၁၁၄၆-ခု၊ ဘိုးတော်မင်းတရားလက်ထက် ထုတ်ပြန်သော ဂရုဓမ္မ အမိန့်တော်ပြန်တမ်း။

        
                     *** “ ဂရုဓမ္မ အမိန့်တော်ပြန်တမ်း ” ***
    * ပြည်သူ လူတကာ သတ္တ၀ါအပေါင်းတို့.... ယခု ၀ါဆိုလရောက်ပြီ။ သူ့အသက်ကိုသတ်ခြင်း၊
သူ့ဥစ္စာကို ခိုးခြင်း၊ သူ့အိမ်ယာကို ပြစ်မှားခြင်း၊ မဟုတ်မမှန်သောစကားကို ဆိုခြင်း၊ သေရည်
သေရက်ကို သောက်ခြင်း၊ ဤ တရားငါးပါးကို မကြဉ်မရှောင် ပြုကုန်သော သူတို့သည် “  ငရဲ၊

တိရစ္ဆာန်၊ ပြိတ္တာ၊ အသူရကာယ် ” အပါယ်လေးဘုံ၌ တလူးလာလာ နစ်မွန်း ကုန်ရာသည်။
       တရားငါးပါးကို ကြဉ်ရှောင်၍ အလှူပေးခြင်း၊ သီတင်းသီလဆောက်တည်ခြင်းကို ပြုသော
သူတို့သည် လူမင်း၊ နတ်မင်းစည်းစိမ်ကို ခံစားရ၍ နတ်ရွာ၊ နိဗ္ဗာန်ချမ်းသာသို့ ရောက်ရာသည်ကို
အသင့်နှလုံးသွင်းလျက် သရဏဂုံသုံးပါး၊ ပဉ္စသီငါးပါး၊ အဌသီရှစ်ပါးတို့ကို မပြတ်ဆောက်တည်
ကြကုန်။
         ၀ါဆိုလပြည့် ထုတ်ပြန်သော အမိန့်တော်ကို သက္ကရာဇ် ၁၁၄၆ -ခု၊ ၀ါဆိုလဆန်း (၅)ရက်
နေ့၊ ရွှေပြည်တော် မြို့တွင်း၊ မြို့ပြင် လှည့်၍ ဖတ်မြဲဖတ်စေ။
         ရွှေပြည်တော် မြို့တွင်း၊ မြို့ပြင် အရပ်ခေါင်း၊ သွေးသောက်ကြီး၊ သွေးဆော်တို့ကိုလည်း
စီရင်စု အရပ်သားတို့ကို ပဉ္စသီငါးပါး၊ အဌသီရှစ်ပါးစသော အလှူပေးခြင်းများကို တိုး၍ ကျင့်
ဆောင်လှူဒါန်းရမည့် အကြောင်းနှင့် မှတ်စာအပ်၍ ကျင့်ဆောင်နိုးဆော်ကြစေ။*
        -----------------------------------------------------------------------------------
         ဂရုဓမ္မအမိန့်တော် ပြန်တမ်းကြီးကို မင်္ဂလာဆင်တော်နှင့်တင်၍ မြို့ လေးပြင်လေးရပ်
လှည့်လည်ပြန်ကြားရသည်။ ဂရုဓမ္မ အမိန့်တော်ပြန်တမ်းကြီးကို လွှတ်တော်အရာရှိ ရွှေနားခံ
တော်ကြီးက ပြန်ကြားရသည်။ ရွှေနားခံတော်ကြီးမှာ မင်းပေးကတ္တီပါနီဝတ်လုံကို ၀တ်ဆင်လျက်
မင်္ဂလာဆင်ပေါ်တွင် ဆင်ဗောင်းဝန်းအထွက် ရွှေချတင်သော အပေါ်၌ အဆိုပါ ဂရုဓမ္မ အမိန့်
တော်ပြန်တမ်း ပုရပိုက်ကို ဦးသုံးကြိမ်တိုက်လျက် လမ်းလေးဆုံ ပြကြီးအလယ်၌ ဆင်တော်ပေါ်
မှနေပြီး ဖတ်ရလေသည်။
          လူငါးဆယ် ထမ်းရသော တရားစည်ကြီးကိုလည်း တီးရသည်။ လက်ဝဲ လက်ယာတပ်
ဝင်းခင်း၍ ရှေ့ဖျား စမြောင် သိုင်း ကိုင် မောင်း လက်ဝဲလက်ယာ သုံးလုံးစီ တီးခတ်ရသည်။ ကြီး
စွာသော ရွှေမောင်းကြီးကိုလည်း တီးရသည်။ မြို့ဝန်၊ ထောင်မှူး၊ မြို့စာရေးစသော ရာဇ၀တ်ရုံး
တော် အရာရှိအပေါင်း၊ တရားရုံးတော် အရာရှိအပေါင်းတို့လည်း ခေါင်းပေါင်းဖြူ ဖော့လုံးသိုရင်း
အင်္ကျီ ရွှေစလွယ်ဆင်၍ အခမ်းအနားနှင့် ဆင်တော်နောက်မှ လိုက်ပါကြရသည်။
 ( ၁၁၄၆ -ခု၊ ၀ါဆိုလဆန်း (၁) ရက်နေ့တွင် ဤ အမိန့်တော်ပြန်တမ်းကို နာခံတော်က ပြန်ဆို
   ရေးသားသည်။ ၁၁၄၆ -ခု၊ ၀ါဆိုလပြည့်နေ့တွင် ဘုရင့်ရွှေလွှတ်တော်က အတည်ပြုထုတ်ပြန်
   သည်။ နှစ်စဉ် ၀ါဆိုလဆန်း (၅) ရက်နေ့ရောက်တိုင်း ဂရုဓမ္မ အမိန့်တော်ပြန်တမ်းကို ဆင်ပေါ်
   တင်၍ လှည့်လည်ဖတ်ကြားရသည်။ )[ဆရာကြီးဦးဆန်းထွန်းက ကျေးဇူးပြုပါသည်။]
   {နိုင်ငံတော် သံဃမဟာနာယကအဖွဲ့ သင်တန်းနည်းပြဆရာတော် ဦးပညာသာမိ(မာဂဓီ-
   သာစည်) ၏ အခါတော်နေ့များ မှ ကောက်နုတ်ရေးသားပါသည်။ }
   ဦးသိန်းဝေ။
       http://www.facebook.com/damanady.tk
          http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။
----------------------------------------------------------------
 “ ကြီးမြတ်သူတို့ နေရာ ”
 ===============
ကြီးမြတ်သူ ဟူမျှတို့
ယူကြသည့် မြတ်နေရာ။
ရှောင်တခင် ခုချက်ချင်း
လျှင်းမရပါ။
များသူတို့ အိပ်နေရာ
ညခါပင် သူမနား
အမြင့်ကို သူမြင်လို့
သူအစဉ် နှစ်ဆတိုးလို့ရယ်
ကြိုးကုတ်လေသား။ ။
(ပြည်တွင်းပြည်ပ သာသနာပြု ဘာသန္တရစွယ်စုံပညာရှင် အရှင်ဉာဏိက)