ပိဋကတ်အဓိပ္ပါယ်နှင့် ပိဋကတ်တော် လှူဒါန်းရကျိုး

အရှင်သာရိပုတ္တရာမေးတော်မူ၍ မြတ်စွာဘုရားရှင်ဖြေတော်မူသည်။
ပိဋက-ဆိုတဲ့ စကားလုံးက အများသိနေကြတာကတော့ “ခြင်းတောင်း” ဆိုတဲ့ အဓိပ္ပာယ်ပဲ၊ အင်္ဂလိပ်လို ပြန်တဲ့အခါ Basket လို့ပြန်ကြပါတယ်။ အဲဒါကြောင့် ပိဋကတ်သုံးပုံကို Three Basket လို့ ပြန်လေ့ရှိပါတယ်။ သို့သော် ပိဋက-ဆိုတာ ခြင်းတောင်းဆိုတဲ့ အဓိပ္ပါယ်တစ်မျိုးတည်းမဟုတ်ဘဲ
“သင်ယူရမည့်ကျမ်းစာ”လို့လည်း ပိဋကသဒ္ဒါကဟာပါတယ်။ ဒါကြောင့်မို့ တခြားနည်းနဲ့လည်း အင်္ဂလိပ်လို ဘာသာပြန်ဖို့ သင့်တယ်ပေါ့။ ပိဋက-ဆိုတာ သင်ယူရမည့်ကျမ်းစာ (Text to be learned) လို့ အဓိပ္ပာယ် ရပါသေးတယ်။ ဒါက ပိဋက အဓိပ္ပာယ်ပါ။
မြတ်စွာဘုရားရှင် သာဝတ္ထိပြည် ဇေတဝန်ကျောင်းတော်မှာ သီတင်းသုံးတော်မူနေခိုက် အရှင်သာရိပုတ္တရာက မြတ်စွာဘုရားရှင်ထံသို့ ချဉ်းကပ်ပြီး လျှောက်ထားတဲ့ မေးခွန်းလေးတစ်ခုပါ။ အဲဒီမေးခွန်းကဘာလဲလို့ဆိုတော့ ဘုန်းတော်ကြီးမားတော်မူသော မြတ်စွာဘုရား ဒါယကာ ဒါယိကာမ အပေါင်းတွေဟာ သာသနာတော်၏ မူလဖြစ်သော ပိဋကတ်စာပေကို လှူဒါန်းကြပါတယ်။ ထိုသို့ လှူဒါန်းကြတဲ့ အလှူရှင်တွေမှာ အဘယ်ကဲ့သို့ အကျိုးထူးတွေ ရပါသလဲလို့ လျှောက်ထားပါတယ်။ မြတ်စွာဘုရားဘုရားရှင်က ချစ်သား သာရိပုတ္တရာ ပိဋကတ်ကို လှူဒါန်းကြတဲ့ အလှူရှင်တွေမှာရတဲ့ အကျိုးတရားတွေဟာ
“ဧကက္ခရဖလေန ဟိ ပိဋကတ္တယကာရကော၊ စတုရာသီတိကပ္ပသဟဿနိ လဘန္တိ ပဝရံသုခံ” ပိဋကတ်သုံးပုံလှူဒါန်းလို့ ချမ်းသာတာကို မဆိုပါနဲ့တဲ့။ တစ်လုံးသော အက္ခရာကို ပြုစု၍ လှူဒါန်းရခြင်း၏ အာနိသင်ဟာ ကမ္ဘာရှစ်သောင်းလေးထောင်တို့ ကာလပတ်လုံး လူနတ်ချမ်းသာကို ရတယ်တဲ့။
“ဒုဂ္ဂတိ နာပိဇာနေယျ ပိဋကတ္တယ ကာရကော”ဟူသော ဒေသနာတော်အရ အပါယ်ဒုဂ္ဂတိသို့ မလားရဘဲ ခြောက်ထပ်သော နတ်ပြည်တို့မှာ လှည့်လည်ပျော်ပါး ခံစားရတဲ့ အကြောင်းကို မြတ်စွာဘုရားရှင်က ထပ်ပြီးတော မိန့်တော်မူပါတယ်။ ချစ်သားသာရိပုတ္တရာ ပိဋကတ်တော်ကို လှူဒါန်းကြတဲ့ အလှူရှင်တွေမှာ ရတဲ့ အကျိုးတရားတွေဟာ ကမ္ဘာရှစ်သောင်းလေးထောင်တိုင်တိုင် မြတ်သော စည်းစိမ်ချမ်းသာကို အစဉ်ခံစားရတယ်။ စကြာဝတေးမင်း၊ ပဒေသရာဇ်မင်း၊ ပုဏ္ဏားပညာရှိ၊ သူဌေး သူကြွယ်၊ စတုမဟာရာဇ်၊ တာဝတိ`ံသာ၊ ယာမာ၊ တုသိတာ၊ နိမ္မာနရတိ၊ ပရနိမ္မိတာဝဿဝတ္တိနတ်တို့၏ စည်းစိမ်ချမ်းသာအဝဝကို ခံစားပြီး နတ်ပြည်မှ စုတေမနေ သေလွန်တဲ့အခါ လူ့ပြည်မှာ လူလာဖြစ်ပြန်တယ်။ လူဖြစ်တဲ့အခါမှာလည်း ငါးပါးသီလနှင့် ပြည့်စုံတဲ့ ပုဂ္ဂိုလ်ဖြစ်ရတယ်။ အချုပ်အားဖြင့် ပိဋကတ်စာပေကို လှူဒါန်းတဲ့ သူတော်ကောင်းတို့မှာ ထိုကုသိုလ်အားကြောင့် များပြားလှစွာသော မြတ်ချမ်းသာကို ကမ္ဘာအဆက်ဆက် ရေတွက်၍မဆုံး သုံးဆောင်လို့မကုန် အလုံးစုံသော ကောင်းကျိုးကို ပေးတယ်လို့ ဆိုလိုခြင်းဖြစ်ပါတယ်။ သာဓကတစ်ခုအနေနဲ့ မြတ်စွာဘုရားလက်ထက်တော်မှာ ပေါဌဒါယကရဟန္တာဆိုတာ ရှိခဲ့ဖူးပါတယ်။ ပေါဌဒါယကရဟန္တာအလောင်းအလျာဟာ ကိုးဆယ့်တစ်ကမ္ဘာထက်က ပေးလှူခဲ့ဖူးတဲ့ ကောင်းမှုကံ အဟုန်တို့ကြောင့် ကိုးဆယ့်တစ်ကမ္ဘာပတ်လုံး အပါယ်လေးပါးသို့ မလားမကပ်ဘဲ လူနတ်တို့၏ စည်းစိမ်ချမ်းသာကို ခံစားပြီးမှာ အဆုံးဘဝ မြတ်စွာဘုရား သာသနာတော်မှာ လူလာဖြစ်၍ သာသနာတော်မှာ ရဟန်းပြုတဲ့အခါ နောက်ဆုံးမှာ ရဟန္တာအဖြစ်သို့ ရောက်ရှိပြီးတော့ ပေါဌဒါယကရဟန္တာလို့ အမည်တွင်ခဲ့ အပါဒါန်ကျမ်းမှာ လာရှိတဲ့ ဒေသနာတော်ကို ထောက်ဆပြီး ပိဋကတ်တော်လှူဒါန်းရတဲ့ အကျိုးတရားကို သိနိုင်မည်ဖြစ်ပါတယ်။ ဒါကြောင့် ပိဋကတ်တော်ကို သုံးပုံလုံးဖြစ်စေ၊ တစ်ပုံပဲဖြစ်စေ တတ်စွမ်းသမျှ လှူဒါန်းကြတဲ့ သူတော်ကောင်းအပေါင်းတို့မှာလည်း ပေါဌဒါယကရဟန္တာအရှင်သူမြတ်ကဲ့သို့ စည်းစိမ်ချမ်းသာအဝဝကိုရရှိဖို့ အထောက်အပံ့ဖြစ်တဲ့ အကြောင်း အသိပေးလိုက်ရတော့၏။
ပရိယတ္တိသာသနာ- ဝိနည်းပိဋကတ်။
ပဋိပတ္တိသာသနာ- သုတ္တန်ပိဋကတ်၊
ပဋိဝေဓသာသနာ- အဘိဓမ္မပိဋကတ်၊
ဒေသနာတော်နဲ့ကြည့်ရင်
ဝိနည်းပိဋကတ်-အာဏာဒေသနာ၊
သုတ္တန်ပိဋကတ်- ဝေါဟာရဒေသနာ။
အဘိဓမ္မာပိဋကတ်- ပရမတ္ထဒေသနာ၊
သိက္ခာသုံးပါးနဲ့ကြည့်ရင်
ဝိနည်းပိဋကတ်၊ အဓိသီလသိက္ခာ (သမ္မာဝါစာ၊ သမ္မာကမ္မန္တ၊ သမ္မာအာဇီဝ)
သုတ္တန်ပိဋကတ်- အဓိစိတ္တသိက္ခာ(သမ္မာဝါယာမ၊ သမ္မာသတိ၊ သမ္မာသမာဓိ)
အဘိဓမ္မာပိဋကတ်- အဓိပညာသိက္ခာ(သမ္မာဒိဋ္ဌိ၊ သမ္မာသင်္ကပ္ပ) ပိဋကတ်သုံးပုံ သိက္ခာသုံးပါး၊ မဂ္ဂင်ရှစ်ပါး ရောနှောထားတာပါပဲ၊
ပဟာန်သုံးနဲ့ကြည့်ရင်
ဝိနည်းပိဋကတ်-သီလအစွမ်းဖြင့် ဝီတိက္ကမကိလေသာကိုပယ်တယ်။
သုတ္တန်ပိဋကတ်- သမာဓိအစွမ်းဖြင့် ပရိယုဋ္ဌာနကိလေသာကို ပယ်တယ်။
အဘိဓမ္မာပိဋကတ်- ပညာအစွမ်းဖြင့် အနုသယကိလေသာပယ်တယ်လို့ မှတ်သားနိုင်ပါတယ်။ တဒင်္ဂပဟာန် ဝိက္ခမ္ဘနပဟာန်၊ သမုစ္ဆေဒပဟာန်လို့ သုံးဆင့်ရှိတာပါပဲ၊ ပိဋကတ်တစ်ပုံမှာ ဓမ္မ၊ အတ္ထ၊ ဒေသနာ၊ ပဋိဝေဓလို့ နက်နဲခြင်းလေးမျိုးရှိတယ်။ ပါရာဇိကဏ်အဋ္ဌကထာမှာတဲ့ သဘောတွေကို ပိဋကတ်လှူဒါန်းတဲ့ ဒကာ ဒကာမများသိစေရန် သဒ္ဓါပညာဖြစ်စေရန် အကျဉ်းမျှဖော်ပြလိုက်ခြင်းဖြစ်ပေသည်။
ဓမ္မမိတ်ဆွေများအားလုံး သက်ရှည်ကျန်းမာစိတ်ချမ်းသာ၍ လိုရာဆန္ဒများတစ်လုံးတစ်ဝတည်းပြည့်ဝကြပါစေ။
အရှင်ဝိမလဝံသ(နာလန္ဒာတက္ကသိုလ်)