ယမမင်းကြီးရဲ့ ဆန္ဒ။

     ယမမင်းဆိုတာ " ဝေမာနိကပေတရာဇာ " ဗိမာန်ရှိတဲ့ ပြိတ္တာဘုရင်ကြီးတစ်ဦးပါ။  ယမမင်းကြီးဆိုတာ
တကယ့်သူတော်ကောင်းကြီး၊ အင်မတန်မှ ကရုဏာကြီးမားတယ်။ သူရဲ့ဘ၀က ဒီဝေမာနိကပြိတ္တာဘ၀
ဖြစ်တယ်။ နတ်ပြည်ခြောက်ထပ်မှာ အနိမ့်ဆုံးဖြစ်တဲ့ စတုမဟာရဇ်နတ်ထဲမှာပါတယ်။ ဘုံဗိမာန်လည်း

ရှိတယ်။ အစွမ်းတန်ခိုးလည်း ရှိတယ်။
           ယမမင်းက ငရဲမှာသွား ရုံးထိုင်ပြီး စီရင်ချက်တွေချနေတယ်လို့ ဒီလိုထင်တယ်။ ဟောဒီလူဖြင့် ငရဲခံစေ။
ဟိုလူဖြင့် ငရဲကလွတ်စေလို့ ဒီလိုစီရင်ချက်ချတာမျိုးတွေကို သူမလုပ်ပါဘူး။ ကယ်လို့ရမယ့်ပုဂ္ဂိုလ်ကို ကယ်ဖို့ပဲ
သူသွားတယ်။ ငရဲကို တွန်းချတာမျိုး မရှိဘူး။  ကယ်လို့ရတဲ့ပုဂ္ဂိုလ်ကို ကယ်တယ်။ ဘယ်နည်းနဲ့ ကယ်တုန်း
ဆိုရင် ကုသိုလ်ကောင်းမှုကို သတိဖော်ပေးတယ်။ အမှတ်ရစေတယ်။ အမှန်တကယ် ကယ်လိုက်တာက
ကုသိုလ်လုပ်တဲ့ ကုသိုလ်ကံက ကယ်လိုက်တာလို့ပဲ မှတ်ရမယ်။
          နတ်တွေဟာ လူ့ပြည် လူ့ဘ၀ကို အင်မတန်မှ တန်ဖိုးထားတယ်။ ဘာကြောင့် တန်ဖိုးထားကြသလဲ?
လူ့ဘ၀က နတ်ဘ၀ထက် ချမ်းသာလို့ တန်ဖိုးထားတာလား ? မဟုတ်ဘူး။ နတ်တို့ထက် အသက်ရှည်လို့
တန်ဖိုးထားတာလား ? မဟုတ်ဘူး။ နတ်တို့ထက် လူတို့က လှနေလို့ တန်ဖိုးထားတာလား ? မဟုတ်ဘူး။
ဘာအတွက် တန်ဖိုးထားကြသလဲဆိုရင် " ကုသိုလ်လုပ်ခွင့်ရလို့  " တန်ဖိုးထားကြတာပါ။
           ယမမင်းကြီးက ဘာကိုတောင်းတသလဲဆိုရင် ( ၁ ) " အဟော ၀တာဟံ မနုဿတံ လဘေယျံ "
လူ့ဘ၀ကိုရချင်ပါတယ်။ ( ၂ ) လူ့ဘ၀ဖြစ်နေတဲ့အချိန်မှာ ဘုရားပွင့်တဲ့အချိန်နဲ့လည်း ကြုံချင်ပါတယ်။
( ၃ ) ဘုရားပွင့်တဲ့အချိန်မှာ ဘုရားပွင့်ရာ အရပ်မှာ လူဖြစ်ပြီး ဘုရားကို ဆည်းကပ်ကိုးကွယ်ခွင့်
ရချင်ပါတယ်။ ( ၄ )  ဘုရားပွင့်ရာအရပ်မှာ လူဖြစ်ပြီး မြတ်စွာဘုရားက တရားဟောကြားတာကို နာယူ
ချင်ပါတယ်။ ( ၅ )  မြတ်စွာဘုရားက တရားဟောကြားတာကို နာယူကာသိရှိနားလည်ကာ သံသရာ
ဝဋ်ဆင်းရဲမှ လွတ်ငြိမ်းချင်ပါတယ်။
   ဒါကြောင့် တရားချစ်ခင် ဓမ္မမိတ်ဆွေအပေါင်းတို့ကလည်း တရားတော်ကို ကိုယ်စီ ကိုယ်စီ
သဘောကျပြီးတော့ ပုထုဇဉ်ဘ၀ကို လွန်မြောက်ပြီး သောတာပန်၊ သကဒါဂါမ်၊ အနာဂါမ် စတဲ့
ထူးခြားတဲ့ အရိယာပုဂ္ဂိုလ်ဖြစ်အောင် ကျင့်ကြံကြိုးကုတ် အားထုတ်နိုင်ကြပါစေကုန်သတည်း။
 { ၁၃၇၁-ခုနှစ်၊ သီတင်းကျွတ်လဆန်း ၆ ရက်နေ့၊ မုံရွာမြို့၊ နန္ဒ၀န်မြို့သစ်၊ မန်ကျည်းအုပ်တောရ
ကျောင်းတိုက်၊ တာဝတိံသာ ဆုတောင်းပြည့်စေတီတော်မြတ်ကြီး၏ ဗုဒ္ဓပူဇေနိယအကြို ဓမ္မသဘင်
အခမ်းအနားဝယ် ဒေါက်တာ အရှင်နန္ဒမာလာဘိဝံသ ဟောကြားသော " ယမမင်းကြီးရဲ့ ဆန္ဒ "
  တရားတော်မှ ကောက်နုတ်ရေးသား ပူဇော်ပါသည်။   }
  (မှားယွင်းမှုများရှိသော် အစဉ်သနားသောအားဖြင့် သည်းခံခွင့်လွှတ်ပေးပါရန်
                    ဦးခိုက်လျှောက်ထားပါသည် ဆရာတော်အရှင်သူမြတ်ဘုရား)

     ဦးသိန်းဝေ။
           http://www.facebook.com/damanadi.tk
          http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။