၁၂ နှစ်ကြာ အဖြေရှာခဲ့ရသော မေးခွန်း။

        ရဟန်းတော် တစ်ပါးဟာ အင်မတန်မှ သိချင်လှတဲ့ မေးခွန်းတစ်ခုရဲ့ အဖြေကို လိုက်ရှာ
လိုက်တာ အခုခေတ်စကားနှင့်ပြောရရင်ကမ္ဘာအနှံ့ပေါ့နော်။ သူက တန်ခိုးရှင်ပဲ၊ တန်ခိုးရှင် ဆိုတာ
ဈာန်အဘိဉာဏ်တွေ ရသည့်အတွက်ကြောင့် ဒီမေးခွန်းရဲ့ အဖြေကို လူ့ပြည်မှာတင် မကဘူး၊ နတ်
ပြည် ဗြဟ္မာပြည်ထိအောင် တက်ပြီးရှာပါတယ်၊

         အဲဒီမေးခွန်းက ဘာတုန်းဆိုလို့ရှိရင် “ဓာတ်ကြီး ၄-ပါး၊ မဟာဘုတ် ၄-ပါးလို့ ခေါ်တဲ့ ပထ၀ီ
အာပေါတေဇော ၀ါယော ဆိုတာ ဘယ်နေရာမှာ အပြီးသတ်ချုပ်ငြိမ်းသွားသလဲ”  ဆိုတဲ့ မေးခွန်းပါ။
အဲဒီမေးခွန်းရဲ့ အဖြေကို သူရှာလိုက်တာ၊ ဒီမေးခွန်းကို သူ့အနီးအနား မှာရှိတဲ့ မြတ်စွာဘုရားဆီ မ
မေးပါ။ ဒီမေးခွန်းရဲ့အဖြေမထွက်သည့်အတွက်ကြောင့် တန်ခိုးကြီးတဲ့နတ်တွေ (နတ်ကို အထင်ကြီး
တာတော့ ရှေးတုန်းကတည်းက ရှိပါတယ်)၊ တန်ခိုးကြီးတဲ့ နတ်တွေကတော့ ဒီအဖြေ ပေးနိုင်လောက်
တယ်ဆိုပြီး နတ်တွေဆီ သွားအဖြေရှာတယ်။ ဒီမေးခွန်း မေးလိုက်တိုင်း သူတို့ မသိပါဘူး၊ မသိပါဘူး
ပဲ ဖြေကြတယ်။ နောက်ဆုံးမှာ စတုမဟာရာဇ်ကနေ တာဝတိံသာရောက်၊ တာဝတိံသာကနေ အဆင့်
ဆင့် တက်သွားတာ နတ်ပြည်ခြောက်ထပ်သာကုန်ရော အဖြေမရခဲ့ဘူး။
         အဖြေမရတော့ ဒီရဟန်းက မလျော့သေးဘူး၊ ဗြဟ္မာတွေက ဒီ့ထက် တန်ခိုးကြီးတယ်။ ဗြဟ္မာ
ပြည်တက်ပြီး အဖြေရှာဦးမယ်လို့ဆိုပြီး ဗြဟ္မာ့ပြည်တက်ပြီးအဖြေရှာပြန်တယ်။ အဖြေရှာတဲ့အခါမှာ
(ဗြဟ္မာတွေမှာသာမန် ဗြဟ္မာနဲ့ မဟာဗြဟ္မာ ဆိုတာရှိတယ်) အဲဒီ သာမန်ဗြဟ္မာတွေဆီ မေးလိုက်တဲ့
အခါကျတော့ သာမန်ဗြဟ္မာတွေက အဖြေမပေးနိုင်ဘူး၊ ဗြဟ္မပါရိသဇ္ဇာတို့၊ဗြဟ္မပုရောဟိတာ တို့လို့
ဆိုတဲ့ အဲဒီဗြဟ္မာတွေက အဖြေမပေးနိုင်ဘူး။ မပေးနိုင်တော့သူတို့က ဘယ်ကိုညွှန်းတုန်းဆိုတော့ မ
ဟာဗြဟ္မာကြီးကို မေးရင်တော့ သိကောင်းသိမယ်တဲ့။
        အဲဒီရဟန်းက အလင်းရောင်လေး ပေါ်တဲ့အချိန် စောင့်လိုက်တယ်။ မကြာခင် အလင်းရောင်
ပေါ်လာတယ်၊ ပေါ်လာပြီးတာနဲ့ ဗြဟ္မာကြီးလည်း သူတို့ရှေ့ဘွားကနဲပေါ်လာတယ်။ ပေါ်တဲ့အခါ အဲဒီ
ရဟန်းက သူ့မေးခွန်းကိုမေးတယ်။ “မဟာဘုတ် ၄-ပါး ဓာတ်ကြီး ၄-ပါး ဘယ်မှာ အပြီးသတ်ချုပ်တုန်း”
ဗြဟ္မာကြီးက ဒီမေးခွန်းရဲ့အဖြေ သူမသိဘူး၊ “ဒီမေးခွန်းရဲ့ အဖြေကို ဖြေနိုင်တာက ကိုယ်တော်တို့
ဘုရားပဲရှိတယ်၊ အဲဒီကို ပြန်မေးပါ” လို့ဆိုပြီး လူ့ပြည်ပြန်လွှဲချလိုက်တယ်။ အဲဒီ မေးခွန်းဟာလည်းပဲ
မြတ်စွာဘုရားကလွဲရင် မည်သူမျှ အဖြေမပေးနိုင်တဲ့ မေးခွန်းတစ်ခုဖြစ်တယ်။
          မြတ်စွာဘုရားဆီ ပြန်ရောက်သွားတဲ့အခါ သူ့မေးခွန်းရဲ့ မပြည့်စုံမှု၊ မှားယွင်းမှုကို မြတ်စွာ
ဘုရားက ပြင်ဆင်ပေးတယ်။ ပြီးတဲ့အခါကျမှ အဖြေပေးလိုက်ပါတယ်။ (ဆက်လက်ရေးသား
ဖေါ်ပြပါမည် ) ။ ။
 {ကောဇာသက္ကရာဇ် ၁၃၇၁ ခုနှစ်၊ တော်သလင်းလဆန်း ၁၄ ရက်နေ့ မန္တလေးမြို့၊ မဟာအောင်
မြေမြို့နယ်၌ ဒေါက်တာ အရှင်နန္ဒာမာလာဘိဝံသ ဟောကြားတော်မူသော
 “ ၁၂  နှစ်ကြာ အဖြေရှာခဲ့ရသော မေးခွန်းများ ” မှ ကောက်နုတ်ရေးသားပူဇော်ပါသည်။ }
  (မှားယွင်းမှုများရှိသော် အစဉ်သနားသောအားဖြင့် သည်းခံခွင့်လွှတ်ပေးပါရန်
                    ဦးခိုက်လျှောက်ထားပါသည် ဆရာတော်အရှင်သူမြတ်ဘုရား)

     ဦးသိန်းဝေ။
           http://www.facebook.com/damanadi.tk
          http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။