"တစ်မတ် ကို တန်ဖိုးရှိတယ် ထင်နေသူများ"
"လွယ်တိန်ခမ်း"တောင်ပေါ်ဘုရား မှအပြန် မိတ်ဆွေ တစ်ဦးအိမ်သို့ရောက်ဖြစ်ခဲ့ပါသည်။အိမ်ထဲဝင်သည်နှင့် စိတ်ဆင်းရဲ
စရာ နှင့်ကြုံရ၏။
"ဟာ-အတော်ဘဲ ထမင်းစားပြီးမှ ပြန်၊ဒီနေ့ (လပြည့်နေ့)လေ။ ပြည့်ပြည့်၀၀လေးဖြစ်အောင်လို့ (ပွဲထိုး)နေတာ"
ဗုဒ္ဓေါ။ "လပြည့်နေ့" မို့ ပြည့်ပြည့်၀၀ဖြစ်အောင် "ပွဲထိုး"နေတာ တဲ့။"အုန်းပွဲ,ငှက်ပျောပွဲ"က လေးငါးပွဲ။အုန်းလက်တွေ၊တံခွန်
ကုက္ကားတွေကလည်းပါလိုက်သေး။"နတ်ကတော်မိန်းမကြီး"က"ကိုးမြို့ရှင်"ကိုယ်တော်ကြီးထံတွင်"ဆု"တွေတသီကြီး
"ဘုရားကျောင်းဆောင်"လှမ်းကြည့်လိုက်တော့လက်ဖ၀ါးလောက်"ပန်းကန်ပြားကလေး"ပေါ်မှာ"ထမင်းအဖြူ"နှင့်"ဗယာ
ကြော်"ကလေးတစ်ခုသာတင်ထားသည်။"ဘုရားပန်း"တွေကညိုးခြောက်လျှက်။"ဆီမီး"ဆိုသည်မှာဝေလာဝေး။
ရော် - "လပြည့်နေ့"မို့ ပြည့်ပြည့်၀၀ ဖြစ်ချင်လျှင်"ဘုရား"ကို "ပန်းကလေး"တစ်ပွင့်လောက်ဖြစ်စေ တင်လှူလိုက်ပါလားဟု
စိတ်ထဲက တွေးမိ၏။
တကယ်တမ်းပြောရလျှင်-"၀ါဆိုလပြည့်နေ့"ဆုသည်မှာ"ဗုဒ္ဓဘာသာဝင်"တို့အတွက်အလွန်တရာမှ ထူးမြတ်သောနေ့ထူး၊
နေ့မြတ်ကြီးဖြစ်ပါသည်။"မြတ်စွာဘုရားပဋိသန္ဓေတည်သောနေ့,တောထွက်တော်မူသောနေ့,ဓမ္မစင်္ကြာတရားဟောတော်မူသောနေ့"ဖြစ်၏။
ဤမျှထူးခြားသော နေ့ထူးနေ့မြတ်ကြီးတွင်မှ ဘုရားကိုမျှအားမနာဘဲ"ကိုးမြို့ရှင်"(မူဆယ်မြို့အပါအ၀င်ရှမ်းပြည်နယ်
မြောက်ပိုင်းလမ်းခရီးတစ်လျှောက်တွင်"ကိုးမြို့ရှင်နတ်နန်း"များ အများအပြားယခု စာရေးချိန်ထိမြင်တွေ့နိုင်ပါသည်)ပွဲတင်
မြှောက်နေသည်မှာ "ဗုဒ္ဓဘာသာ"မှ ဟုတ်ပါသေးရဲ့လား ဟု မေးလိုက်ချင်စရာပင်။
အခြားသောနေ့များတွင် ဤမြင်ကွင်းမျိုး မြင်ရပါက ကျွန်တော် ဤမျှ စိတ်ဆင်းရဲမည်မဟုတ်။ယခုလို ထူးမြတ်သောနေ့တွင်
မှ ဘုရားကိုပစ်ပြီး နတ် ကျမှ အကြီးအကျယ် ပွဲပေးနေသည်ကို အတော်စိတ်မသက်မသာဖြစ်မိခြင်းပင်။
"ကိုင်းးး…ပြည့်ပြည့်၀၀ဖြစ်အောင် ကိုးမြို့ရှင် ကိုယ်တော်ကြီးကိုအပ်ပြီးပြီ။
ခုချိန်က စပြီး စိတ်ချမ်းသာလက်ချမ်းသာ နေကြတော့"ဟု နတ်ကတော်မိန်းမကြီးမှ ပြုံးပြုံးကြီးပြော၍ငွေအတော်များများ မ သွား လေတော့၏။
"မောဟ"ကစားကွင်းကြီးထဲ "လောဘ" နှင့်လိုက်တမ်းပြေးတမ်းကစားနေသမျှ ဤသို့လျှင်အလိမ်အညာခံနေရဦးမည်ပင်။
ဤသို့ အလွန်တရာအရုပ်ဆိုးလွန်းသောမြင်ကွင်း ကိုကြည့်၍ တစ်ချိန်က "အကျင့်သိက္ခာ၊ရိုးသားဖြူစင်တော်မူကြသော
ဆရာတော်ကြီး"များကိုလည်းသွား၍ သတိရ ကြည်ညိုလိုက်မိပါသည်။
"ပိဋကတ္တယ ပါရဂူ၊ကျေးဇူးရှင် လယ်တီဆရာတော်ဘုရားကြီး "သည် "သနပ်ဖက်ဆေးလိပ်"ကို တစ်နေ့ လေး၊ငါးဆယ်လိပ်
ကုန်အောင်သောက်လေ့ရှိ၏။
တစ်နေ့ "သာသနာပိုင်ဆရာတော်ကြီး"ကြွရောက်လာမည်ဖြစ်၍ ကျောင်းနေ ဦးပဉ္စင်း များက သန်ရှင်းရေးပြုလုပ်ရင်း"လယ်
တီဆရာတော်ဘုရားကြီး"၏ သောက်လက်စ ဆေးလိပ်များ၊ပြာခံခွက်များကို သိမ်းဆည်းမည် ပြု၏။
ဤတွင် "လယ်တီဆရာတော်ဘုရားကြီး"က အောက်ပါအတိုင်း မိန့်တော်မူပါသည်။
"မောင်ပဉ္စင်းတို့-ဒါတွေ မသိမ်းကြနဲ့၊ ငါ ဆေးလိပ်သောက်တာကို သာသနာပိုင်ဆရာတော်ကြီး သိရင်သိသွားပါစေ။
သိသွားလို့ (မောင်ဉာဏ ဆေးလိပ်သောက်သကိုး) လို့ အမိန့်ရှိတော်မူရင် (တင့်ပါ ဘုရား၊ယခုအချိန်မှ စပြီး နောင်ကို ဆေး
လိပ် မသောက်တော့ပါဘူး) လို့ ၀န်ခံလိုက်မယ်။
အေး-ငါက ဆေးလိပ်သောက်တာကို သာသနာပိုင် မသိမမြင်အောင်ထိန်ချန် လျှိူ့ဝှက်ထားပြီး သူ ပြန်သွားမှ ဆက် သောက်တာမျိုး မလုပ်ချင်ဘူး။ အရှိ ကို အရှိ အတိုင်း ထားလိုက်ကြ"
မည်မျှ ရိုးသား ဖြူစင် လိုက်ပါသနည်း။ကြည်ညိုဖွယ် ကောင်းလေစွ။
မန္တလေးမြို့၌ "မစိုးရိမ်ကျောင်းတိုက်ကြီး"ကို တည်ထောင်တော်မူသော "မစိုးရိမ်ဆရာတော်ဘုရားကြီး"အား တစ်နေ့တွင်"လူပျံတော်ပတ္တမြား သွေးဆေး"ပိုင်ရှင် "ဦးမောင်မောင်"က ပင့်ဖိတ်ဆွမ်းကပ်၏။ ထိုစဉ်က "ဦးမောင်မောင်"မှာ လွန်စွာဆင်းရဲလှ၏။အိမ် က အမိုး မလုံ။ ခနော်နီ ခနော်နဲ့။
ဆွမ်းစားပြီးသော် "မစိုးရိမ်ဆရာတော်ဘုရားကြီး"က-
" မင်း ကပ်တဲ့ ဆွမ်း စားရတာ မျို မကျပါဘူးကွာ။ မင်း ကို ငါ မေတ္တာပို့ပါဦးမယ်"ဟု မိန့်တော်မူခဲ့သည်။
ထိုနောက်ပိုင်းတွင်"ဦးမောင်မောင်"မှာ ၀ီရိယထား၍ သွေးဆေးရောင်းရင်း တစ်နေ့တစ်ခြားကြီးပွားချမ်းသာ လာခဲ့၏။
ထို အခါ "ဦးမောင်မောင်"က "ဆရာတော်ဘုရားကြီး"အား-
"ဆရာတော်ဘုရားကြီး မေတ္တာပို့ပေးလို့ ဒီလို ကြီးပွားချမ်းသာလာခြင်းဖြစ်ပါတယ်ဘုရား"ဟု လျှောက်ထား၏။
ဤတွင် "ဆရာတော်ဘုရားကြီး"က-
"တိုက်ဆိုင်လို့ပါ ကွာ။ ဒီလိုတိုက်ဆိုင်မှုတွေရှိနေလို့လည်း အခုခေတ် ဘိုးတော်အမည်ခံ တွေ စားသာနေတာပေါ့"ဟုပြန်
လည်မိန့်တော်မူခဲ့ပါသည်။
တစ်ဖန်-"မစိုးရိမ်ဆရာတော်ဘုရားကြီး"သည် ပျံလွန်တော်မူခါနီး (၃)လ ခန့် အလိုတွင် အနီးရှိတပည့်များအား-
"ငါတော့ (၉၆)နှစ်ပြည့်တော်မယ်။ ခုထိ ဘာတရားထူးမှ မရသေးဘူး"ဟု မကွယ်မ၀ှက်ဘဲ အမှန်အတိုင်း မိန့်တော်မူသွား
ခဲ့ပါသည်။
ထို စကားကို "ဦးမောင်မောင်"ကြားသော်-
"ဆရာတော် ဟာ တရားထူးမရသေးပေမယ့် ပုထုဇဉ် ထဲမှာတော့ အနီးကပ်အကြည်ညိုအခံနိုင်ဆုံး ဆရာတော်တစ်ပါးပါ"
ဟု မှတ်ချက်ချ ခဲ့သည်။
ဤသို့ အနီးကပ် အကြည်ညိုအခံနိုင်ဆုံးပုဂ္ဂိုလ်ဖြစ်ဖို့ဆိုတာ စင်စစ် လွယ်ကူလှသည်တော့မဟုတ်။"မာယာ၊သာဋ္ဌေယျ"ကင်း
၍ ရိုးသားဖြောင့်မတ်သူများ၌သာ ရရှိနိုင်သော ဂုဏ် ဖြစ်၏။
သို့သော် ယနေ့လူအများစုကား အရှိကိုအရှိအတိုင်းဟန်မဆောင်ဘဲ ရိုးသားဖြောင့်မတ်စွာ နေထိုင်ပြောဆိုတတ်သူများအား အထင်မကြီးကြ။ မရှိ ကို အရှိလုပ် ဟိတ်ဟန်ထုတ်ပြီး ဟန်ဆောင် ညာစားနေသူများ ကိုသာ အထင်ကြီးတတ်ကြ၏။
ထို့ကြောင့်လည်း "ဘိုးတော်တွေ၊ ထွက်ရပ်ပေါက်ဆိုသူတွေ၊ နတ်ကတော်တွေ"ကောင်းစားနေကြခြင်း ဖြစ်၏။
"ဗုဒ္ဓဘာသာဝင်"ဖြစ်ပါလျှက် ဘုရားကိုမျှအားမနာဘဲ မဆိုင်တာကိုမှ အယုံကြီးယုံ၊အကိုးကွယ်ကြီးကိုးကွယ်ပြီး၊ညာပြီးရင်း အညာခံ နေရသူများအားကြည့်၍ ကျွန်တော် သတိရမိလိုက်သည်က "မန်လည်ဆရာတော်ဘုရားကြီး" မိန့်ကြားခဲ့ဖူးသော
အောက်ပါ "ပုံပြင်ကလေး"ပင် ဖြစ်၏။
တစ်နေ့မှာ "နယ်ပိုင်ဝန်ထောက်ကြီး"က နှစ်လုံးပြူးသေနတ်ထမ်းပြီး ငှက် ပစ်မယ်လို့ တော ထဲ ထွက်လာတာ။တောစပ်
ရောက်တော့ "စိတ်မနှံ့သူ(အရူး)"တစ်ယောက်နဲ့ တွေ့သတဲ့။
"စိတ်မနှံ့သူ" က-
"အလို ဗိုလ်ကြီး ပါလား။ ဘယ်ကြွမလဲ ခင်ဗျာ"လို့ ရိုရိုသေသေမေးသတဲ့။
"၀န်ထောက်ကြီး"က-
"ချိုး ပစ်မလို့ကွာ ၊ ဘယ်မှာ ချိုး များများ မြင်သလဲ" လို့ လူကောင်း ထင်ပြီး ပြန်မေး သတဲ့။
"စိတ်မနှံ့သူ" က-
"ချိုး ကို ဘာနဲ့ပစ်မှလည်း ဗိုလ်ကြီး"လို့မေးတော့ "၀န်ထောက်ကြီး"က-
"ဟောဒါနဲ့ ပစ်မှာကွ"လို့ ပြောသတဲ့။
"စိတ်မနှံ့သူ"က-
"ဒါကြီး က ဘာခေါ်သလဲ ဗိုလ်ကြီး" လို့ မေးပြန်တော့-
"ဒါ နှစ်လုံးပြူးလို့ ခေါ်တယ်"လို့ ပြန်ဖြေသတဲ့။
"ဒီ နှစ်လုံးပြူး ဘယ်လောက်ပေးရသလဲ" လို့ မေးပြန်တော့
"နှစ်ရာ့ငါးဆယ် ပေးရတယ်"လို့ ဖြေသတဲ့။
"နှစ်လုံးပြူး ထဲ ဘာထည့်ပစ်ရပါ သလဲ" လို့ မေးပြန်တော့-
"ယမ်းတောင့် ထည့်ပစ်ရတယ်" လို့ ပြောသတဲ့။
"ယမ်းတောင့် ကရော ဘယ်လောက် ပေးရပါသလဲ"လို့ မေးတာနဲ့ "တစ်တောင့် နှစ်ကျပ်ခွဲ ပေးရတယ်"လို့ ဖြေသတဲ့။
"စိတ်မနှံ့သူ" က ဆက်ပြီး-
"ဗိုလ်ကြီး လခ ဘယ်လောက်ရသလဲ"လို့ ဆက်မေးတော့ " လခ နှစ်ထောင် ရတယ်"လို့ ဖြေသတဲ့။
"ချိုး တစ်ကောင်ရဲ့ တန်ဖိုး ကရော ဘယ်လောက်များ ရှိပါသလဲ" လို့ မေးပြန်တော့-
"ချိုး တစ်ကောင် (တစ်မတ်) တန် သကွ" လို့ ပြောသတဲ့။
အဲဒီတင် "စိတ်မနှံ့သူ"က
"လခ (နှစ်ထောင်) ရတဲ့ ဗိုလ်ကြီး က (နှစ်ရာ့ငါးဆယ်)တန် သေနတ်ကြီး ထဲ (နှစ်ကျပ်ခွ)ဲတန် ယမ်းတောင့် ထည့်ပြီး
(တစ်မတ်)သာတန်တဲ့ ချိုး ပစ်တာ ကိုများ အံသြကုန်နိုင်ပေါင်" လို့ သီချင်းဆိုပြီး က ထွက် သွားသတဲ့။
ကျွန်တော်လည်း "လပြည့်နေ့"တွင် ပြည့်ပြည့်၀၀ဖြစ်အောင်လို့ ဆိုကာ နတ်ပွဲထိုးနေသော ထို မိတ်ဆွေ လင်မယားအား
ကြည့်ပြီး-
"အင်း- သူတို့လည်း (တစ်မတ်) ကိုသာတန်ဖိုးရှိတယ် လို့ထင်နေကြသူတွေပါတကား"ဟုတွေးကာ အသနားကြီးသနားနေ
မိ ပါတော့သည် ခင်ဗျား။
ချမ်းသာပါစေ၊အေးငြိမ်းပါစေ၊
သံသရာဝဋ်ဆင်းရဲမှ..လွတ်မြောက်ကြပါစေ။
ဘ၀တုသဗ္ဗမင်္ဂလံ
သင့်
ကလျာဏ မိတ္တ
(ည.ည.တ)
(09-445108754)
No comments:
Post a Comment