ဗုဒ္ဓဘာသာ ယဉ်ကျေးမှု အသိပညာပေးဆောင်ပုဒ်များ (၃) ။

“ ရှင်မဟာသီလ၀ံသ ဆုံးမစာ (၂) ”
------------------------------------
၁၂။ ရိုင်းစိုင်းနီးကပ်၊ မကိုင်းညွတ်ပဲ
မတ်တတ်တိုး၍ မသွားနှင့်။
၁၃။ စားဖွယ်စားရာ၊ ကပ်သောခါလည်း
ချဉ်းလာနီးစေ၊ ခြေစုံနေ၍
ရိုသေကိုင်းညွတ် ချဉ်း၍ကပ်။

၁၄။ ဘုဉ်းပေးဆိုတမ်း၊ ရဟန်းတို့အား
စားမည်လားဟု၊ စကားသည့်နှယ် မမေးနှင့်။
၁၅။ မိဦးဘဦး၊ ဆရာ့ဦးကို
ခူး၍ အလျင် မစားနှင့်။
၁၆။ မိဘဆရာ၊ ထားသည့်ဟာကို
မျက်နှာကွယ်လျှင်၊ မယူငင်နှင့်
လိုချင်သောအား၊ စားချင်ငြားက
ဝပ်တွားခယ တောင်းပါကြ။
၁၇။ သပိတ်ဆွမ်းခွက်၊ ဆောင်ရွက်မပြတ်
ဆွမ်းဟင်းဗျတ်ကို၊ ပွတ်တုံညစ်ကြေး
မြူမှေးမတင် စင်အောင်ဆေး။
၁၈။ ကျောင်းတွင်အိမ်တွင်၊ မသန့်စင်၍
မြင်သည်ရှိသော်၊ ယူငင်သိမ်းဆည်း
အထည်းသိုငြား ကောင်းကောင်းထား။
၁၉။ အမှုနည်းများ၊ ခန့်ထားရှိသော်
တခွန်းသော်က၊ ကြားသော်ခဏ ချဉ်းကပ်ကြ။
၂၀။ ကိစ္စရှိငြား၊ သွားချင်သည်များ
လျင်လျားခဏ လာပါကြ။
၂၁။ ဖျားနာကျောင်းတွင်၊ ရှိခဲ့လျှင်သော်
ကြင်ကြင်နာနာ၊ ညီညာဖြဖြ
ဆေးဝါးပေး၍ လုပ်ကျွေးကြ။
၂၂။ သီတင်းသုံးချင်း၊ ချစ်ဟုန်ပြင်းသည့်
ပဉ္စင်းနှင့်ရှင်၊ ညီတွင်အစ်ကို
လွန်ကြည်ညိုသည် ငါ့ကိုအဖ မှတ်ကြပါ။
၂၃။ အသက်ကြီးငယ်၊ ၀ါကြီးငယ်ကို
လွဲဖယ်မသွေ၊ နှိမ့်ချလေ။
၂၄။ ရိုသေတုပ်ကွ၊ ဆည်းကပ်ကြလျက်
နေ့ညကြည်ဖြူ၊ နည်းခံယူ၍
ကြီးသူခေါ်က၊ ကြွကြွလည်းလာ
ဗျာဗျာကျွန်ုပ်၊ ပုဆစ်တုပ်၍
ဖုံးအုပ်ခြေ,လက်၊ လွန်ငြိမ်သက်သည်
ကျောင်းထွက်သူပေ၊ ဆိုရစေ။
၂၅။ တရားပေစာ၊ ဟောသောခါလည်း
နှုတ်မှာမစောင့်၊ တထောင့်စကား
တဟားဟားသည်၊ ရိုင်းကာမိုက်မဲ မပြောနှင့်။
 {၁၉၈၃ ခု-နိုင်ငံတော် သံဃမဟာနာယကအဖွဲ့ဗုဒ္ဓဘာသာ ယဉ်ကျေးမှု စာမေးပွဲ သင်ခန်းစာမှ
   ကူးယူရေးသားပူဇော်ပါသည်။ }
   (မှားယွင်းမှုများရှိသော် အစဉ်သနားသောအားဖြင့် သည်းခံခွင့်လွှတ်ပေးပါရန်
                    ဦးခိုက်လျှောက်ထားပါသည် ဆရာတော်အရှင်သူမြတ်ဘုရား)

     ဦးသိန်းဝေ။
           http://www.facebook.com/damanadi.tk
          http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။