ကျွန်ုပ်တို့၏ ခန္ဓာကိုယ်...။တစ်လံမျှပမာဏတွင် ၃၂ မျိုးသောရုပ်ဝတ္ထုအင်္ဂါ အစိတ်အပိုင်းများ ပေါင်းစပ်ဖွဲ့စည်းထားခြင်းဖြင့် “လူ”ဟူသောအကောင်အထည်
ပညတ်ရုပ်သွင်ဖြစ်ပေါ်လာရခြင်းဖြစ်သည်.။ အလှတရားဆိုးသည်မှာ အရေပြားတထောက်မျှသာ ဟုရှေးပညာရှိတို့ကဆိုခဲ့ကြပေ
သည်၊ အရေးပြားအောက်တွင်ကာ ရွံ့ရှာဖွယ်ကောင်းသောအင်္ဂါရပ်ကြီးငယ်တို့သည် စက်တစ်ရုံကဲ့သို့တခုနှင့်တခုဆက်စပ်ပြီး
လှုပ်ရှားလည်ပတ်ကာ အသက်ရှင်ရပ်တည်ရေးအတွက် ကိုယ့်တာဝန်ကိုယ်ထမ်းဆောင်ရင်း နောက်ဆုံးပျက်စီးသေဆုံးရပ်ဆိုင်း
ကြရမည့်အချိန်ကို စောင့်ဆိုင်းနေကြရသည်။
ထို ၃၂ မျိုးသောအင်္ဂါအစိတ်အပိုင်းများကို ပါဋ္ဌိလို ၃၂ကောဋ္ဌာသဟုလည်းခေါ်လေသည် ၎င်းအင်္ဂါအစိတ်အပိုင်းတို့၏အမည်ကို
တခုခြင်း ဖေါ်ပြရလျှင်........။
(၁)ဆံပင်၊ (၂)အမွှေး၊ (၃)ခြေသည်းလက်သည်း၊ (၄)သွား၊ (၅)အရေပြား၊ (၆)အသား၊ (၇)အကြော၊ (၈)အရိုး၊ (၉)ရိုးတွင်းခြင်ဆီ၊
(၁၀)ကျောက်ကပ်၊ (၁၁)နှလုံး၊ (၁၂)အသည်း၊ (၁၃)အမြှေး၊ (၁၄)သရက်ရွှက်၊ (၁၅)အဆုတ်၊ (၁၆)အူမ၊ (၁၇)အူသိမ်၊
(၁၈)အစာသစ်၊ (၁၉)အစာဟောင်း၊ (၂၀)ဦးဏှောက်၊ (၂၁)သည်းခြေ၊ (၂၂)သလိပ်၊ (၂၃)ပြည်၊ (၂၄)သွေး၊ (၂၅)ချွေး၊
(၂၆)အဆီခဲ၊ (၂၇)မျက်ရည်၊ (၂၈)ဆီးကြည်၊ (၂၉)တံတွေး၊ (၃၀)နှပ်၊ (၃၁)အစေး၊ (၃၂)ကျင်ငယ် ....ဟူ၍ခွဲခြားထားသည်.။
ထို ၃၂ ကောဋ္ဌာသ အစိတ်အပိုင်းတို့သည် သူ့ချည်းသက်သက်အားဖြင့် ရုပ်သဘောမျှသာဖြစ်၍မရပ်တည်နိင်ပေ၊ ခန္ဓာကိုယ် ရှင်သန်ရေးလုပ်ငန်းများကို လှုပ်ရှားဆောင်ရွက်နိင်ရန် ကံ၊ စိတ်၊ ဥတု၊ အာဟာရ၊ ဟူသောအကြောင်းတရားများက ထောက်ပံ့ အားပေး
ထားသည်၊ အကြောင်းတပါးပါး ချို့ယွင်းချို့တဲ့ ခန္ဓာကိုယ်ဖွဲ့စည်းပုံသည်ပုံမှန်မဟုတ်တော့ဘဲ ကိုယ်လက်မအီမသာ၊ ရောဂါဝေဒနာများ
ဖြစ်ပေါ်လာရတော့သည်...။
ထိုသို့ ၃၂ကောဋ္ဌာသ ကိုယ်လက်အင်္ဂါအစိတ်အပိုင်းများ ရှင်သန်လှုပ်ရှားနိင်ရန် ထောက်ပံ့ပေးထားသော အကြောင်းတရားလေးပါးကို
အနည်းငယ်တင်ပြရလျှင်...။
(ကံ)
ကံဟူသော ပြုပြင်မှုအလုပ်အကြောင်းတရားက ရုပ်အင်္ဂါများကို အဟောင်းပျက်၍ အသစ်ဖြစ်ပေါ်စေပြီး ဆက်လက်ရပ်တည်နိင်ရန်
အစဉ်အဆက်မပြတ်လုပ်ဆောင်ပေးနေရသည်..။
(စိတ်)
စိတ်ဟူသော နာမ်တရားကလည်း ခံစားတတ်သောအသိ၊ မှတ်သားတတ်သောအသိ၊ ဆင်ခြင်ပြုပြင်တတ်သောအသိ၊ သိတတ်သော အသိ
များဖြင့် ထိန်းချုပ်ကာ သင့်လျော်မည့်အပြုအမူများကို ဆောင်ရွက်စေသည်...။
(ဥတု)
ဥတုဟူသောပတ်ဝန်းကျင် သဘာဝအခြေအနေသင့်လျော်မှုကလဲ (ကိုယ်တွင်းကိုယ်ပ) အပူအအေးဓါတ်များထိန်းညှိကာ ရုပ်ခန္ဓာများအဆင်ပြေပြေ
အသက်ရှင်လှုပ်ရှားနိင်ရေးအတွက် စီမံပေးသည်၊ ဥတုဖောက်ပြန်ပါကရုပ်ခန္ဓာများ ပင်ပန်းဆင်းရဲမည်၊ ဥတုမျှတမှသာလျှင် ရုပ်ခန္ဓာသည်
ရှင်သန်းလန်းဆန်းနိင်ပေမည်။
(အာဟာရ)
အာဟာရသည်လည်း ၃၂ ပါးသောရုပ်ဝတ္ထုများနှင့် ၎င်းတို့ကိုဖွဲ့စည်းထားသော ကလပ်စည်း(cell) များရှင်သန်တိုးပွားရေးအတွက်၊ အထူးအဓိက ကျသောအရာဖြစ်သည်၊ အာဟာရဟူသည် ခွန်အားကိုဖြစ်စေသော၊ ရှေးရှုဆောင်သော၊ အစားအစာဟုအဓိပ္ပါယ်ရပြီးအာဟာရအထောက်အပံ့သာမရလျှင်
မည်သည့်ရုပ်ကလပ်စည်းမှ အသက်ရှင်ရပ်တည်ရန်မဖြစ်နိင်ပေ၊
ရုပ်ရှင်သန်ရန်အာဟာရစားသုံးရသကဲ့သို့ နာမ်(စိတ်)သည်လည်း အချိန်မလပ်အာဟာရသုံးဆောင်မီဝဲနေရသည်ကို သတိပြုမိသူနည်းပါးလှပေသည်
သတိမပြုမိ၍ပင် စိတ်အာဟာရကို ဂရုတစိုက်စီစဉ်ဖြည့်ဆည်းပေးခြင်းမရှိသောကြောင့် စိတ်ပင်ပန်းနွမ်းနယ်ခြင်း စိတ်ဆင်ရဲပူပန်ခြင်းများကို နေ့စဉ်
ခံစားနေကြရပေသည်...။
MY BODY
B irth----------------------မွေးဖွား.....။
O ld-age-----------------အိုမင်း.......။
D isease------------------နာ...........။
mortalit Y..............................သေ..........။
(ဤဘလော့လေးရေးသား တင်ပြရခြင်းမှာ လွန်ခဲ့သောနှစ်ပေါင်း(၂၆၀၀) ခန့်မှဆေးပညာပင်ကောင်းစွာမထွန်းကားသောအချိန်က မြတ်ဗုဒ္ဓ၏ လူဟူသည်မှာ
၃၂ ကောဋ္ဌာသနှင့်ဖွဲ့စည်းထားပုံ ကိုဟောကြားလမ်းညွှန်ပြသခဲ့၍ ဘုရားဂုဏ်တော်ကိုယခင်ကထက်ပိုမို ယုံကြည်မှု သဒ္ဓါတရားပွားများစေရန်လည်ကောင်း၊
စပါးလုံးတထောက်စာမျှပင်မရှိသော အရေပြားအောက်တွင် ရွံ့ရှာဖွယ်အင်္ဂါကြီးငယ်တို့ ပေါင်းစပ်ပါဝင်ဖွဲ့စည်းထားသည်ကို ကောင်းစွာသိရှိပြီး တနေ့တနေ့ယို့ယွင်းပျက်စီးနေသောမတည်မြဲသည့်( အနိစ္စ သဘော...)၊ သွေး၊ သလိပ်၊ ပြည်၊ ကျင်ငယ်၊ စသည်တို့သယ်ဆောင်သွားလာနေရသောဒုက္ခ၊
နာကျင်ခံစား၊ ဆာလောင်မွတ်သိပ်တောင်းတရသောဆင်းရဲသည့်( ဒုက္ခသဘော...။) ငါချောသည်၊ ငါလှသည်ဟုပင် မဆိုထားဘိ ငါဆိုသည်မှာ ၎င်း၃၂
ကောဋ္ဌာသ အတွင်းဘယ်မှာရှာလို့မရ အစိုးမရ မပိုင်ဆိုင်နိင်သည့် (အနတ္တသဘော) တို့ကို သတိ သံဝေဂ အနည်းငယ်မျှ ရစေရန်၎င်းမေတ္တာ၊ စေတနာဖြင့်
တင်ပြလိုက်ပါသည်။)
ကျမ်းကိုး။ ။ ဓမ္မစက္ကဦးမောင်မောင်ရေးသော သုဒ္ဓ၀ိပဿနာရှုမှတ်နည်း စာအုပ်မှမှီငြိမ်းရေးသားပါသည်..။
No comments:
Post a Comment