ဘုရားအလောင်းတော်ဇောတိပါလ။

        ကဿပမြတ်စွာဘုရား လက်ထက်မှာ ဂေါတမ ဘုရားအလောင်းဟာ ဇောတိပါလ
ဆိုတဲ့ ( ဗြာဟ္မဏ) ပုဏ္ဏား ဖြစ်ခဲ့ပါတယ်။ အဲဒီဗြာဟ္မဏတွေဟာ ပညာတတ်တွေ ဆိုတော့
သူတို့ကိုယ်သူတို့ သိပ်အထင်ကြီးကြတယ်၊ မာနကြီးကြတယ်၊ ဘယ်သူ့ကိုမှ ဦးညွတ်ခြင်း၊
လေးစားခြင်း မရှိကြပါ။

         သို့သော် သူ့မှာ အင်မတန်ရင်းနှီးတဲ့ ဃဋိကာရဆိုတဲ့ အိုးထိန်းသည်ကြီး သူငယ်ချင်း
တစ်ယောက်ရှိပါတယ်။ အဲဒီ- ဃဋိကာရဆိုတဲ့ အိုးထိန်းသည်ဟာ ကဿပမြတ်စွာဘုရားနဲ့
အလွန့်ကိုရင်းနှီးတဲ့ မိတ်ဆွေကြီး တစ်ယောက်ဖြစ်ပါတယ်။ ဃဋိကာရ အိုးထိန်းသည်ကြီးက
မျက်စိနှစ်ကွင်းအလင်းမရတဲ့ မိဘနှစ်ပါးကို ပြုစုနေတာ ဖြစ်ပြီး သူကိုယ်တိုင်က အနာဂါမ်ကြီး
ဖြစ်ပါတယ်။
          ဇောတိပါလက- ဘုရားအလောင်း ဖြစ်ပေမယ့်လို့ ကဿပဘုရားကို အထင်ကြီးခြင်း၊
ကြည်ညိုလေးစားခြင်း မရှိပါ။ တစ်နေ့ကျတော့ ဃဋိကာရက- ဇောတိပါလကို ခေါ်တယ်၊
“သူငယ်ချင်း - ဘုရားကျောင်းတော်က ဒီနားတင်ပဲ သွားရအောင်” ဆိုတော့ ဘာပြန်ပြောသ
လဲ ဆိုတော့ “ဒီ ခေါင်းတုံးယုတ်တွေဆီ ဘာလို့သွားမှာ တုန်း၊ မသွားချင်ဘူး” လို့ ငြင်းပယ်
တယ်။ ဒါနဲ့ ဃဋိကာရက “ဘုရားကျောင်း မသွားချင်ရင်တို့ ရေချိုးသွားရအောင်” ဆိုတော့
ဘုရားအလောင်းတော်က အလွယ်ကလေး လိုက်သွားပါတယ်။
          ရေချိုးပြီးတော့ ထပ်ပြီးတော့ ခေါ်ပြန်တယ်။ “သူငယ်ချင်း-ဘုရားကျောင်းသွားရ
အောင်၊ ဒီနားလေးပဲ နီးနီးလေး” ဆိုတော့လည်း ခေါ်လို့မရဘူး။ မရတဲ့ အခါကျတော့ ပုဆိုးစ
ဆွဲပြီးတော့ ခေါ်ပါတယ်၊ ခေါ်တဲ့ အခါကျတော့ ရုန်းပြီးတော့ မလိုက်ဘူးပဲ ငြင်းပါတယ်။
ဃဋိကာရအိုးထိန်းသည်က အင်မတန်မှ ခွန်အားဗလ ကောင်းတယ်၊ မလိုက်လိုက်အောင်
ခေါ်တော့မယ်လို့ သူကဆုံးဖြတ်ပြီး အဲဒီ ဇောတိပါလရဲ့သျှောင်ကို ဆွဲကိုင်တယ်၊ “သူငယ်ချင်း၊
ဘုရားကျောင်းက ဒီနား နီးနီးလေးရယ် သွားရအောင်” လို့ ထပ်ခေါ်ပါတယ်၊ 
         ဘုရားအလောင်းဆိုတာ စိတ်ကောင်းတော့ အင်မတန်ရှိပါတယ်။ “ဃဋိကာရလို အောက်
တန်းကျတဲ့ လူက ငါ့ရဲ့ မွန်မြတ်တဲ့ဆံပင်ကို ကိုင်တယ်ဆိုတာ ဒီ- ကဿပ ဘုရားနဲ့တွေ့ဖို့ အ
လွန် အရေးကြီးလို့ ဖြစ်ကောင်းဖြစ်လိမ့်မယ်”၊ “သူငယ်ချင်း၊ ငါ့ဆံပင် မကိုင်နဲ့၊ လွှတ်လိုက်၊ ငါ
ဘုရားကျောင်း လိုက်ခဲ့မယ်” တဲ့၊
         ဒါနဲ့ ကဿပမြတ်စွာဘုရားထံ လိုက်သွားတယ်၊ ဟိုလည်းရောက်ရော ကဿပဘုရားက
တရားဟောပါတယ်၊ တရားနာလည်းပြီးရော တရားပွဲက ထ,လာပြီး ကျောင်းတော်က ဆင်းလာ
တဲ့အခါ ဇောတိပါလလုလင်က ဃဋိကာရကို ပြောတယ်၊ “သူငယ်ချင်း၊ မင်း-ဒီတရားတွေ နာနေ
ပြီးတော့ ဘာလို့ ဘုန်းကြီး မ၀တ်တာလဲ” ဆိုတော့ ဃဋိကာရအိုးထိန်းသည်ကပြောတယ်၊
“မင်းမြင်တဲ့အတိုင်းပဲ၊ ငါ့မှာက မိဘနှစ်ပါးကို ပြုစုနေရတာ၊ ဘယ်မှာ သင်္ကန်းဝတ်လို့ရမှာလဲ”
ဆိုတော့ ဇောတိပါလက “ဒီလိုတရားမျိုး နာရမှတော့ ငါ လူ့ဘ၀မှာ မနေတော့ဘူး၊ သင်္ကန်းဝတ်
တော့မယ်” ဆိုပြီး ချက်ချင်း သင်္ကန်းဝတ်သွားပါတယ်။
         ဘုရားအလောင်းတွေက အယူဝါဒတစ်ခု လက်ခံပြီဆိုရင် ချက်ချင်းလက်ခံတယ်။ ဒါ့ကြောင့်
ကဿပဘုရားထံမှာ သင်္ကန်းဝတ်သွားပါတယ်။  ဘုရားအလောင်းပင် ဖြစ်စေကာမူ ဘုရားနဲ့တွေ့
ပေမယ့်လို့ ကြည်ညိုချင်မှ ကြည်ညိုတာ၊ ဘာဖြစ်လို့ ဒီလိုဖြစ်ရတာလဲ ဆိုတော့ ဗြာဟ္မဏဆိုတဲ့
အသိုင်းအ၀ိုင်းမှာ လူဖြစ်သည့်အတွက်ကြောင့် သူတို့ကိုယ်သူတို့ အလွန်မာနကြီးပြီး ဘုရားကို
ကြည်ညိုလေးစားမှု သဒ္ဓါစိတ် ပျောက်သွားတတ်ကြပါတယ်။
         ဒါကြောင့် တို့တစ်တွေဟာ သောတာပန် မဖြစ်သေးသမျှ ကာလပတ်လုံး ကိုယ့်ကိုယ်ကို
အထင်ကြီးစရာအကြောင်း မရှိပါ။ နောင် ဘ၀တစ်ခု ရောက်သွားတဲ့အခါ ပတ်ဝန်းကျင်ကို မလွန်
ဆန်နိုင်သည့်အတွက်ကြောင့် ဒီဘ၀ ဗုဒ္ဓဘာသာ ဖြစ်ပေမယ့် နောင်ဘ၀မှာ ဗုဒ္ဓဘာသာဖြစ်ချင်မှ
ဖြစ်ပါမယ်။ ဒါကြောင့် ကိုယ့်ရဲ့အသိဉာဏ်ကို ခိုင်မာအောင် ကြိုးစားသင့်ပါတယ်။
         ဒါကြောင့် တရားချစ်ခင် သူတော်စင် ဓမ္မမိတ်ဆွေအပေါင်းတို့ကလည်း သောတာပတ္တိမဂ်
သောတာပတ္တိဖိုလ် ဆိုတဲ့ ဒီအသိဉာဏ်မျိုးကို မရသေးသမျှ တို့တတွေဟာ အင်မတန်ကြီးလေးတဲ့
ပြစ်မှုကြီးတွေကိုလည်း ကျူးလွန်မိကောင်း ကျူးလွန်မိကြပါလိမ့်မယ်။ ပုထုဇဉ်ဘ၀ဟာ အလွန်တ
ရာ အပြစ်ကြီးလှပါလား” လို့ ကိုယ်စီ ကိုယ်စီသဘောပေါက် နားလည်ပြီးတော့ ပုထုဇဉ်ဘ၀ကို
လွန်မြောက်ပြီး သောတာပန်၊ သကဒါဂါမ်၊ အနာဂါမ် စတဲ့ ထူးခြားတဲ့ အရိယာပုဂ္ဂိုလ်ဖြစ်အောင်
ကျင့်ကြံကြိုးကုတ် အားထုတ်နိုင်ကြပါစေ ကုန်သတည်း။
 { ၁၃၇၁-ခုနှစ်၊ နတ်တော်လပြည့်ကျော် (၉)ရက်နေ့၊ ရန်ကုန်တိုင်းဒေသကြီး၊ ကြို့ကုန်းအရှေ့
တရားပွဲ ဖြစ်မြောက်ရေး အကျိုးဆောင်အဖွဲ့၏ ဒုတိယအကြိမ် ဆင်ယင်ကျင်းပပြုလုပ်အပ်သည့်
ဓမ္မပူဇာအခမ်းအနားဝယ် ဒေါက်တာ အရှင်နန္ဒမာလာဘိဝံသ ဟောကြားသော ဖြစ်နိုင်တာ နှင့်
မဖြစ်နိုင်တာ တရားတော်မှ ကောက်နုတ်ရေးသား ပူဇော်ပါသည်။   }
  (မှားယွင်းမှုများရှိသော် အစဉ်သနားသောအားဖြင့် သည်းခံခွင့်လွှတ်ပေးပါရန်
                    ဦးခိုက်လျှောက်ထားပါသည် ဆရာတော်အရှင်သူမြတ်ဘုရား)

      ဦးသိန်းဝေ။
            https://www.facebook.com/thein.wai.167
           http://www.facebook.com/damanadi.tk
          http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။