_____________________________________________
★"လောက ၌ ဗုဒ္ဓ ပွင့်တော်မူရသည့် အကြောင်းရင်း" ★
_____________________________________________
"လောက မှာ ဘာကြောင့် "ဗုဒ္ဓမြတ်စွာဘုရားရှင်" ပွင့်တော်မူလာရပါသလဲ"
"လောကမှာ "ဗုဒ္ဓ" ပွင့်ပေါ်ဖို့ လိုအပ်လို့ပေါ့"
"ဘာကြောင့် "ဗုဒ္ဓ" ပွင့်ပေါ်ဖို့ လိုအပ်တာလဲ"
"လောက မှာ "ဇာတိ၊ဇရာ၊မရဏ"ဆိုတဲ့ သဘာဝဘေးဒုက္ခကြီးတွေရှိနေတဲ့အတွက် "ဗုဒ္ဓ" ပွင့်ပေါ် ဖို့ လိုအပ်လို့ပေါ့"
"လောက မှာ "ဇာတိ၊ဇရာ၊မရဏ ဆိုတဲ့ သဘာဝဘေးဒုက္ခကြီး" နဲ့ "ဗုဒ္ဓ ပွင့်ပေါ် ရခြင်း" နဲ့ က ဘယ်လို ဆက်စပ်နေလို့လဲ"
ထိုမေးခွန်း ကိုဖြေဆို ရှင်းလင်းရန် ယခု ဓမ္မဆောင်းပါး ကိုရေးသားလိုက်ခြင်းဖြစ်ပါသည်။
(အထက်ပါ မေးခွန်းများ နှင့်အဖြေများမှာ မည်သူမျှ လာရောက် မေးမြန်းခြင်းမဟုတ်ပါ။ ကိုယ့်ဘာသာကိုယ်မေး၍ ကိုယ့်ဘာသာကိုယ် ပြန်ဖြေထားသော အမေးအဖြေများဖြစ်ပါ၏။)
တင်ပြလိုရင်း ကိစ္စ ကို ဆက်ပါမည်။
ထေရ၀ါဒ ဗုဒ္ဓစာပေ ကျမ်းဂန်များ တွင် "ကမ္ဘာ" သည် အမျိုး အစား သည် (၂) မျိုးရှိပါသည်။
(၁)"သုည ကမ္ဘာ" နှင့် (၂) "အသုညကမ္ဘာ" ဟူ၍ ဖြစ်ပါ၏။
("ကမ္ဘာ" နှင့်ကိုင်ပေါက်သည်ဟုတော့မထင်စေချင်ပါ။ တစ်ကယ့်ကို "ကမ္ဘာ" နှင့်ချီ၍ တင်ပြမှသာလျှင် ရှင်းလင်းနားလည်
သွားလိမ့်မည်ဖြစ်သောကြောင့် ဖြစ်ပါ၏။)
ထို "ကမ္ဘာ" (၂)မျိုး၌ "အသုည ကမ္ဘာ" ၌ သာလျှင် "ဗုဒ္ဓ မြတ်စွာဘုရားရှင်" ပွင့်တော်မူ၍ "သုညကမ္ဘာ" များတွင်မူကား "ဗုဒ္ဓမြတ်စွာဘုရားရှင်" မပြောနှင့် "ပစ္စေကဗုဒ္ဓါ" နှင့် "စကြ၀တေးမင်း" များပင် မပွင့်ပေါ်တတ်ပါပေ။
အလွယ်မှတ်ရန်ကား- "ဘုန်းဂုဏ်ကြီးမားသော ပုဂ္ဂိုလ်ထူးများ" မပေါ်ပေါက်တတ်ခြင်းကြောင့် ထို ကဲ့သို့သော"ကမ္ဘာ" မျိုး ကို "သုညကမ္ဘာ" ဟု ခေါ်ဆိုရပါလေ၏။
"အသုညကမ္ဘာ" များတွင်သာ "ဗုဒ္ဓမြတ်စွာဘုရားရှင် ပွင့်ပေါ်တော်မူသည်" ဟု ဆိုငြားသော်လည်း-
တစ်ချို့ သော "အသုညကမ္ဘာ" တွင်ကား (၁)ဆူ သာလျှင်ပွင့်ပေါ်ပါ၏။ထို ကမ္ဘာ မျိုးကို "သာရ ကမ္ဘာ" ဟု ခေါ်ပါ၏။
တစ်ချို့ သော "အသုညကမ္ဘာ" တွင်ကား (၂)ဆူ သာလျှင်ပွင့်ပေါ်ပါ၏။ထို ကမ္ဘာ မျိုးကို "မဏ္ဍ ကမ္ဘာ" ဟု ခေါ်ပါ၏။
တစ်ချို့ သော "အသုညကမ္ဘာ" တွင်ကား (၃)ဆူ သာလျှင်ပွင့်ပေါ်ပါ၏။ထို ကမ္ဘာ မျိုးကို "၀ရ ကမ္ဘာ" ဟု ခေါ်ပါ၏။
တစ်ချို့ သော "အသုညကမ္ဘာ" တွင်ကား (၄)ဆူ သာလျှင်ပွင့်ပေါ်ပါ၏။ထို ကမ္ဘာ မျိုးကို "သာရမဏ္ဍ ကမ္ဘာ" ဟု ခေါ်ပါ၏။
တစ်ချို့ သော "အသုညကမ္ဘာ" တွင်ကား (၅)ဆူ သာလျှင်ပွင့်ပေါ်ပါ၏။ထို ကမ္ဘာ မျိုးကို "ဘဒ္ဒ ကမ္ဘာ" ဟု ခေါ်ပါ၏။
(ဗုဒ္ဓ မြတ်စွာဘုရားရှင် (၅) ဆူ ထက်ပိုပွင့်သော"ကမ္ဘာ" မရှိပါ။)
အထက်တွင်ဆိုခဲ့သလို"အသုညကမ္ဘာ" နှင့် "သုည ကမ္ဘာ" ဟု နှစ်မျိုးနှစ်စားရှိသော်လည်း-
(၁) စတင်ဖြစ်ပေါ်ခြင်း= ဇာတိ
(၂)ဆွေးမြည့် ရင့်ရော်ခြင်း= ဇရာ
(၃) ပျက်စီး သေဆုံးခြင်း= မရဏ …..ဟူသော "သဘာဝဘေးဒုက္ခကြီး" မရှိသော "ကမ္ဘာ" ဟူ၍ကား မရှိပါ။ ထို သဘာဝတရား များသာ လျှင် ရှိသော ကမ္ဘာ ချည်းသာဖြစ်ပါ၏။
ထို့အတူ - သဘာဝဘေးဒုက္ခကြီး ဟူသော "ဇာတိ,ဇရာ,မရဏ" နှင့်ကင်းသော "ကာလ" ဟူ၍ မရှိ။
သဘာဝဘေးဒုက္ခကြီး ဟူသော "ဇာတိ,ဇရာ,မရဏ" နှင့်ကင်းသော "နှစ်" ဟူ၍ မရှိ။
သဘာဝဘေးဒုက္ခကြီး ဟူသော "ဇာတိ,ဇရာ,မရဏ" နှင့်ကင်းသော "လ" ဟူ၍ မရှိ။
သဘာဝဘေးဒုက္ခကြီး ဟူသော "ဇာတိ,ဇရာ,မရဏ" နှင့်ကင်းသော "ရက်" ဟူ၍ မရှိ။
သဘာဝဘေးဒုက္ခကြီး ဟူသော "ဇာတိ,ဇရာ,မရဏ" နှင့်ကင်းသော "နာရီ၊ မိနစ်၊စက္ကန့်" ဟူ၍ မရှိ။
"ကမ္ဘာ" တိုင်း "ကမ္ဘာ" တိုင်း ၊ထို သဘာဝဘေးဒုက္ခကြီး ဟူသော "ဇာတိ,ဇရာ,မရဏ" ရှိနေသည်။
"ကာလ" တိုင်း "ကာလ" တိုင်း ၊ထို သဘာဝဘေးဒုက္ခကြီး ဟူသော "ဇာတိ,ဇရာ,မရဏ" ရှိနေသည်။
"နှစ်" တိုင်း "နှစ်" တိုင်း ၊ထို သဘာဝဘေးဒုက္ခကြီး ဟူသော "ဇာတိ,ဇရာ,မရဏ" ရှိနေသည်။
"လ" တိုင်း "လ" တိုင်း ၊ထို သဘာဝဘေးဒုက္ခကြီး ဟူသော "ဇာတိ,ဇရာ,မရဏ" ရှိနေသည်။
"ရက်" တိုင်း "ရက်" တိုင်း ၊ထို သဘာဝဘေးဒုက္ခကြီး ဟူသော "ဇာတိ,ဇရာ,မရဏ" ရှိနေသည်။
"နာရီ၊မိနစ်၊စက္ကန့်" တိုင်း ၊ထို သဘာဝဘေးဒုက္ခကြီး ဟူသော "ဇာတိ,ဇရာ,မရဏ" ရှိနေသည်။
"ဇာတိ" (စတင်ဖြစ်ပေါ်ခြင်း) ကိုရရှိလိုက်သော မည်သည့် သတ္တ၀ါ မဆို "ဇရာ" (ဆွေးမြည့် ရင့်ရော်ခြင်း) သို့ မလွဲမသွေ
ရောက်ကြရပါ၏။နောက်ဆုံး၌"မရဏ"(ပျက်စီးသေဆုံးခြင်း)သို့လည်းမလွဲမသွေရောက်ရပါသည်။"မရဏ"သို့ရောက်သော်လည်း ဇာတ်မလမ်း က မပြီးသေးချေ။"ဇာတိ" သို့ ပြန်လည် ရောက်ရှိလာပြန်ပါသေးသည်။
ဤသို့လျှင်"ဇာတိ" ပြီး "ဇရာ"။"ဇရာ"ပြီး "မရဏ"။ "မရဏ"ပြီး "ဇာတိ" စသဖြင့် မပြီးနိုင် မဆုံးနိုင်၊ မလွတ်နိုင်၊မထွက်နိုင် အောင် ကြာမြင့် လှပြီးဖြစ်သောကာလ မှစ၍ တလည်လည်၊တပတ်ပတ် ဖြစ်နေကြရပါ၏။
ထို"ဇာတိ,ဇရာ,မရဏ"ဟူသောသဘာဝဘေးဒုက္ခကြီးတို့၏သဘောကိုရိပ်စားမိသော"သံသာရဘီရုက"(သံသရာကို
ကြောက်တတ်သူ)တို့သည် "သံသရာ" မှ ထွက်ပေါက် ကို ရှာကြရတော့၏။ ထို "သံသရာ ထွက်ပေါက်" ကား အခြားမဟုတ် "တရားနာခြင်း"ပေတည်း။
ဤနေရာ၌"တရားနာခြင်း"ဟူသည်မှာတစ်ခြားသောကြားဖူးနားဝရှိနေကြသော"တရားနာခြင်း"မျိုးကိုဆိုလိုသည်မဟုတ်
ကြောင်း သတိချပ်စေချင်ပါ၏။
"ဂုဏ်(၃)ပါး" နှင့် ပြည့်စုံသော တရား မျိုး သာလျှင်ကိုဆိုလိုခြင်းဖြစ်ပါသည်။
"ဂုဏ်(၃)ပါး နှင့် ပြည့်စုံသော တရား"ဟူသည်မှာကား-
(၁) ကြားနာရခါမျှ ဖြင့် ကိလေသာ အပူဓာတ် ငြှိမ်းသတ်စေနိုင်သော"သြပသမိကဂုဏ်"
(၂) ကိလေသာ အပူဓာတ် အပြီးသတ် ငြှိမ်းသတ်စေနိုင်သော"ပရိနိဗ္ဗာနိကဂုဏ်"
(၃) မဂ်ဉာဏ်၊ဖိုလ်ဉာဏ် သို့ ရောက်စေနိုင်သော"သမ္ဗောဂေါမိဂုဏ်" တို့နှင့်ပြည့်စုံသည့် တရားမျိုးကိုသာ ဆိုလိုခြင်းဖြစ်ပါ၏။
ထိုတရားမျိုးကို "သမ္မာသမ္ဗုဒ္ဓ ဘုရားရှင်" တို့မှ တစ်ပါး ၊မည်သူတစ်ဦးတစ်ယောက်ကမျှ စတင် ထုတ်ဖော် ဟောကြားညွှန်ပြတော်မူနိုင်ကြသည် မဟုတ်ပါ။ထို့ကြောင့် "ဇာတိ,ဇရာ,မရဏ" တို့မှ ထွက်မြောက်နိုင်ရေးတွင် ဖော်ပြပါဂုဏ်(၃)မျိုး နှင့် ပြည့်စုံသော တရားမျိုး ဟောကြားတော်မူနိုင်ရန် အတွက် "ဗုဒ္ဓ မြတ်စွာဘုရားရှင်" ပွင့်ပေါ်တော်မူလာရခြင်းပင်ဖြစ်ပါသတည်း။
"ဗုဒ္ဓ မြတ်စွာဘုရားရှင်" က "အင်္ဂုတ္တရနိကာယ်၊ဒသကနိပါတ်၊တယောဓမ္မသုတ်"(စာ-၃၇၀) ၌ ဤသို့ ဟောကြား ညွှန်ပြချက်ဖြင့် ဆောင်းပါး ကိုနိဂုံးချုပ်အပ်ပါ၏။
"ရဟန်း တို့-
လောက၌ ဤ ဆိုလတ္တံသော တရားသုံးမျိုး တို့ မရှိကုန်အံ့။
ပူဇော်အထူးကိုခံတော်မူထိုက်သော၊ သစ္စာလေးပါးကို ကိုယ်တော်တိုင်ထိုးထွင်း၍သိတော်မူသော မြတ်စွာဘုရားသည်
လောက၌ မပွင့်ပေါ်ရာ။
ဘုရားရှင်တို့သာ ဟောကြားမြဲ ဖြစ်သည့် ဓမ္မ၀ိနယ သည်လည်း လောက၌ မထွန်းပ ရာ။
အဘယ် တရား သုံးမျိုး တို့နည်း။
ဇာတိ၊ဇရာ၊မရဏ တို့တည်း။
ရဟန်း တို့-
လောက၌ ထို တရားသုံးမျိုးတို့ စင်စစ် ထင်ရှား မရှိကုန်အံ့။
ပူဇော်အထူးကိုခံတော်မူထိုက်သော၊ သစ္စာလေးပါးကို ကိုယ်တော်တိုင်ထိုးထွင်း၍သိတော်မူသော မြတ်စွာဘုရားသည်
လောက၌ မပွင့်ပေါ်ရာ။
ဘုရားရှင်တို့သာ ဟောကြားမြဲ ဖြစ်သည့် ဓမ္မ၀ိနယ သည်လည်း လောက၌ မထွန်းပ ရာ။
ရဟန်း တို့-
စင်စစ် ဤ တရားသုံးမျိုးတို့ သည် လောက၌ ထင်ရှား ရှိကုန်၏။
ပူဇော်အထူးကိုခံတော်မူထိုက်သော၊ သစ္စာလေးပါးကို ကိုယ်တော်တိုင်ထိုးထွင်း၍သိတော်မူသော မြတ်စွာဘုရားသည်
လောက၌ ပွင့်ပေါ်တော်မူရ၏။
ထို့ကြောင့် ဘုရားရှင်တို့သာ ဟောကြားမြဲ ဖြစ်သည့် ဓမ္မ၀ိနယ သည်လည်း လောက၌ ထွန်းပ လာရတော့၏။"
ရေးသားပြီးစီး။ ။ ၁၃၇၆ခုနှစ်၊၊၀ါခေါင် လဆုတ်(၃)နေ့၊(၁၃-၈-၂၀၁၄)ရက်နေ့၊ဗုဒ္ဓဟူးနေ့-(ည-၁၀း ၀၄)
ချမ်းသာပါကြစေ၊အေးငြိမ်းကြပါစေ၊
သံသရာဝဋ်ဆင်းရဲမှ..လွတ်မြောက်နိုင်ကြပါစေ။
ဘ၀တုသဗ္ဗမင်္ဂလံ
သင့်
ကလျာဏ မိတ္တ
(ကိုညီညီတင်)
(09-445108754)
No comments:
Post a Comment