လောသကတိဿသည် သာဝတ္ထိမြို့ထဲတွင်လှည့်လည်တောင်းသော်လည်း ရှေးယခင်ဘဣဿာ
မစ္ဆရိယဓာတ်ခံကြောင့် ပေးမည့်ကျွေးမည့်သူ တစ်ယောက်မျှ မရှိပေ။ အိမ်နောက်ဖေးတွင်အိမ်ရှင်မများ
လှမ်းပက်ထားသော အိုးဆေးရေ ခွက်ဆေးရေများထဲမှ တမင်းစေ့ကလေးများကို တစ်စေ့ချင်း လိုက်
ကောက်စားကာ အသက်ဆက်ရရှာ၏။
တစ်နေ့တွင် အရှင်သာရိပုတ္တရာက တွေ့ပြီး ရှင်သာမဏေ ၀တ်ပေးလိုက်၏။
ထိုမှတစ်ဆင့် ရဟန်ဘ၀သို့ ရောက်ကာ ရဟန္တာပင် ဖြစ်သွားလေ၏။ ရဟန္တာ
ဖြစ်သွားသော်လည်း ဆွမ်းတစ်နပ်မျှ ၀အောင်မစားရပေ။
ရဟန်းငါးရာ အတူတူ ဆွမ်းခံစီတန်းကြွရာ၌ သူ့အလှည့်ရောက်လျှင်
ဆွမ်းလောင်းမည့်သူ၏ ဆွမ်းအုပ်ထဲမှ ဆွမ်းများသည် ပျောက်သွားကြ၏။
သူ့အလှည့်ကျော်ပြီး နောက်တစ်ပါးအလှည့်ရောက်မှ ဆွမ်း
အုပ်ထဲမှ ဆွမ်းများသည် ပြန်ပေါ်လာ၏။ ထိုကဲ့သို့သော အဖြစ်ဖြင့် “လောသကတိဿ မထေရ်”
ရဟန္တာဖြစ်သော်လည်း ဆွမ်းတစ်နပ်မှ ၀အောင် မဘုဉ်းပေးရခြင်း ဖြစ်၏။
အဟာရ မမျှတမှုကြောင့် “လောသကတိဿ မထေရ်” သည် အသက်အရွယ်
ငယ်ငယ်မှာပင်
ပရိနိဗ္ဗာန် စံရမည့်နေ့သို့ ရောက်ခဲ့၏။ အရှင်သာရိပုတ္တရာသည် သူ့တပည့်ကို ပရိနိဗ္ဗာန်
စံမည့်နေ့တွင် ဆွမ်း
တစ်နပ်တော့ ၀အောင်ဘုဉ်းပေး သွားပါရစေဟူသော စေတနာဖြင့် လောသကတိဿမထေရ်ကို
ခေါ်ကာ
နှစ်ပါးအတူ ဆွမ်းခံသွားကြ၏။
အံ့သြစရာ ကောင်းပေစွ။ “လောသကတိဿမထေရ်” ပါသောကြောင့်
အဂ္ဂသာဝကဖြစ်သော
အရှင်သာရိပုတ္တရာကိုပင် ဆွမ်းလောင်းမည့်သူ တစ်ယောက်မျှ မရှိတော့ပေ။ ထိုကြောင့်
လောသကတိဿ
မထေရ်ကို ကျောင်းပြန်ခိုင်းပြီး တစ်ပါးတည်း ဆွမ်းခံကြွရ၏။ တစ်ပါးတည်း
ပြန်ကြွသောအခါတွင်ကား
လောင်းလှူမည့်သူများ ပုံထပ်နေ၏။
အရှင်သာရိပုတ္တရာက ကျောင်းသို့ ဆွမ်းစားအမီ ပြန်ကြွမည်ပြုရာ ဒကာ၊ ဒကာမများက
အိမ်မှာ
ပင် ဆွမ်းဘုဉ်းပေးခိုင်းပြီး “လောသကတိဿမထေရ်” အတွက် သပိတ်ထဲတွင်
ဆွမ်းဘောဇဉ်အဟာရများ
ထည့်၍ ဒကာတစ်ယောက်အား ကျောင်းသို့အပို့ ခိုင်းလိုက်၏။ ဒကာသည်
“လောသကတိဿမထေရ်” ကို
မေ့လျော့ကာ ဆွမ်းခဲဖွယ်များကို လမ်းမှာပင် စားပစ်လိုက်၏။
အရှင်သာရိပုတ္တရာ ကျောင်းသို့ ပြန်ရောက်သောအခါ ဆွမ်းစားကျောင်းဆောင်ထဲတွင်
တစ်ပါး
တည်း ထိုင်စောင့်လျက် ရှိသော “လောသကတိဿမထေရ်” ကို တွေ့ရသဖြင့် မေးမြန်းရာ
ဆွမ်းမသုံးရ
သေးကြောင်း သိသွား၏။ နေကိုကြည့်သောအခါ မွန်းလွဲသွားပြီ ဖြစ်ကြောင်း တွေ့ရ၏။
ထို့ကြောင့် သပိတ်
ပိုက်ပြီး ကောသလမင်းကြီး၏ နန်းတော်ထဲသို့ သွားရပ်၏။
မွန်းလွဲနေပြီ ဖြစ်သောကြောင့် ကောသလမင်းကြီးက ညပိုင်းတွင်
သုံးဆောင်မှီဝဲရသော စတုမဓု
ဆေးများကို လောင်းလှူလိုက်၏။ အရှင်သာရိပုတ္တရာ မထေရ်မြတ်ကြီးသည် ကျောင်းသို့
အလျင်အမြန်
ပြန်ကြွလာကာ စတုမဓုသပိတ်ကို ပိုက်ထားပြီး “လောသကတိဿမထေရ်” အား
လက်ဖြင့်နှိုက်ယူကာ
ဘုဉ်းပေးစေ၏။ “လောသကတိဿမထေရ်” လက်ထဲ သပိတ်ကိုထည့်ပေးလိုက်လျှင်
စတုမဓုများ ပျောက်
သွားမည် စိုးသောကြောင့် ကိုယ်တော်တိုင် သပိတ်ကို ပိုက်ထားခြင်း ဖြစ်၏။ ထိုစတုမဓုကို
ဘုဉ်းပေးပြီး
ပရိနိဗ္ဗာန် ၀င်စံရ၏။ ။
ဒါကြောင့်မို့ မိမိတို့တစ်တွေလည်း ဣဿာ၊ မစ္ဆရိယ ကင်းစွာဖြင့်
စားဝတ်နေရေးအတွက် သွားလာ ရုန်းကန်ရင်း ကိုယ့်ထက်သာတဲ့သူအပေါ်
ဝမ်းမြောက်ဝမ်းသာ မုဒိတာ ဖြစ်ပြီး ကိုယ့်အောက်နိမ့်သူအပေါ် သနား ဂရုဏာ ထားနိုင်ကာ
တစ်ဆင့်ပြီးတစ်ဆင့် ရရောက်နိုင်တဲ့ မဂ်ဉာဏ်၊ ဖိုဉာဏ် နိဗ္ဗာန်ကို မျက်မှောက်ပြု
ခံစားနိုင်ကြတဲ့ သူတော်ကောင်းတွေ ဖြစ်ကြပါစေ။ ။
{မေတ္တာရှင်(ရွှေပြည်သာ) ၏ မေတ္တာဖြင့်စီးပွားရှာခြင်းမှ ကောက်နုတ်ရေးသားပါသည်။}
———————————————————————————————–
———-
“အဓိဌာန်”
========
ငါ့တွက်များမြောက် ချမ်းသာရောက်ဖို့
ခုလောက်ကြိုးကုတ် အားမထုတ်ဘူး
ဗုဒ္ဓ မြတ်စွာ သာသနာ၏
ရှည်စွာအဓွန့် ရောင်လျံကွန့်ဖို့
စွန့်စွန့် စားစား ငါကြိုးစားသည်
စိတ်ထား ငါ့မှာ အမြဲတည်း။ ။
(ဆရာတော် အရှင်ဇနကာဘိဝံသ)
No comments:
Post a Comment