ဒါနကြောင့် ပါရမီများ ပြည့်လွယ်ပါတယ်။

        ဒါနရှိသူသည် ဖြစ်လေရာဘ၀၌ ဥစ္စာပြည့်စုံကြ၏။ ဥစ္စာပြည့်စုံလျှင် (ပင်ကို စိတ်ရင်း
ကောင်းသူ၊ ၀ိဝဋ္ဋ နိဿိတဒါန ပြုခဲ့သူအတွက်) သီလလုံခြုံ၏။ ဥပုသ်ရက်ရှည် စောင့်ခွင့်ရ၏။
ဥစ္စာမရှိလျှင် ၀မ်းရေးပူပင်ရသဖြင့် အူမ မတောင့်၍ သီလမစောင့်နိုင်ရုံသာမက ငါးပါးသီလ
လုံဖို့ရန် ခဲယမ်း၏။ ဒါနရှိမှ သီလလွယ်ကူသည်။ ပညာရှာဖွေရာ၌လည်း ဒါနရှင်တို့သာလျှင်

လွယ်ကူစွာ ရှာနိုင်၏။
         ဒါနရှင်တို့သည် သူတကာက စော်ကားလျှင် အဖတ် မထင်၍ဖြစ်စေ၊ စိတ်သဘောထား
ကြီး၍ဖြစ်စေ သည်းခံလွယ်၏။ ပစ္စည်းဥစ္စာ မရှိက “ ငါ့ကို ပစ္စည်းမရှိလို့ စော်ကားတာပဲ ” ဟု
အထင်ရှိ၍ သည်းမခံလိုကြပါ။ ဒါနရှင်တို့သည် နေရာတိုင်းတွင် သူတစ်ပါးတို့၏ လေးစားခြင်းကို
ခံရသဖြင့် မိမိအား အရိုအသေပေးသူတို့အပေါ်မှာ မေတ္တာဂရုဏာ ဖြစ်လွယ်၏။ ဥစ္စာမရှိလျှင်
ထိုသို့ ရိုသေသူလည်း နည်းပါးကြသဖြင့် ကိုယ့်ကို ဂရုမစိုက်သူကို ပြန်၍ အမျက်ထွက်ကာ
မေတ္တာဂရုဏာ ဖြစ်ရမည့်အစား ဒေါသ မာနတွေသာ တိုးပွားတတ်လေသည်။ ဤနည်းအားဖြင့်
ဒါနကြောင့် ခန္တီ မေတ္တာ ပါရမီများလည်း ဖြစ်လွယ်၏။
         “ဥစ္စာမရှိ ကတိမတည်”နိုင်သော လောကကြီးဝယ် ဥစ္စာပါရမီဖြစ်ဖို့ အရေးမှာလည်း
ဒါနသည် အကူအညီပေး၏။ ဤသို့ စသည်ဖြင့် ဒါနမပါလျှင် ပါရမီအားလုံး ပြည့်ဖို့အရေး၌
အနှောင့်အယှက် ပေးတတ်ရကား ဘုရားလောင်း ဟူသမျှတို့ ဒါနကိုသာ ပထမဆုံး မြင်တော်
မူကြပေသည်။ ငါတို့ ဘုရားရှင်မှာ စ တည်တော်မူစဉ်ကလည်း သုမေဓာဘ၀၌ ဒါနကို စ တည်
ခဲ့၍ ဝေဿန္တရာဘ၀၌ ကမ္ပတ်ဖုံးလျက် ပါရမီအားလုံးကို နိဂုံးချုပ်တော် မူခဲ့ပေသည်။ ။
 {အမရပူရမြို့၊ ကျေးဇူးတော်ရှင် မဟာဂန္ဓာရုံဆရာတော် အရှင်ဇနကာဘိဝံသ၏ ကိုယ်ကျင့်
     အဘိဓမ္မာမှ ကောက်နုတ်ရေးသားပါသည်။ }
        “ဆုတောင်းပတ္တနာ”
ဓမ္မဒါန၊ ဤပုညကြောင့်၊
ဘ၀သံသရာ၊ နောင်ဖြစ်ရာ၌၊
ပညာထူးချွန်၊ မြင့်ကဲလွန်လျက်၊
အမွန်ချမ်းသာ၊ နိဗ္ဗူတာကို၊
လျင်စွာရစေ၊ တောင်းဆုခြွေသည်၊
မသွေပြည့်ဝပါစေသော်။ ။
     ဦးသိန်းဝေ။
           http://www.facebook.com/damanadi.tk
          http://www.facebook.com/damanady.tk
          http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။