“တရားပွဲတော်မှ ဖိတ်ကြားပါသည်။”
===================
၁။ သာသနာနှင့် လူ့ဘ၀၊
တွေ့ဆုံဖို့ရန် လွန်စွာခက်ခဲလှ။
သာသနာနှင့် တွေ့ဆုံတုန်း၊
တရား များများ နာကြအုန်း။
လူ့ဘ၀သို့ ရောက်ရှိတုန်း၊
တရားတွေ့အောင် ကြိုးစားအုန်း။
တရားတွေ့အောင် ရှာရန်မှာ၊
တရားနာမှ တွေ့ရှိမှာ။
ဓမ္မ မိတ်ဆွေ များသဟာ၊
တရားပွဲသို့ ရောက်အောင်လာကြပါ။ ။
၂။ တရားပွဲသို့ လာလိုက်ပါ၊
ရင်ဝယ်ငြိမ်းချမ်း သွားစေမှာ။
ဘ၀သံသရာ တစ်လျှောက်လုံး၊
အ၀ိဇ္ဇာအမှောင် လိုက်လို့ဖုံး။
အ၀ိဇ္ဇာအမှောင်ကို အနိုင်ယူမှာ၊
သတိ ဉာဏ် ပညာ။
သတိဉာဏ်ပညာ တိုးပွားဘို့၊
တရားပွဲသို့ ရောက်အောင်သွားကြစို့။
“တရားပွဲလာ များသဟာ၊
စောင့်မျှော်ကြိုဆို လျှက်ပါ။ ။
(သဟပုညကာရီ ဓမ္မ အကျိုးတော်ဆောင်များ)
—————————————————–
“အဓိဌာန်”
========
ငါ့တွက်များမြောက် ချမ်းသာရောက်ဖို့
ခုလောက်ကြိုးကုတ် အားမထုတ်ဘူး
ဗုဒ္ဓ မြတ်စွာ သာသနာ၏
ရှည်စွာအဓွန့် ရောင်လျံကွန့်ဖို့
စွန့်စွန့် စားစား ငါကြိုးစားသည်
စိတ်ထား ငါ့မှာ အမြဲတည်း။ ။
(ဆရာတော် အရှင်ဇနကာဘိဝံသ)
———————————————————
“ကိုယ်စီခပ်နှိပ်ကြ”
===========
အိုးမဖုတ်ခင်၊ အိုးလုပ်စဉ်ဝယ်၊
အိုးတွင်နှိပ်ခပ်၊ တံဆိပ်မှတ်ကား၊
မပြတ်မစဲ၊ အိုးပင်ကွဲလည်း၊
အမြဲတစေ၊ တည်ရှိနေသို့၊
ထိုထိုသွေးသား၊ ကလေးများ၌၊
ဘုရားတံဆိပ်၊ ဘာသာစိတ်ကို၊
ခပ်နှိပ်နိုင်မှ၊ သက်ဆုံးကျအောင်၊
ဗုဒ္ဓ၀ါဒီ၊ စွဲ၍ တည်မည်၊
ကိုယ်စီခပ်နှိပ် ကြစေသတည်း။ ။
(တောင်မြို့-မဟာဂန္ဓာရုံဆရာတော်)
—————————————–
“သင်တန်းဖွင့်ကြစို့”
============
တို့သာသနာ၊ တို့ဘာသာကို
မျက်နှာလွှဲထား၊ မကြိုးစားက
တို့များဘာသာ၊ ဆုတ်ယုတ်မှာမို့
ဘာသာတအား၊ တည်တံပွားအောင်
တို့များညီညာ၊ လက်တွဲကာဖြင့်
ဓမ္မ တရား၊ စာပေများကို
သင်ကြားကျင့်သုံး ကြပါစို့။ ။
—————————————–
“တို့လိုအပ်သည်။”
==========
ဘာသာအသိ၊ ဗလာရှိတော့
အားပျော့ခြံတိုင်၊ မတ်မခိုင်ဘဲ
ယိုင်လဲဖြိုကာ၊ တွန်းဝင်လာငြား
မိစ္ဆာမှားယူ၊ ထိုထိုသူတို့ကြောင့်…..
တို့ရဲ့ဘာသာ၊ သာသနာဟာ..
“ခြံမခိုင်လို့၊ ငိုမှာလား…?”
“ငေးငိုင်နေလို့၊ ငိုမှာလား…?”
ထိုသို့အခြေ၊ မဖြစ်လေအောင်
ဓမ္မ ဓမ္မ၊ စကူးလ်ကမှ
အခြေကျကျ၊ ဘ၀လှပြီး
ဆိုးစကိုဖယ်၊ ကောင်းဖွယ်ကိုကျင့်
ကြိုးစားနှင့်တော့၊ ရင့်ကျက်သိမှန်
အမှန်သိကာ၊ နောင်လာမျိုးဆက်
အကျိုးတွက်ကို…………….
တို့လိုလူကြီး………………..
သတိကြီးစွာ၊ ဆောင်ရွက်ပါမှ
ဘာသာဂုဏ်ရောင်၊ ထွန်းပြောင်လာမည်။
ရင်မှာကိုယ်စီ .. သိစေသတည်း။
ရင်မှာကိုယ်စီ .. ရှိစေသတည်း။
( သိဒ္ဓိမောင်ဆွမ်းလောင်း၊ လက်ကမ်းစာစောင်မှ)
No comments:
Post a Comment