နောက်ဘုရားကို မျှော်မနေနဲ့
*****************
မည်သည့်ခေတ်က စတင်ပေါ်ပေါက်လာသည်၊ မည်သည့် ပုဂ္ဂိုလ်က "စတင်"
ဝါဒဖြန့်ချိခဲ့သည်ဟု တပ်အပ်သေချာ မပြောနိုင်သော်လည်း
နောက်ဘုရားမျှော်ဝါဒကို ရှေးသူဟောင်းအချို့နှင့် ယနေ့မျက်မှောက်ကာလ
ပုဂ္ဂိုလ်အချို့လည်း လက်ခံယုံကြည်လျက်ရှိကြ၏။ " နောင် အရိယမေတ္တေယျဘုရား
ပွင့်တော်မူခါ လက်ဦးစွာဖူးတွေ့ရ၍ မဂ်ဖိုလ်နိဗ္ဗာန်ကို ရလိုပါ၏ "
ဟုဆုတောင်းသူတွေလည်း ရှိ၏။ အရိယမေတ္တေယျဘုရားရှင်ကို ဖူးမြင်ရလျှင်
ကျွတ်တမ်းဝင်လိမ့်မည်ဟူသော ယုံကြည်ချက်ပင်လျှင် စင်စစ် သဘာဝမကျပါ။
ဂေါတမမြတ်စွာဘုရားကို ဖူးမြင်ရသူများတွင် ကျွတ်တမ်းဝင်သူတို့ ရှိသကဲ့သို့ (
ဘုရားရှင်၏စကား နားမထောင်သောကြောင့် ) အဇာတသတ်ကဲ့သို့
အဝီစိရောက်သွားသူများလည်းရှိကြောင်း အလေးအနက် သတိမူ ဂရုထားအပ်ပါ၏။
နောက်ဘုရားကို မျှော်မနေသင့်ကြောင်း ကျေးဇူးတော်ရှင်မိုးကုတ်ဆရာတော် ဘုရားကြီး က ဤသို့ ဩဝါဒ ချီးမြှင့်တော်မူခဲ့ပါ၏။
" ယုံကြည် --- ကျန်းမာ စသော အင်္ဂါငါးချက်နှင့်ညီရင် တရားရတာပဲ "
" မှန်ပါ့ဘုရား "
" ဒါနဲ့တောင် နောက်လာမယ့် အရိယမေတ္တေယျဘုရားကို စောင့်နေဦးမယ်ဆိုရင် ဟောဒီဘုရားကို သပိတ်မှောက်ရာ ရောက်တော့တာပေါ့ "
" မှန်ပါ့ဘုရား "
" မင်းတို့တစ်တွေက နောက်ဘုရားကို မျှော်နေတယ် ဆိုရင်တော့ ဒီဘုရားကို စော်ကားရာလည်းကျတယ်၊ အားမနာရာလည်း ရောက်တယ်"
" ဒီဘုရားရဲ့ သတိပဋ္ဌာန်ကို သပိတ်မှောက်တဲ့သဘောလည်း ဖြစ်ကုန်တယ်"
" မှန်ပါ့ဘုရား "
" ပါရမီတွေက ပြည့်နေပြီ၊ နောက်ထပ်ဖြည့်ဖို့ရန် မလိုတော့ဘူး။ အခုရ
အခုကူးမယ်ဆိုတဲ့ သူတွေအဖို့ ပါရမီတွေက လုံလောက်နေပြီ၊ ကြိုးစားဖို့ပဲ
လိုတော့တယ်။"
" မှန်ပါ့ဘုရား "
"သဗ္ဗညုဘုရားတို့၊ ပစ္စေကဗုဒ္ဓတို့အတွက် ပါရမီလိုတယ်။ အဂ္ဂသာဝက၊ မဟာသာဝက၊
အသီတိသာဝကတို့အတွက်လည်း ပါရမီလိုတယ်။ ရိုးရိုးပကတိသာဝကတို့အတွက်လည်း
ပါရမီလိုတယ်။ ရိုးရိုးပကတိသာဝကအဖြစ်နဲ့ နိဗ္ဗာန်ကို ကူးမယ့်သူတွေအဖို့
ပါရမီမလိုတော့ဘူး။ ပြည့်နေပြီ။ လုံလောက်နေပြီ။ အဲဒါကြောင့် ပါရမီအလိုက်
မဟုတ်ဘူး။ ဉာဏ်အလိုက် တရားရလိမ့်မယ်လို့ ဘုန်းကြီးတို့က ပြောတယ်။"
the eXistence မှ မင်းနန် (မော်ကျွန်း) ရေးသားပြုစုထားသော - "ဆရာတော်ကြီးများ၏ ဩဝါဒတော်များ" စာအုပ် (စာမျက်နှာ- ၁၂၅ ) မှ ကူးယူဖော်ပြခြင်း ဖြစ်ပါသည်။
No comments:
Post a Comment