၁။ပဋ္ဌာန်းတရားဟောကြားသူ = ဗုဒ္ဓမြတ်စွာဘုရား။
၂။ပဌာန်းတရား ဟောကြားရာအရပ်ဒေသ = တာဝတိံသာနတ်ပြည်။
၃။ပဌာန်းတရားဟောကြားရခြင်းအကြောင်းရင်း = မယ်တော်ဖြစ်ခဲ့ဘူးသော သန္တုဿိတနတ်သားကို ကျေးဇူးဆပ်ရန်။
၎။ပဌာန်းတရားကို ဦးစွာနာကြားကြသူများ =သန္တုဿိတနတ်သားနှင့် အနန္တစကြဝဠာအတွင်းရှိ နတ်ဗြဟ္မာများ။
၅။ပဌာန်းတရားဟောကြားရာ ကြာမြင့်ချိန်ကာလ = ဝါတွင်းသုံးလ။
၆။လူသားတို့တွင် ပဌာန်းတရားကို ဦးစွာနာကြားရသူ = အရှင်မဟာသာရိပုတ္တရာ။
၇။ပဌာန်းတရားတော်ကို လက်ဆင့်ကမ်း သယ်ဆောင်လာခဲ့ကြသူများ = လင်းနို့သားဖြစ်ခဲ့ဘူးသော ရဟန်းငါးရာနှင့် ပထမသင်္ဂါယနာမှစ၍ သင်္ဂါယနာခြောက်ကြိမ်တိုင်တို
င်တင်ကာ ပိဋကတ်သုံးပုံကို လက်ဆင့်ကမ်း သယ်ဆောင်လာခဲ့ကြသော သံဃာတော်များ။
၈။ပဋ္ဌာနမည်ပုံ = ပ – အထူးထူးအပြားပြားများစွာသော၊ ဋ္ဌာန – အကြောင်းအကျိုးတို့၏တည်ရာ။
၉။ပဌာန်းတရားတော်ကို ရွတ်ဆိုရခြင်းအကျိုး = မရေမတွက်နိုင်သောကောင်းကျိုးချမ်းသာတို့နှင့် ပြည့်စုံနိုင်ပါသည်။
၁၀။အဘိဓမ္မာခုနစ်ကျမ်း = ဓမ္မသင်္ဂဏီ၊ ဝိဘင်း၊ ဓာတုကထာ၊ ပုဂ္ဂလပညတ်၊ ကထာဝတ္ထု၊ ယမိုက်၊ ပဋ္ဌာန်း။
၁။ပဌာန်းတရားတော်ကို စတင်ဆင်ခြင် သုံးသပ်ရာဌာန = ဗောဓိမဏ္ဍိုင်ဝယ်သဗ္ဗညုဘုရား အဖြစ်သို့ ရောက်တော်မူပြီး ၇ပါးသော အရပ်တို့၌ ၇-ရက်စီ စံနေတော်မူစဉ်စတုတ္ထသတ္တာဟဖြစ်သော (လေးပတ်မြောက်)ရတနာဃရ ရွှေနန်းအိမ်တွင်ပဌာန်း ဒေသနာတော်ကိုသုံးသပ်ဆင်ခြင်တော်မူခဲ့၏။
၂။ပဌာန်းတရားကို ဆင်ခြင်သုံးသပ်ခြင်းဖြင့် ဘုရားရှင်ကိုယ်တော်မြတ်၌ ထူးခြားဆန်းပြားမှု =မြတ်ဗုဒ္ဓ ၏ သဗ္ဗညုတ ရွှေဉာဏ်တော်ကြီးနှင့် နက်ရှိုင်းကျယ်ဝန်းလှစွာသော ပဌာန်းတရားတို့ အံဝင်ခွင်ကျ လိုက်ဖက်ညီညီ သဟဇာတဖြစ်သောကြောင့် မြတ်ဗုဒ္ဓ၏ စိတ်အစဉ်ကြည်လင်ချမ်းမြေ့တော်မူသည်။ အသွေးအသားတော် ကြည်လင်ဝင်းပတော်မူသည်။ ထို့ကြောင့် ခန္ဓာကိုယ်တော်ကရောင်ခြည်တော် (၆)ပါးကွန့်မြူးတော်မူသည်။
၃။နက်ရှိုင်းကျယ်ဝန်းလှစွာသော သာဂရလေးပါး = ဇလသာဂရ၊ သံသာရသာဂရ၊ ၊ဉာဏသာဂရ နယသာဂရ ပေါင်း လေးပါးဖြစ်၏ (က)ကမ္ဘာလောကကြီးကို ဝန်းရံ၍နေသောသမုဒ္ဒရာရေပြင် ကျယ်ကို ဇလသာဂရခေါ်သည်။ (ခ)သတ္တဝါတို့၏ ကျင်လည်ကျက်စားရာရှည်လျှားကျယ်ဝန်းလှစွာ သော သံသရာကြီးကို သံသာရသာဂရခေါ်သည်။ (ဂ)အလွန်ကျယ်ဝန်း နက်ရှိုင်းလှစွာသော သဗ္ဗညုတဉာဏ်တော်ကြီးကို ဉာဏသာဂရခေါ်သည်။
(ဃ)နည်းပေါင်းများစွာတို့ဖြင့် နက်နဲကျယ်ဝန်းလှစွာသော ပဌာန်းကျမ်းတော်ကြီးကို နယသာဂရဟု ခေါ်သည်။
၃။တာဝတိံသာနတ်ပြည်တွင် ဟောကြားသော ပဌာန်းတရားတော်ကြီး လူ့ပြည်တွင် ထွန်းကားလာရ ခြင်း၏ အကြောင်းရင်း = မြတ်စွာဘုရားသည် တာဝတိံသာနတ်ပြည် ပင်လယ်ကသစ်ပင်ရင်း ပဏ္ဍု ကမ္ဗလာမြကျောက်ဖျာထက်တွင် ဝါဆိုတော်မူပြီး အဘိဓမ္မာ(၇)ကျမ်းကို ဟောကြားတော်မူရာ၌ ဆွမ်းခံ ချိန်အခါ တရားဟောမပျက်စေရန် နိမ္မိတကိုယ်ပွားဘုရားကိုဖန်ဆင်း၍ထားခဲ့ပြီး တရားဆက်လက်ဟေါ ဖို့ရန် အဓိဋ္ဌာန်တော်မူခဲ့ပါသည်။ ဆွမ်းခံချိန်တွင် မြောက်ကျွန်းသို့ ဆွမ်းခံကြွရန် ဟိမဝန္တာ အနောတတ် အိုင်အနီးသို့ ဆင်းသက်တော်မူခဲ့သည်။ ထိုအချိန်အခါ အရှင်မဟာသာရိပုတ္တရာက ဝတ်ကြီးဝတ်ငယ်ပြု စုပေးကာ တာဝတိံသာနတ်ပြည်တွင် ဟောကြားပြီးသော ပဌာန်းတရားကို နာယူပါသည်။ ထို့နောက် ရှင်သာရိပုတ္တရာက ငါးရာသော တပည့်ရဟန်းတို့အား သင်ကြားပို့ချပေးပါသည်။ ထိုအခါမှစ၍ လူ့ပြည် တွင် အဘိဓမ္မာ(၇)ကျမ်း ထွန်းကားပြန့်ပွားလာခဲ့ပါသည်။
၎။ပဋ္ဌာန်းပစ္စယုဒ္ဒေသခေါ်သော (၂၄)ပစ္စည်း အကျဉ်းချုပ် = ၁။ဟေတုပစ္စည်း။ ၂။အာရမ္မဏပစ္စည်း။ ၃။ အဓိပတိပစ္စည်း။ ၄။အနန္တရပစ္စည်း။ ၅။သမနန္တရပစ္စည်း။ ၆။သဟဇာတပစ္စည်း။ ၇။အညမညပစ္စည်း။ ၈။ နိဿယပစ္စည်း။ ၉။ဥပနိဿယပစ္စည်း။ ၁၀။ပုရေဇာတပစ္စည်း။ ၁၁။ပစ္ဆာဇာတပစ္စည်း။ ၁၂။အာသေဝန ပစ္စည်း။ ၁၃။ကမ္မပစ္စည်း။ ၁၄။ဝိပါကပစ္စည်း။ ၁၅။အာဟာရပစ္စည်း။ ၁၆။ဣန္ဒြိယပစ္စည်း။ ၁၇။ဈာနပစ္စည်း ၁၈။မဂ္ဂပစ္စည်း။ ၁၉။သမ္ပယုတ္တပစ္စည်း။ ၂၀။ဝိပ္ပယုတ္တပစ္စည်း။ ၂၁။အတ္ထိပစ္စည်း။ ၂၂။နတ္ထိပစ္စည်း။ ၂၃။ ဝိဂတပစ္စည်း။ ၂၄။အဝိဂတပစ္စည်း။
၅။ဟေတုပစ္စည်းသရုပ် =လောဘဟိတ်၊ ဒေါသဟိတ်၊ မောဟဟိတ်၊ အလောဘဟိတ်၊ အဒေါသဟိတ်၊ အမောဟဟိတ် စုစုပေါင်း ဟိတ်ခြောက်ပါးဖြစ်ပါသည်။ ထိုခြောက်ပါးတို့တွင် အကုသိုလ်ဟိတ်သုံးပါး တို့ကား လောဘဟိတ်၊ ဒေါသဟိတ်၊ မောဟဟိတ်။ ကုသိုလ်ဟိတ်သုံးပါးတို့ကား အလောဘဟိတ် အဒေါသဟိတ်၊ အမောဟဟိတ် ဟူ၍ သုံးပါးစီရှိပါသည်။
၆။ဟိတ်ခြောက်ပါး၏ အဓိပ္ပါယ်အကျဉ်း = (က)လောဘဟိတ် = လိုချင်တပ်မက်ခြင်း အကြောင်းရင်း။ (ခ)ဒေါသဟိတ် = အမုန်းတရား ရန်ညှိုးထားခြင်းအကြောင်းရင်း။ (ဂ)မိုက်မဲတွေဝေခြင်း အကြောင်း ရင်း။ (ဃ)အလောဘဟိတ် = မလိုချင် မတပ်မက်ခြင်း အကြောင်းရင်း။ (င)အဒေါသဟိတ် = အမုန်းမပွား ရန်ညှိုးမထားခြင်း အကြောင်းအရင်း။(စ)အမောဟဟိတ် = မမိုက်မဲ မတွေမဝေခြင်း အသိဉာဏ်ထင်ရှားဖြစ်ခြင်း အကြောင်းရင်း။ (လိုရင်းတိုရှင်း အဓိပ္ပါယ်သာဖြစ်ပါသည်)
၇။ဟေတုပစ္စည်း၏ သတ္တိထူး = ရေသောက်မြစ်သည် သစ်ပင်ကြီးအား အစဉ်ကြီးပွား၍ စည်ကား အောင် ကျေးဇူးပြုပေးသကဲ့သို့ ဟိတ်ခြောက်ပါး တရားတို့သည် အတူတကွဖြစ်သော စိတ် စေတသိက် စိတ္တဇရုပ်တို့အား ကြီးပွားခိုင်မြဲစေရန် အကြောင်းမူလသတ္တိအနေအားဖြင့် ကျေးဇူးပြုတတ်သော သတ္တိ ထူးရှိပါသည်။ ဆောင် – ရေသောက်မြစ်နှယ်၊ ကျေးဇူးကြွယ်၊ ကြီးကျယ်ကြောင်းရင်းများ။
၈။ဟေတုပစ္စည်း၏ အကျိုးတရားဖြစ်သော ဟေတုပစ္စယုပ္ပန်များ = ဟိတ်နှင့်တကွဖြစ်သော သဟိတ် စိတ် (၇၁)ပါး။ စေတသိက်(၅၂)ပါး သဟိတ်စိတ်ကြောင့်ဖြစ်သော စိတ္တဇရုပ်၊ သဟိတ်ပဋိသန္ဓေနှင့် တကွဖြစ်သော ကမ္မဇရုပ် ဤတရားတို့သည် ဟေတုပစ္စည်း၏ အကျိုးပစ္စယုပ္ပန်များဖြစ်ပါသည်။
သဟိတ်စိတ် (၇၁)ပါးအကျဉ်း = လိုချင်တပ်မက်စိတ်၏အကြောင်းရင်းမူလ လောဘမူစိတ်(၈)ပါး။ အမုန်းတရား ရန်ညှိုးပွားတတ်သောအကြောင်းရင်းမူလ ဒေါသမူစိတ်(၂)ပါး။ မိုက်မဲတွေဝေခြင်းအ ကြောင်းရင်းမူလ မောဟမူစိတ်(၂)ပါး။ ကာမဘုံ၌များသောအားဖြင့် ကျဉ်လည်တတ်ဖြစ်တတ်သော ကုသိုလ် ဝိပါက် ကိရိယာတည်းဟူသော ကာမသောဘနစိတ် (၂၄)ပါး။ ရူပဘုံ၌များသောအားဖြင့် ကျဉ်လည်တတ်ဖြစ်တတ်သော ကုသိုလ် ဝိပါက် ကိရိယတည်းဟူသော ရူပါဝစရစိတ် (၁၅)ပါး။ အရူပ ဘုံ၌ များသောအားဖြင့် ကျဉ်လည်တတ်ဖြစ်တတ်သော ကုသိုလ် ဝိပါက် ကိရိယာတည်းဟူသော အရူ ပါဝစရစိတ် (၁၂)ပါး။ လောကုတ္တရာစိတ် (၈)ပါး ပေါင်း (၇၁)ပါးဖြစ်ပါသည်။
လောဘမူစိတ်(၈)ပါး = (၁)ရွှင်ရွှင်လန်းလန်း အယူမှားယွင်းစွာ သူတစ်ပါးတို့ တိုက်တွန်းမှုမပါသော လောဘစိတ်။
(၂) ရွှင်ရွှင်လန်းလန်း အယူမှားယွင်းစွာ သူတစ်ပါးတို့ တိုက်တွန်းမှုပါဝင်သော လောဘစိတ်။
(၃) ရွှင်ရွှင်လန်းလန်း အယူမမှားယွင်းစွာ သူတစ်ပါးတို့ တိုက်တွန်းမှုမပါဝင်သော လောဘစိတ်။
(၄) ရွှင်ရွှင်လန်းလန်း အယူမမှားယွင်းစွာ သူတစ်ပါးတို့ တိုက်တွန်းမှုပါဝင်သော လောဘစိတ်။
(၅)ရွှင်လန်း သည်လည်းမဟုတ် စိတ်ညစ်သည်လည်းမဟုတ်သော ဥပေက္ခာနှင့်တကွ အယူမှားယွင်း စွာ သူတစ်ပါးတို့ တိုက်တွန်းမှုမပါဝင်သော လောဘစိတ်။
၆။ရွှင်လန်းသည်လည်းမဟုတ် စိတ်ညစ်သည်လည်းမဟုတ်သော ဥပေက္ခာနှင့်တကွ အယူမှားယွင်းစွာ သူတစ်ပါးတို့ တိုက်တွန်းမှုပါဝင်သော လောဘစိတ်။
(၇) ရွှင်လန်းသည်လည်းမဟုတ် စိတ်ညစ်သည်လည်းမဟုတ်သော ဥပေက္ခာနှင့်တကွ အယူမမှားယွင်း စွာ သူတစ်ပါးတို့ တိုက်တွန်းမှုမပါဝင်သော လောဘစိတ်။
(၈) ရွှင်လန်းသည်လည်းမဟုတ် စိတ်ညစ်သည်လည်းမဟုတ်သော ဥပေက္ခာနှင့်တကွ အယူမမှားယွင်း စွာ သူတစ်ပါးတို့ တိုက်တွန်းမှု ပါဝင်သော လောဘစိတ်။
ဒေါသမူစိတ် (၂)ပါး = (၁)ပြစ်မှားလိုသောစိတ်နှင့်အတူတကွ ရန်ညှိုးအာဃာတယှဉ်သော သူတစ်ပါး တို့ တိုက်တွန်းမှု မပါဝင်သော ဒေါသစိတ်။
(၂) ပြစ်မှားလိုသောစိတ်နှင့်အတူတကွ ရန်ညှိုးအာဃာတယှဉ်သော သူတစ်ပါးတို့ တိုက်တွန်းမှု ပါဝင် သော ဒေါသစိတ်။
မောဟမူစိတ် (၂) = (၁)ရွှင်လန်းသည်လည်းမဟုတ် စိတ်ညစ်သည်လည်းမဟုတ်သော ဥပေက္ခာနှင့် တကွသော ယုံမှားသံသယနှင့်ယှဉ်သော မောဟစိတ်တစ်ပါး။
(၂) ရွှင်လန်းသည်လည်းမဟုတ် စိတ်ညစ်သည်လည်းမဟုတ်သော ဥပေက္ခာနှင့်တကွသော ပျံ့လွင့် တွေဝေလွင့်မျောခြင်းနှင်ယှဉ်သော မောဟစိတ်တစ်ပါး။
ကာမာဝစရသောဘနစိတ် (၂၄)ပါးအကျဉ်း = ကာမာဝစရကုသိုလ်စိတ်(၈)ပါး၊ ကာမာဝစရဝိပါက်စိတ် (၈)ပါး၊ ကာမာဝစရကိရိယာစိတ် (၈)ပါး ပေါင်း (၂၄)ပါး။
ကာမာဝစရကုသိုလ်စိတ်(၈)ပါး =(၁)ရွှင်ရွှင်လန်းလန်း အသိဉာဏ်ရှိစွာ သူတစ်ပါးတိုက်တွန်းမှု မပါဝင် သော ကုသိုလ်စိတ်။
(၂)ရွှင်ရွှင်လန်းလန်း အသိဉာဏ်ရှိစွာ သူတစ်ပါးတို့တိုက်တွန်းမှုပါဝင်သော ကုသိုလ်စိတ်။
(၃)ရွှင်ရွှင်လန်းလန်း အသိဉာဏ်ကင်းစွာ သူတစ်ပါးတို့တိုက်တွန်းမှုမပါဝင်သော ကုသိုလ်စိတ်။
(၄)ရွှင်ရွှင်လန်းလန်း အသိဉာဏ်ကင်းစွာ သူတစ်ပါးတို့တိုက်တွန်းမှု ပါဝင်သော ကုသိုလ်စိတ်။
(၅)ရွှင်လန်းသည်လည်းမဟုတ် မရွှင်လန်းသည်လည်းမဟုတ် အသိဉာဏ်ရှိစွာ သူတစ်ပါးတိုက်တွန်းမှု မပါဝင်သော ကုသိုလ်စိတ်။
(၆)ရွှင်လန်းသည်လည်းမဟုတ် မရွှင်လန်းသည်လည်းမဟုတ် အသိဉာဏ်ရှိစွာ သူတစ်ပါးတိုက်တွန်းမှု ပါဝင်သော ကုသိုလ်စိတ်။
(၇)ရွှင်လန်းသည်လည်းမဟုတ် မရွှင်လန်းသည်လည်းမဟုတ် အသိဉာဏ်ကင်းစွာ သူတစ်ပါးတိုက် တွန်းမှု မပါဝင်သော ကုသိုလ်စိတ်။
(၈)ရွှင်လန်းသည်လည်းမဟုတ် မရွှင်လန်းသည်လည်းမဟုတ် အသိဉာဏ်ကင်းစွာ သူတစ်ပါးတိုက် တွန်းမှု ပါဝင်သော ကုသိုလ်စိတ်။
မှတ်ချက် ကာမာဝစရဝိပါက်စိတ်(၈)ပါး၊ ကာမာဝစရကိရိယာစိတ်(၈)ပါးကိုလည်း အထက်ပါအတိုင်း ကုသိုလ်စိတ် နေရာတွင် ဝိပါစိတ်၊ ကိရိယာစိတ်ပြောင်းရုံသာဖြစ်ပါသည်။ ဝိပါက်စိတ်ဆိုသည်မှာ အကျိုးခံစားသောစိတ်ဖြစ်သည်။ ကိရိယာစိတ်ဆိုသည်မှာ ရဟန္တာအရှင်မြတ်တို့သည်သန္တာန်၌သာဖြစ် ပေါ်လေ့ရှိသော ပြုကာမတ္တ မည်သည့်အကျိုးမှ ပေးနိုင်ခွင့်မရှိသောစိတ်ဖြစ်သည်။
ရူပါဝစရစိတ် (၁၅)ပါးအကျဉ်း = ရူပါဝစရကုသိုလ်စိတ်(၅)ပါး။ ရူပါဝစရဝိပါက်စိတ်(၅)ပါး။ ရူပါဝစရ ကိရိယာစိတ် (၅)ပါး ပေါင်း(၁၅)ပါးဖြစ်ပါသည်။
(
က)ရူပါဝစရကုသိုလ်စိတ်(၅)ပါး = (၁) ကြံစည်မှု သုံးသပ်မှု ကြည်နူးမှု ချမ်းသာမှု တည်ကြည်ခိုင်မာမှု တည်းဟူသော ဈာန်အင်္ဂါငါးပါးနှင့်တကွဖြစ်သော ပထမဈာန်ကုသိုလ်စိတ်။
(၂)သုံးသပ်မှု ကြည်နူးမှု ချမ်းသာမှု တည်ကြည်ခိုင်မာမှုတည်းဟူသော ဈာန်အင်္ဂါလေးပါးနှင့်တကွဖြစ် သော ဒုတိယဈာန်ကုသိုလ်စိတ်။
(၃)ကြည်နူးမှု ချမ်းသာမှု တည်ကြည်ခိုင်မာမှုတည်းဟူသော ဈာန်အင်္ဂါ သုံးပါးနှင့်တကွဖြစ်သော တတိယဈာန်ကုသိုလ်စိတ်။
(၄)ချမ်းသာမှု တည်ကြည်ခိုင်မာမှုတည်းဟူသော ဈာန်အင်္ဂါ နှစ်ပါးနှင့်တကွဖြစ်သော စတုတ္ထဈာန် ကုသိုလ်စိတ်။
(၅)ဥပေက္ခာပြုမှု တည်ကြည်ခိုင်မာမှုတည်းဟူသော ဈာန်အင်္ဂါတို့နှင့်တကွဖြစ်သော ပဉ္စမဈာန် ကုသိုလ်စိတ်။
မှတ်ချက် – ရူပါဝစရဝိပါက်စိတ် (၅)ပါး၊ ရူပါဝစရကိရိယာစိတ်(၅)ပါးကိုလည်း အထက်ပါနည်းအတိုင်း ကုသိုလ်စိတ်နေရာတွင် ဝိပါက်စိတ် ကိရိယာစိတ်ပြောင်းပြီး ရေတွက်ပါ။
အရူပါဝစရစိတ် (၁၂)ပါးအကျဉ်း = အရူပါဝစရကုသိုလ်စိတ်(၄)ပါး။ အရူပါဝစရဝိပါက်စိတ်(၄)ပါး။ အရူပါဝစရ ကိရိယာစိတ် (၄)ပါး ပေါင်း(၁၂)ပါး။
အရူပါဝစရကုသိုလ်စိတ်(၄)ပါး = (၁)အဆုံးမရှိသော ကောင်းကင်ပညတ်လျှင်အာရုံရှိသော အာကာ နဉ္စာယတနဈာန်နှင့်ယှဉ်သော ကုသိုလ်စိတ်။
(၂)ပထမာရုပ္ပဝိညာဏ်လျှင် အာရုံရှိသော ဝိညာဏဉ္စာယတနဈာန်နှင့်ယှဉ်သော ကုသိုလ်စိတ်။
(၃)စိုးစဉ်းအနည်းငယ်မျှ အကြွင်းမရှိသော ပထမာရုပ္ပဝိညာဏ်၏ နတ္ထိဘောပညတ်လျှင် အာရုံရှိသော အာကိဉ္စညာယတနဈာန်နှင့်ယှဉ်သော ကုသိုလ်စိတ်။
(၄)ရုံ့ရင်းကြမ်းတမ်းသောသညာကားမရှိ သိမ်မွေ့သောသညာမရှိသည်မဟုတ်သော နေဝသညာနာ သညာယတနဈာန်နှင့်ယှဉ်သော ကုသိုလ်စိတ်။
မှတ်ချက် – အရူပါဝစရဝိပါက်စိတ်(၄)ပါး၊အရူပါဝစရကိရိယာစိတ်(၄)ပါးတို့ကိုလည်း အထက်ပါအတိုင်း ကုသိုလ်စိတ်နေရာတွင် ဝိပါက်စိတ် ၊ ကိရိယာစိတ်ပြောင်း၍ ရေတွက်ပါ။
လောကုတ္တရာစိတ်(၈)ပါးအကျဉ်း = မဂ်စိတ်(၄)ပါး။ ဖိုလ်စိတ်(၄)ပါး ပေါင်း (၈)ပါး။
(က)မဂ်စိတ်(၄)ပါး = (၁)သောတာပတ္တိမဂ်စိတ်။ (၂)သကဒါဂါမိမဂ်စိတ်။ (၃)အနာဂါမိမဂ်စိတ်။ (၄)အရဟတ္တမဂ်စိတ်။
(ခ)ဖိုလ်စိတ်(၄)ပါး = (၁)သောတာပတ္တိဖိုလ်စိတ်။ (၂)သကဒါဂါမိဖိုလ်စိတ်။ (၃)အနာဂါမိဖိုလ်စိတ်။ (၄)အရဟတ္တဖိုလ်စိတ်။
သဟိတ်စိတ် (၇၁)ပါး ပြီးပါပြီ။
ဆက်လက်ဖေါ်ပြပါဦးမည်
အရှင်ဇဝန (ကုန်းဇောင်း)
No comments:
Post a Comment