောက်စာနှင့်ဘာသာဗေဒအထောက်အထားအရ"ရှိခိုး"သည်"ရှေ့ခို"မှလာသည်ဟုယူဆ
ကြောင်း ဖော်ပြပါ၏။
"ဓမ္မဗျူဟာစာစောင်၊အတွဲ၃၂၊အမှတ်(၆)"ခေါင်းကြီးပိုင်းတွင်မူကားအောက်ပါအတိုင်းရှင်းလင်းဖော်ပြထားသည်ကိုလေ့လာသိရှိရပါ၏။
"(ရှိ) သဒ္ဒါ သည် မည်သည့်အနက် ကိုဟောပါသနည်း။ကျွန်ုပ်တို့ သိသော (ရှိ) သဒ္ဒါ ကား(အတ္တိ=ရှိ၏) ဟူသော အနက် ကိုဟောပါသည်။(ရှိခိုး) ၌ ပါဝင်သော(ရှိ) သဒ္ဒါ သည် (အတ္ထိ) အနက် မဟုတ်ပါချေ။
(ဝေါဟာရ ၀ိပ္ပလ္လာသ လက္ခဏ ဒီပကကျမ်း) စာ-၉၈ တွင်-
(ရှက်) မှ (ရှိ) ဖြစ်သည် ဟု ဆိုသည်။(ရှက်) ကား (လက်နှစ်ဖက် ရှက်ခြင်း) ပါတည်း။
(ခိုး) သဒ္ဒါ သည် (တ်ိတဆိတ်ယူခြင်း)အနက် ကိုဟော၏ဟု လူတိုင်းသိ၏။ သို့သော် ဤ၌ (ခိုး)သဒ္ဒါ ကား (မခိုးမခန့်)ဟူသော အနက်၌ လာသော (ရိုသေခြင်း)အနက် ကိုဟောပါသည်။
(ရှိခိုး) ဟူသော ပုဒ် နှစ်ခုပေါင်းအနက် က (လက်နှစ်ဖက် ကိုရှက်၍ အရိုအသေ ပြုခြင်း)ဟု ဆိုလိုပါသည်။
(လက်နှစ်ဖက်ယှက်၍ အရိုအသေပြုခြင်း) ကို (ရှိခိုးခြင်း) ဟု မြန်မာ တို့က သုံးပါသည်။
ထို (ရှိခိုးခြင်း) ကို "မာဂဓ အဘိဓာန်" ၌-
(၁)နမဿ၊ (၂) နမက္ကာရ ၊ (၃)၀န္ဒန (၄) အဘိဝါဒန ဟု လေးပုဒ် ပြပါသည်။
ထို(၄) ပုဒ် တို့တွင်-
"နမဿ/နမက္ကရ" တို့သည် "နမု"ဓာတ်ရင်း ဖြစ်၍ "ဿ" ပစ္စည်း-"ကရ" ပုဒ် တို့နှင့်တွဲ၍ "နမဿ/နမက္ကရ" ဖြစ်လာပါ၏။
"နမုဓာတ်"သည် "နမနေ=ကိုင်းညွှတ်ခြင်း" ""အနက် ကိုဟော၏။ဦးခေါင်းညွှတ်ခြင်း၊တစ်ကိုယ်လုံးညွှတ်ခြင်းကိုဆိုလိုသည်။
"၀န္ဒန" နှင့် "အဘိဝါဒန" တို့သည် "၀န္ဒ"ဓာတ်ရင်း ဖြစ်၏။ "၀န္ဒ" ဓာတ်သည် "အဘိဝါဒန=ရှိခိုးခြင်း" "ထုတိ=ချီးမွမ်းခြင်း" ဟူသော အနက် တို့ကိုဟောပါသည်။
လက်နှစ်ဖက် ကိုရှက်၍"သြကာသ"စသော ဂုဏ်တော်ကိုရွတ်၍ "ရှိခိုးခြင်း" ကိုပင်ဆိုလိုပါသည်။ "ရှိခိုးခြင်း" ဆိုသည်မှာ "အလေးအမြတ်ပြုထိုက်သော ပုဂ္ဂိုလ်တို့အား အရိုအသေပြုခြင်း အမူအရာ" ပင်ဖြစ်ပါသည်။"
"သာသနာ့ရောင်ခြည်၊အတွဲ-၁၈၊အမှတ်(၉)" တွင်ပါဝင်သည့် "တက္ကသီလ-၀ိဝေက(ဘုတလင်)" ကမူ ဤသို့ယူဆပါ၏။
"ရှေးခေတ်က ရှိခိုးလျှင်-ရှိခိုးခံပုဂ္ဂိုလ် တို့က -
"သုခီဟောတိ၊ သုခေါ ဟောတိ၊ဒီဃာယုကော ဟောတိ" စသည်ဖြင့် ဆုပေးလေ့ရှိကြသည်။
အိန္ဒိယ၊သီဟိုဠ်၊မွန်သံ နှင့်ဆိုပါမူ-
"ရှိခီဟိုဟိ၊ ရှုခိုဟိုဟိ၊ဆုခီဟိုဟိ"ဟု ထွက်ရ၏။ရှိခိုးကြသော မြန်မာ တို့ကလည်း(ဆုခိုရှုခို) ဟုယောင်ဝါးဝါးကြားဖူးရာမှ
(ရှိခိုး၊ရှိခိုး) ဟုနားယဉ်လာခြင်းဖြစ်ပေလိမ့်မည်။ ထို့နောက် ရဟန်းတော်တို့၏ (ရှိခိုးဟိုးဟိ)အသံကိုဖမ်းပြီး ၀တ်ပြုမှုကို ရှိခိုးပြုခြင်း ဟုဝေါဟာရတည်ထွင်ခေါ်ဝေါ်ခြင်းပြုခဲ့ကုန်တန်ရာ၏။
ယခုကာလ၌လည်း"သြကာ,သြကာ" ဟုရှိခိုးခိုင်းကြသည်။"သြကာသ" ကို စွဲပြီး ရှိခိုးဟူသောကြိယာ အစား ကလေးနားလည်လွယ်သော"သြကာ" အသစ်တည်ထွင်ပြောဆိုကြလေသည်။
အချို့ ကမူ"သက္ကရောဟိ သက္ကရောဟိ=အရိုအသေပြု၊အရိုအသေပြု"ဟုရှေးခေတ်ရဟန်းတော်များက သင်ပြညွှန်ကြားရာ၊
"သက္ကရောဟိ" ဟူသော မြန်မာအသံ ကို အိန္ဒိယ၊သီဟိုဠ်၊မွန်သံ တို့ဖြင့် ဆိုသောအခါ-"ဆက်ကရိုးဟိ၊ရှက်ကရိုးဟိ"ဟုဖြစ်၏။
"ရှက်ကရိုး" အသံသည်"ရှိခိုး" သို့ပြောင်းလဲနိုင်သော အသံ ဖြစ်သည်။ ထို့ကြောင့်"ရှိခိုးဟိ"အသံမှား ကိုဖမ်း၍ ၀တ်ပြုမှု၊အရိုအသေပြုမှု၊ဂါရ၀ပြုမှု၊တို့ကို "ရှိကိုး,ရှိကော်,ရှိခိုး"ဟု အမျိုးမျိုးဝေါဟာရ ပြုခဲ့ကြသည်။
အဆုံးသတ်ဝေါဟာရကား "ရှိခိုး"၌ရပ်တန့်နေကြောင်း ပြောဆိုကြသည်။ဤ အဆိုလည်း အသံကိုစွဲမှတ်၍ မြန်မာ့ဝေါဟာရ ဖြစ်ပေါ်ကြောင်း အဆိုပင်ဖြစ်သည်။"သြကာသ လုပ်ခြင်း၊ရှိခိုးပြုခြင်း"ဝေါဟာရများသည် အသံစွဲဝေါဟာရသာဖြစ်သည်။"
အချို့သော ပုဂ္ဂိုလ် အချို့ က လည်း အောက်ပါအတိုင်းယူဆပါ၏။
"(ရှိ) သည်-ဘုရားဂုဏ်၊တရားဂုဏ်၊သံဃာ့ဂုဏ်ရှိခြင်း၊ပူဇော်ထိုက်သော ဂုဏ် ရှိခြင်း၊သည်းခံမှုဂုဏ်ရှိခြင်း၊နိုးကြားထကြွမှု စသောဂုဏ် ရှိခြင်း၊သူတော်ကောင်းတို့၏စရိုက်လက္ခဏာ ရှိခြင်း၊ စသော ကောင်းသောဂုဏ်များရှိနေခြင်း ဟု အဓိပ္ပါယ်ရသည်။
(ခိုး) ဟူသော စကားလုံးသည် အထက်ပါဂုဏ်များရှိနေသော ပုဂ္ဂိုလ်များ၏ အသွားအလာ၊အနေအထိုင်၊အပြောအဆို၊
စသော အပြုအမူ တို့ကို အတုယူခြင်း၊ အတုခိုးခြင်း၊ ဟုအဓိပ္ပါယ်ရသည်။
ဥပမာ- လောကတွင် ပစ္စည်းဥစ္စာကြွယ်ဝ ချမ်းသာသူ၊ပိုက်ဆံရှိသူများ၏ မတု ကို ဘေးပတ်ဝန်းကျင်ရှိ လူများ က အတုယူ၊အတုခိုးကြခြင်းကဲ့သို့တည်း။
အကျဉ်းမှတ်သားရန်မှာ လောကီအရာ၌ ရွှေ၊ငွေ၊ကျောက်သံ၊ပတ္တမြား စသော စီးပွားဥစ္စာရှိ၍ အတုခိုးခြင်း(ရှိ၍ရှိခိုးခြင်း)၊လောကုတ္တရာ အရာ၌ ရတနာသုံးပါးဂုဏ် စသည်များ ရှိခြင်း၊ မဂ်ဖိုလ် ရောက်နိုင်သည့် ပညာရှိခြင်း၊ ထိုထို ဂုဏ်များရှိ၍ ခိုးခြင်း တို့ကို "ရှိခိုး" ဟု မှတ်သားကြရပါမည်။"
ဤသည်မှာ"ရှိခိုး"ဆိုသော ဝေါဟာရ သမိုင်းကြောင်း နှင့် အနက်အဓိပ္ပါယ်ကောက်ယူပုံအချို့ပင် ဖြစ်ပါ၏။
ရေးသားပြီးစီး။ ။ ၁၃၇၆ခုနှစ်၊၊၀ါခေါင် လဆုတ်(၁၁)နေ့၊(၂၁-၈-၂၀၁၄)ရက်နေ့၊ကြာသပတေးနေ့-(ညနေ-၄း ၂၃)
ချမ်းသာပါကြစေ၊အေးငြိမ်းကြပါစေ၊
သံသရာဝဋ်ဆင်းရဲမှ..လွတ်မြောက်နိုင်ကြပါစေ။
ဘ၀တုသဗ္ဗမင်္ဂလံ
သင့်
ကလျာဏ မိတ္တ
(ကိုညီညီတင်)
(09-445108754)
ကျေးဇူးတင်ပါတယ်ရှင့်
ReplyDelete